Spá miklu hvassviðri víða um land á morgun

Atli Ísleifsson skrifar 6. október 2021 07:08

Víða verður léttskýjað um vestanvert landið í dag, en skýjað og sums staðar smáskúrir eða él austanlands. Vísir/Vilhelm

Veðurstofan spáir austan strekkingi við suðurströndina í dag, tíu til fimmtán metrum á sekúndu, en annars hægari vindi. Víða verður léttskýjað um vestanvert landið, en skýjað og sums staðar smáskúrir eða él austanlands.

Reikna má með vaxandi austanátt í kvöld, með rigningu á Suðausturlandi. Hiti á landinu verður núll til átta stig og verður mildast sunnan heiða.

„Allhvöss eða hvöss norðaustan- og austanátt á morgun, en stormur eða rok syðst og á Vestfjörðum um kvöldið. Þessu fylgir rigning um allt land og má búast við talsverðri úrkomu síðdegis og annað kvöld. Hiti 4 til 10 stig,“ segir á vef Veðurstofunnar um veðrið á morgun.

Spákortið fyrir klukkan 14 í dag.Veðurstofan

Veðurhorfur á landinu næstu daga

Á fimmtudag: Gengur í norðaustan og austan 15-23 m/s. Víða talsverð rigning og hiti 4 til 10 stig.

Á föstudag: Suðlæg átt 5-13, en hvöss norðaustanátt á Vestfjörðum í fyrstu. Rigning með köflum, en þurrt að kalla NA-til á landinu. Hiti 6 til 12 stig.

Á laugardag: Norðaustanátt og dálítil rigning, en styttir upp N- og V-lands. Kólnandi veður.

Á sunnudag: Norðvestlæg eða breytileg átt og léttir til, en stöku él á NA-landi. Hiti 0 til 6 stig að deginum, en í kringum frostmark á N-verðu landinu.

Á mánudag og þriðjudag: Vestlæg átt, úrkomulítið og bjart með köflum. Hiti breytist lítið.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.