Innlent

„Búin að leggja okkar verk í hendurnar á kjósendum“

Samúel Karl Ólason skrifar
Inga Sæland, formaður Flokks fólksins, segjast sjaldan hafa verið ánægðari.
Inga Sæland, formaður Flokks fólksins, segjast sjaldan hafa verið ánægðari. Vísir/Vilhelm

Inga Sæland, formaður Flokks fólksins, hefur sjaldan verið jafn bjartsýn og hún er í dag. Hún segist vera bjartsýn brosandi og ánægð og mikil gleði sé í kringum hana.

„Mér líður dásamlega vel. Nú er þessu lokið og þetta komið í hendurnar á kjósendum,“ segir Inga í samtali við fréttastofu. Hún segir kosningabaráttu Flokks fólksins vera lokið og ekki verði hringt í neina kjósendur frá flokknum. Það hafi ekki verið gert alla kosningabaráttuna.

„Við erum búin að leggja okkar verk í hendurnar á kjósendum og eru mjög bjartsýn.“

Inga segir þetta ánægjulegan dag. Hún muni verja deginum að mestu með sínu fólki í kaffi og spjalli á skrifstofu Flokks fólksins.

„Svo verður ofboðslega gaman hjá okkur í kvöld. Það verður kosningavaka hjá okkur og gleði og gaman.“

Inga segist gífurlega spennt fyrir deginum, hún sé eins og hún var sem lítil stelpa fyrir jólin.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.