Inga keypti íbúðina af leigufélagi öryrkja Kjartan Kjartansson skrifar 14. september 2021 11:37 Inga Sæland, formaður Flokks fólksins og þingmaður. Vísir/Stöð 2 Hússjóður Öryrkjabandalagsins seldi Ingu Sæland, formanni og þingmanni Flokks fólksins, íbúð sem hún hefur leigt undanfarin ár í febrúar. Á þriðja hundrað manns bíða enn eftir að leigja íbúð af sjóðnum en ekki hefur verið tekið við nýjum umsóknum í um þrjú ár. Umræða skapaðist um húsnæðismál Ingu eftir að hún tók sæti á Alþingi árið 2017. Gagnrýnisraddir voru þá uppi vegna þess að hún leigði íbúð af Brynju, leigufélagi Öryrkjabandalags Íslands, þrátt fyrir að vera vel yfir tekjuviðmiðum til að eiga rétt á slíkri íbúð. Langur biðlisti hefur verið eftir íbúðum Brynju um árabil. Inga sagðist þá ætla að halda áfram að leigja íbúðina en að hún hafi gert samkomulag um að greiða tvöfalda húsaleigu, alls 236 þúsund á mánuði fyrir fjögurra herbergja íbúð. Stjórn Brynju, sem er sjálfseignarstofnun sem á og rekur íbúðir fyrir öryrkja, samþykkti að selja Ingu íbúðina í desember og var gengið frá kaupsamningnum í febrúar, að sögn Björns Arnars Magnússonar, framkvæmdastjóra leigufélagsins. Kaupverðið var 58 milljónir króna. Íbúðin er 120 fermetrar og fylgir henni 28 fermetra bílskúr. Fasteignamat á íbúðinni var í kringum 54 milljónir króna í ár. Björn segir að fasteignasali hafi verið fenginn til þess að sjá um söluna og meta fasteignina. Leigufélagið hafi síðan rekið sig á að fasteignaverð hafi verið á þvílíkri siglingu. Ekki er algengt að leigufélagið selji íbúðir enda breytist hagur skjólstæðinga félagsins yfirleitt lítið. Björn áætlar að það hafi gerst tvisvar til þrisvar sinnum undanfarin þrjú til fjögur ár, ef svo oft. Sjóðurinn sé þó nýbúinn að selja aðra eign á Akranesi. „Menn hafa alltaf tekið jákvætt í það ef fólk vill kaupa. Þá er það bara verðmat fasteignasala sem liggur fyrir,“ segir hann. Íbúðir hafa þannig meðal annars verið seldar þegar leigjandi á erfitt með að flytja annað vegna fötlunar sinnar. Óhentug íbúð fyrir eignasafnið Hvað íbúð Ingu varðar segir Björn að hún hafi verið frekar óhentug í eignasafni Brynju þar sem hún sé frekar stór. Um 70% af leigjendum félagsins vilji tveggja herbergja íbúð. „Stundum hafi gengið vel hjá okkur að koma þessum stærri íbúðum út en svo koma tímabil þar sem við eigum í erfiðleikum með að leigja þessar íbúðir út af stærðinni. Auðvitað eru þetta dýrir íbúðir í leigu og rekstrarkostnaði,“ segir Björn. Brynja hætti að taka við nýjum umsóknum um íbúðir í október árið 2018 en þá voru 610 manns á biðlista. Björn segir að ekki hafi þótt verjandi að láta fólk bíða í fleiri ár eftir leiguíbúðum. Nú sé unnið að því að stytta biðlistann en engu að síður eru um 280 manns á honum ennþá. Hagnaður Brynju af sölu íbúðarinnar til Ingu verður notaður til þess að kaupa íbúðir annars staðar, að sögn Björns. Björn Arnar Magnússon, framkvæmdastjóri Brynju.Vísir/Stöð 2 Ómentanlegt fyrir Ingu Inga segir í samtali við Vísi að það hafi verið auðsótt við stjórn Brynju að fá íbúðina keypta þar sem félagið hugsi um hag fólksins sem býr hjá því. „Þau vita það að ég er lögblind og er mjög háð umhverfi mínu. Það tekur mig mjög langan tíma að aðlagast