Innlent

Verður odd­viti Flokks fólksins í Norð­vestur­kjör­dæmi

Atli Ísleifsson skrifar
Eyjólfur Ármannsson.
Eyjólfur Ármannsson. Flokkur fólksins

Eyjólfur Ármannsson verður oddviti framboðslista Flokks fólksins í Norðvesturkjördæmi fyrir komandi alþingiskosningar.

Í tilkynningu frá Flokki fólksins segir að Eyjólfur sé lögfræðingur að mennt, með meistarapróf í lögfræði frá HÍ og LL.M. frá University of Pennsylvania. 

„Á ferli sínum hefur hann starfað sem lögfræðingur bæði á Íslandi og í Noregi, fyrir m.a. fjármálaráðuneytið, Isavia, Nordea og DNB. Eyjólfur hefur undanfarið gætt hagsmuna landeigenda í Arnarfirði og Dýrafirði í þjóðlendumálum sem eru til meðferðar hjá Óbyggðanefnd. Eyjólfur ólst upp í Vestmannaeyjum en er ættaður úr Lokinhamradal í Arnarfirði þar sem hann var tíðum í sveit sem ungur maður.

Eyjólfur er formaður Orkunnar okkar, samtaka þeirra sem vilja standa vörð um sjálfsákvörðunarrétt Íslands í orkumálum. Hann er einn aðalhöfunda sérfræðingaskýrslu samtakanna „Áhrif inngöngu Íslands í orkusamband ESB“,“ segir í tilkynningunni.

Alþingiskosningar 2021 Norðvesturkjördæmi Flokkur fólksins
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið