„Fæ ekki nógu mikla ánægju úr þessu“ Sindri Sverrisson skrifar 27. ágúst 2021 07:31 Matthías Orri Sigurðarson hefur átt góðar stundir á körfuboltavellinum en segir ánægjuna af íþróttinni ekki hafa verið nógu mikla undanfarið. vísir/bára Útlit er fyrir að einn af bestu leikmönnum Dominos-deildarinnar í körfubolta síðustu ár, hinn 26 ára gamli KR-ingur Matthías Orri Sigurðarson, dragi sig í hlé. Hann segir ástríðuna fyrir körfuboltanum einfaldlega hafa minnkað. „Þetta er ekki alveg grafið í stein eins og er en kemur í ljós á næstu dögum,“ segir Matthías um það hvort að hann taki sér hlé í vetur. Matthías hefur verið lykilmaður hjá KR síðustu tvö ár eftir að hafa verið leiðtogi ÍR um árabil og komist með liðinu í úrslit Íslandsmótsins árið 2019. „Það er búin að vera að ágerast einhver minni ástríða og minni ánægja af körfubolta. Þetta hefur verið að gerjast í einhvern tíma. Það er stóra málið. Svo er líka mikið að gera í vinnu og ég búinn að vera lengi að í þessu, svo það er ýmislegt sem spilar inn í,“ segir Matthías. Útlit er fyrir að Matthías Orri verði sjaldnar á ferð í DHL-höllinni í vetur en síðustu ár en það er þó ekki alveg ljóst.vísir/bára Matthías segir að ferlinum sé ekki lokið, hvort sem hann tæki sér hlé eða ekki, enda er hann aðeins 26 ára gamall: „Ég veit það og fólk í kringum mig hefur verið að benda á það. En ég tók þá ákvörðun fyrir einhverjum tíma að ég myndi ekki leggja allt sem að ég hef í körfuboltann. Þegar það fer svo að fjara undan áhuganum þá tel ég ekki mikið vit í að eyða meiri tíma í hann en þarf, ef manni finnst þetta ekki nógu skemmtilegt. Eins og flestir íþróttamenn þekkja þá hefur þetta verið misskemmtilegt í gegnum tíðina. En þetta [minni áhugi] hefur verið svolítið stöðugt núna í ár eða tvö. Svo hef ég bara alltaf byrjað nýtt tímabil og ekkert pælt í þessu, fyrr en núna fyrst í sumar. Þá fór maður að horfa aðeins til baka og reyna að skilja líðanina og tilfinningarnar á bakvið það sem maður hefur verið að gera í tuttugu ár og er vanur,“ segir Matthías. Matthías Orri og félagar í KR komust í undanúrslit á síðasta Íslandsmóti eftir ævintýralega rimmu við Val en féllu svo úr leik gegn Keflavík.vísir/bára Síðasta ár með þeim betri KR verður með nýtt þjálfarateymi í vetur því Helgi Már Magnússon leggur skóna á hilluna og tekur við af Darra Frey Atlasyni. Bróðir Matthíasar, Jakob, verður aðstoðarþjálfari og Matthías hlær kurteisislega þegar blaðamaður reynir að vera fyndinn og spyr hvort ósætti við þjálfarateymið spili inn í vangaveltur hans. Öðru nær. „Síðasta ár með KR, þó að það væri það fyrsta í sjö ár sem liðið vinnur ekki titilinn, var með betri árum sem ég hef átt í körfubolta, hvað varðar stjórnina, þjálfarana og leikmannahópinn. Ekkert er fjær lagi en að það séu einhver vandamál hvað það varðar. Málið er að ég ákvað það fyrir einhverjum árum síðan að ég væri ekki að fara að leggja atvinnumennsku á mig í þessu. Ég fór snemma að huga að því að læra og hef unnið mikið meðfram körfuboltanum. Álagið í kringum vinnuna hefur aukist talsvert. Hægt og rólega hefur áhuginn og keppnisskapið, og eljusemin, færst