Innlent

Hanna Björg fer í framboð

Árni Sæberg skrifar
Hanna Björg Vilhjálmsdóttir
Hanna Björg Vilhjálmsdóttir Vísir

Hanna Björg Vilhjálmsdóttir, framhaldsskólakennari og kynjafræðingur hefur ákveðið að bjóða sig fram til formennsku í Kennarasambandi Íslands.

Hanna Björg segir í færslu á Facebook að hún sé fús, viljug og áhugasöm um að leiða kennarastéttina næstu fjögur árin veiti kennarar landsins henni traust til þess.

Hún hefur vakið mikla athygli undanfarið fyrir baráttu sína fyrir þolendur kynferðisofbeldis, sér í lagi í tengslum við ásakanir á hendur knattspyrnuhreyfingunni.

Hún segist hafa starfað með forystu framhaldsskólakennara lengur en hún man og að sú reynsla muni nýtast henni vel í starfi formanns Kennarasambandins.

„Allir kennarar á öllum skólastigum eru mikilvægir og ég mun sannarlega gera mér far um að vera málsvari allra,“ segir Hanna Björg.

Hún segist hafa haft áhuga og metnað fyrir bæði menntun í landinu og kjaramálum kennarastéttarinnar allt frá því að hún hóf störf sem kennari.

„Grundvöllur kraftmikillar kjarabaráttu er sterk sjálfsmynd stéttarinnar og rík fagvitund,“ segir hún.

Að lokum segir Hanna Björg að kennarastarfið sé mikilvægasta starfið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.