umhverfi mínu til að ég sé örugg með sjálfri mér,“ segir Inga sem hefur búið í íbúðinni í Grafarholti í um tíu ár. Hún segist alveg hafa getað keypt sér íbúð fyrir sextíu milljónir annars staðar en í blokkaríbúð í Grafarholti. „En fyrir mig er þetta alveg ómetanlegt,“ segir hún. Flokkur fólksins Félagsmál Húsnæðismál Alþingi Leigumarkaður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Þjófunum yfirsást taska með milljónum króna Innlent Íkveikjan ekki talin hafa beinst að Trump eða réttarhöldunum Erlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Kveikti í sér fyrir utan dómshúsið þar sem réttað er yfir Trump Erlent Bandarísk þota í vandræðum lenti í Keflavík Innlent Fleiri fréttir Getur gosið hvenær sem er Að taka afstöðu er einkamál hvers og eins Besti vinur úlfanna hlakkar til að tengjast áhorfendum í Hörpu Pollrólegur í viðtali í 45 metra hæð yfir borginni Tilkynnti sig tvisvar til barnaverndar til að fá aðstoð fyrir einhverfa dóttur Bandarísk þota í vandræðum lenti í Keflavík Þjófunum yfirsást taska með milljónum króna Framkvæmdastjórinn sagður hafa greitt sjálfum sér án heimildar Yfirvofandi eldgos, örvæntingarfull móðir og Hamraborgarþjófarnir Eiga von á öðru eldgosi Maður með kókaín í niðursuðudósum fær mildari dóm Tók upp þegar hann nauðgaði kærustu sinni í tvígang Öllum dómurum skipt út í milljarðamáli fyrrverandi ráðherra Skoðar róttækar breytingar á vaxtabótakerfinu Baldur segir lygasögur ekki hafa nein áhrif á þá Felix Ráðnar aðstoðarmenn nýrrar ríkisstjórnar Átta forsetaefni klár með listana Þórhildur og Heiða María hlutu Hvatningarverðlaun Rannsóknasjóðs Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Svona var Pallborðið með Baldri, Höllu Hrund og Jóni Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Sjá meira
Umræða skapaðist um húsnæðismál Ingu eftir að hún tók sæti á Alþingi árið 2017. Gagnrýnisraddir voru þá uppi vegna þess að hún leigði íbúð af Brynju, leigufélagi Öryrkjabandalags Íslands, þrátt fyrir að vera vel yfir tekjuviðmiðum til að eiga rétt á slíkri íbúð. Langur biðlisti hefur verið eftir íbúðum Brynju um árabil. Inga sagðist þá ætla að halda áfram að leigja íbúðina en að hún hafi gert samkomulag um að greiða tvöfalda húsaleigu, alls 236 þúsund á mánuði fyrir fjögurra herbergja íbúð. Stjórn Brynju, sem er sjálfseignarstofnun sem á og rekur íbúðir fyrir öryrkja, samþykkti að selja Ingu íbúðina í desember og var gengið frá kaupsamningnum í febrúar, að sögn Björns Arnars Magnússonar, framkvæmdastjóra leigufélagsins. Kaupverðið var 58 milljónir króna. Íbúðin er 120 fermetrar og fylgir henni 28 fermetra bílskúr. Fasteignamat á íbúðinni var í kringum 54 milljónir króna í ár. Björn segir að fasteignasali hafi verið fenginn til þess að sjá um söluna og meta fasteignina. Leigufélagið hafi síðan rekið sig á að fasteignaverð hafi verið á þvílíkri siglingu. Ekki er algengt að leigufélagið selji íbúðir enda breytist hagur skjólstæðinga félagsins yfirleitt lítið. Björn áætlar að það hafi gerst tvisvar til þrisvar sinnum undanfarin þrjú til fjögur ár, ef svo oft. Sjóðurinn sé þó nýbúinn að selja aðra eign á Akranesi. „Menn hafa alltaf tekið jákvætt í það ef fólk vill kaupa. Þá er það bara verðmat fasteignasala sem liggur fyrir,“ segir hann. Íbúðir hafa þannig meðal annars verið seldar þegar leigjandi á erfitt með að flytja annað vegna fötlunar sinnar. Óhentug íbúð fyrir eignasafnið Hvað íbúð Ingu varðar segir Björn að hún hafi verið frekar óhentug í eignasafni Brynju þar sem hún sé frekar stór. Um 70% af leigjendum félagsins vilji tveggja herbergja íbúð. „Stundum hafi gengið vel hjá okkur að koma þessum stærri íbúðum út en svo koma tímabil þar sem við eigum í erfiðleikum með að leigja þessar íbúðir út af stærðinni. Auðvitað eru þetta dýrir íbúðir í leigu og rekstrarkostnaði,“ segir Björn. Brynja hætti að taka við nýjum umsóknum um íbúðir í október árið 2018 en þá voru 610 manns á biðlista. Björn segir að ekki hafi þótt verjandi að láta fólk bíða í fleiri ár eftir leiguíbúðum. Nú sé unnið að því að stytta biðlistann en engu að síður eru um 280 manns á honum ennþá. Hagnaður Brynju af sölu íbúðarinnar til Ingu verður notaður til þess að kaupa íbúðir annars staðar, að sögn Björns. Björn Arnar Magnússon, framkvæmdastjóri Brynju.Vísir/Stöð 2 Ómentanlegt fyrir Ingu Inga segir í samtali við Vísi að það hafi verið auðsótt við stjórn Brynju að fá íbúðina keypta þar sem félagið hugsi um hag fólksins sem býr hjá því. „Þau vita það að ég er lögblind og er mjög háð umhverfi mínu. Það tekur mig mjög langan tíma að aðlagast umhverfi mínu til að ég sé örugg með sjálfri mér,“ segir Inga sem hefur búið í íbúðinni í Grafarholti í um tíu ár. Hún segist alveg hafa getað keypt sér íbúð fyrir sextíu milljónir annars staðar en í blokkaríbúð í Grafarholti. „En fyrir mig er þetta alveg ómetanlegt,“ segir hún.
Flokkur fólksins Félagsmál Húsnæðismál Alþingi Leigumarkaður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Þjófunum yfirsást taska með milljónum króna Innlent Íkveikjan ekki talin hafa beinst að Trump eða réttarhöldunum Erlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Kveikti í sér fyrir utan dómshúsið þar sem réttað er yfir Trump Erlent Bandarísk þota í vandræðum lenti í Keflavík Innlent Fleiri fréttir Getur gosið hvenær sem er Að taka afstöðu er einkamál hvers og eins Besti vinur úlfanna hlakkar til að tengjast áhorfendum í Hörpu Pollrólegur í viðtali í 45 metra hæð yfir borginni Tilkynnti sig tvisvar til barnaverndar til að fá aðstoð fyrir einhverfa dóttur Bandarísk þota í vandræðum lenti í Keflavík Þjófunum yfirsást taska með milljónum króna Framkvæmdastjórinn sagður hafa greitt sjálfum sér án heimildar Yfirvofandi eldgos, örvæntingarfull móðir og Hamraborgarþjófarnir Eiga von á öðru eldgosi Maður með kókaín í niðursuðudósum fær mildari dóm Tók upp þegar hann nauðgaði kærustu sinni í tvígang Öllum dómurum skipt út í milljarðamáli fyrrverandi ráðherra Skoðar róttækar breytingar á vaxtabótakerfinu Baldur segir lygasögur ekki hafa nein áhrif á þá Felix Ráðnar aðstoðarmenn nýrrar ríkisstjórnar Átta forsetaefni klár með listana Þórhildur og Heiða María hlutu Hvatningarverðlaun Rannsóknasjóðs Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Svona var Pallborðið með Baldri, Höllu Hrund og Jóni Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Stjórnarmaður í RÚV segir opinber hlutafélög fé án hirðis Sjá meira