yfir í þann farveg í stað körfunnar. Svo er hnéð mitt ennþá í rusli eftir úrslitakeppnina þegar ég var hjá ÍR, og það er frekar lýjandi að vera að fara út klukkan 9 á morgnana og koma heim klukkan 9 á kvöldin. En stærsti faktorinn í þessum pælingum mínum núna er að ég fæ ekki nógu mikla ánægju úr þessu og hef ekki gert það upp á síðkastið,“ segir Matthías sem er sérfræðingur á fjármála- og rekstarsviði hjá Eir hjúkrunarheimili. Matthías skoraði 13,6 stig að meðaltali í leik í Dominos-deildinni á síðustu leiktíð, tók 4,4 fráköst og gaf 4,5 stoðsendingar.vísir/bára Matthías ítrekar að hann sé ekki hættur í körfubolta, sama hver ákvörðun hans verði fyrir komandi tímabil: „Nei, þetta yrði algjörlega hlé. Í mínum samskiptum við KR-inga varðandi þessi mál hef ég alltaf sagt við þá að ég held að það sé hvorki sanngjarnt gagnvart klúbbnum né sjálfum mér að ég væri að skuldbinda mig þegar mín sýn er ekki skýr varðandi næsta ár í körfunni. Að ég sé þar á launaskrá og þeir með starfsmann sem er ekki hundrað prósent í þessu, og ég að skuldbinda mig í eitthvað sem ég er ekki viss um. Ég er nefnilega þannig að ég myndi aldrei hætta á miðri leið.“ Dominos-deild karla KR Mest lesið Elísa langfyrst fyrir Magnús Mána: „Þessi dagur er fyrir hann“ Sport Reykjavíkurmaraþonið í beinni á Vísi Sport Vann hálft maraþon, fæddi barn og varð svo meistari í heilu maraþoni Sport Magnaður sigur Dags í Vestratreyju: „Núna er bara stefnan sett á ÓL“ Sport Svekktur Íslandsmeistari: „Þetta var rosalega erfitt hlaup“ Sport Skelfileg mistök City og fullkomin byrjun Spurs Enski boltinn Sjáðu „fólkið frá þessum stað“ fagna í alvöru gæsahúðarmyndbandi Fótbolti Hjörvar fékk treyju með kveðju frá De Gea í beinni Fótbolti Aurier í bann vegna lifrarbólgu Fótbolti Patrick sleit hásin og verður frá út tímabilið Íslenski boltinn Fleiri fréttir Tap í síðasta leik fyrir EM „Lukkudýrið“ í mál við félagið ÍR-ingar sækja Grikkja á Álftanesið: „Sannkallaðar gleðifréttir“ Brotnaði saman þegar hann bar liðsfélögum tíðindin Faðir Boston Celtics stjörnu handtekinn fyrir morðtilraun Yngri Agravanis-bróðirinn í Stjörnuna Beittu sér fyrir keppnisbanni Ísraela: „Ekki fengið nógu marga með okkur í lið“ Yfirlýsing KKÍ: Hætta ekki við leikinn við Ísrael Almar var kominn alla leið til Bandaríkjanna Haukur Helgi meiddur og Almar kallaður inn í hópinn Nánast allar treyjur uppseldar fyrir EM Erfitt að horfa á félagana detta út Craig Pedersen um erfitt val á EM-hóp: „Frábært vandamál að glíma við“ Forseti Íslands hvatti landsliðið til dáða Giannis loksins mættur en Grikkirnir neita að útskýra fjarveruna Svona er hópur Íslands sem fer á EM Keflavík semur við Breta: „Þekktur fyrir öfluga nærveru í teignum“ Manchester heimsækir Síkið og Tindastóll fer til fjögurra landa Mögulegt áfall fyrir Slóvena í aðdraganda EM Tryggvi lét mest til sín taka í tapi gegn Portúgal Khalil Shabazz til Grindavíkur Fyrsti sigur á Svíum í 33 ár og feðgar í aðalhlutverki í báðum Eiginkonan líkir þjálfara Slóvena við Gosa Keflavík fær bandarískan framherja Misstu Martin út en sneru leiknum og unnu Svía Jaka skilinn eftir og þrettán leikmenn berjast um hin tólf sætin Með fyrsta þrjátíu tuttugu leikinn í sögu WNBA Ótryggður Giannis tekur ekki þátt í undirbúningi Grikklands Þjóðverjar unnu Doncic lausa Slóvena Pólland missir NBA stjörnu fyrir Eurobasket Sjá meira
„Þetta er ekki alveg grafið í stein eins og er en kemur í ljós á næstu dögum,“ segir Matthías um það hvort að hann taki sér hlé í vetur. Matthías hefur verið lykilmaður hjá KR síðustu tvö ár eftir að hafa verið leiðtogi ÍR um árabil og komist með liðinu í úrslit Íslandsmótsins árið 2019. „Það er búin að vera að ágerast einhver minni ástríða og minni ánægja af körfubolta. Þetta hefur verið að gerjast í einhvern tíma. Það er stóra málið. Svo er líka mikið að gera í vinnu og ég búinn að vera lengi að í þessu, svo það er ýmislegt sem spilar inn í,“ segir Matthías. Útlit er fyrir að Matthías Orri verði sjaldnar á ferð í DHL-höllinni í vetur en síðustu ár en það er þó ekki alveg ljóst.vísir/bára Matthías segir að ferlinum sé ekki lokið, hvort sem hann tæki sér hlé eða ekki, enda er hann aðeins 26 ára gamall: „Ég veit það og fólk í kringum mig hefur verið að benda á það. En ég tók þá ákvörðun fyrir einhverjum tíma að ég myndi ekki leggja allt sem að ég hef í körfuboltann. Þegar það fer svo að fjara undan áhuganum þá tel ég ekki mikið vit í að eyða meiri tíma í hann en þarf, ef manni finnst þetta ekki nógu skemmtilegt. Eins og flestir íþróttamenn þekkja þá hefur þetta verið misskemmtilegt í gegnum tíðina. En þetta [minni áhugi] hefur verið svolítið stöðugt núna í ár eða tvö. Svo hef ég bara alltaf byrjað nýtt tímabil og ekkert pælt í þessu, fyrr en núna fyrst í sumar. Þá fór maður að horfa aðeins til baka og reyna að skilja líðanina og tilfinningarnar á bakvið það sem maður hefur verið að gera í tuttugu ár og er vanur,“ segir Matthías. Matthías Orri og félagar í KR komust í undanúrslit á síðasta Íslandsmóti eftir ævintýralega rimmu við Val en féllu svo úr leik gegn Keflavík.vísir/bára Síðasta ár með þeim betri KR verður með nýtt þjálfarateymi í vetur því Helgi Már Magnússon leggur skóna á hilluna og tekur við af Darra Frey Atlasyni. Bróðir Matthíasar, Jakob, verður aðstoðarþjálfari og Matthías hlær kurteisislega þegar blaðamaður reynir að vera fyndinn og spyr hvort ósætti við þjálfarateymið spili inn í vangaveltur hans. Öðru nær. „Síðasta ár með KR, þó að það væri það fyrsta í sjö ár sem liðið vinnur ekki titilinn, var með betri árum sem ég hef átt í körfubolta, hvað varðar stjórnina, þjálfarana og leikmannahópinn. Ekkert er fjær lagi en að það séu einhver vandamál hvað það varðar. Málið er að ég ákvað það fyrir einhverjum árum síðan að ég væri ekki að fara að leggja atvinnumennsku á mig í þessu. Ég fór snemma að huga að því að læra og hef unnið mikið meðfram körfuboltanum. Álagið í kringum vinnuna hefur aukist talsvert. Hægt og rólega hefur áhuginn og keppnisskapið, og eljusemin, færst yfir í þann farveg í stað körfunnar. Svo er hnéð mitt ennþá í rusli eftir úrslitakeppnina þegar ég var hjá ÍR, og það er frekar lýjandi að vera að fara út klukkan 9 á morgnana og koma heim klukkan 9 á kvöldin. En stærsti faktorinn í þessum pælingum mínum núna er að ég fæ ekki nógu mikla ánægju úr þessu og hef ekki gert það upp á síðkastið,“ segir Matthías sem er sérfræðingur á fjármála- og rekstarsviði hjá Eir hjúkrunarheimili. Matthías skoraði 13,6 stig að meðaltali í leik í Dominos-deildinni á síðustu leiktíð, tók 4,4 fráköst og gaf 4,5 stoðsendingar.vísir/bára Matthías ítrekar að hann sé ekki hættur í körfubolta, sama hver ákvörðun hans verði fyrir komandi tímabil: „Nei, þetta yrði algjörlega hlé. Í mínum samskiptum við KR-inga varðandi þessi mál hef ég alltaf sagt við þá að ég held að það sé hvorki sanngjarnt gagnvart klúbbnum né sjálfum mér að ég væri að skuldbinda mig þegar mín sýn er ekki skýr varðandi næsta ár í körfunni. Að ég sé þar á launaskrá og þeir með starfsmann sem er ekki hundrað prósent í þessu, og ég að skuldbinda mig í eitthvað sem ég er ekki viss um. Ég er nefnilega þannig að ég myndi aldrei hætta á miðri leið.“
Dominos-deild karla KR Mest lesið Elísa langfyrst fyrir Magnús Mána: „Þessi dagur er fyrir hann“ Sport Reykjavíkurmaraþonið í beinni á Vísi Sport Vann hálft maraþon, fæddi barn og varð svo meistari í heilu maraþoni Sport Magnaður sigur Dags í Vestratreyju: „Núna er bara stefnan sett á ÓL“ Sport Svekktur Íslandsmeistari: „Þetta var rosalega erfitt hlaup“ Sport Skelfileg mistök City og fullkomin byrjun Spurs Enski boltinn Sjáðu „fólkið frá þessum stað“ fagna í alvöru gæsahúðarmyndbandi Fótbolti Hjörvar fékk treyju með kveðju frá De Gea í beinni Fótbolti Aurier í bann vegna lifrarbólgu Fótbolti Patrick sleit hásin og verður frá út tímabilið Íslenski boltinn Fleiri fréttir Tap í síðasta leik fyrir EM „Lukkudýrið“ í mál við félagið ÍR-ingar sækja Grikkja á Álftanesið: „Sannkallaðar gleðifréttir“ Brotnaði saman þegar hann bar liðsfélögum tíðindin Faðir Boston Celtics stjörnu handtekinn fyrir morðtilraun Yngri Agravanis-bróðirinn í Stjörnuna Beittu sér fyrir keppnisbanni Ísraela: „Ekki fengið nógu marga með okkur í lið“ Yfirlýsing KKÍ: Hætta ekki við leikinn við Ísrael Almar var kominn alla leið til Bandaríkjanna Haukur Helgi meiddur og Almar kallaður inn í hópinn Nánast allar treyjur uppseldar fyrir EM Erfitt að horfa á félagana detta út Craig Pedersen um erfitt val á EM-hóp: „Frábært vandamál að glíma við“ Forseti Íslands hvatti landsliðið til dáða Giannis loksins mættur en Grikkirnir neita að útskýra fjarveruna Svona er hópur Íslands sem fer á EM Keflavík semur við Breta: „Þekktur fyrir öfluga nærveru í teignum“ Manchester heimsækir Síkið og Tindastóll fer til fjögurra landa Mögulegt áfall fyrir Slóvena í aðdraganda EM Tryggvi lét mest til sín taka í tapi gegn Portúgal Khalil Shabazz til Grindavíkur Fyrsti sigur á Svíum í 33 ár og feðgar í aðalhlutverki í báðum Eiginkonan líkir þjálfara Slóvena við Gosa Keflavík fær bandarískan framherja Misstu Martin út en sneru leiknum og unnu Svía Jaka skilinn eftir og þrettán leikmenn berjast um hin tólf sætin Með fyrsta þrjátíu tuttugu leikinn í sögu WNBA Ótryggður Giannis tekur ekki þátt í undirbúningi Grikklands Þjóðverjar unnu Doncic lausa Slóvena Pólland missir NBA stjörnu fyrir Eurobasket Sjá meira