Nokkrir MH- og MR-ingar vilja hætta við útskriftarferðir sínar en fá ekki endurgreitt Jakob Bjarnar skrifar 27. júlí 2021 11:50 Breki Karlsson formaður Neytendasamtakanna. Einhverjir þeirra sem ætluðu í útskriftarferð til Krítar hafa hætt við vegna nýrrar stöðu sem komin er upp með aukinni útbreiðslu kórónuveirunnar. En Heimsferðir eru ekkert á því að endurgreiða ferðina. Menntskælingar hafa leitað til Neytendasamtakanna með sín mál en ferðaskrifstofan sem um ræðir vill ekki endurgreiða og ber því við að farið verði. Útskriftarnemar úr tveimur stórum framhaldsskólum á Reykjavíkursvæðinu hafa sett sig í samband við Neytendasamtökin og vilja hætta við útskriftarferðir sínar vegna þeirrar stöðu sem upp er komin vegna uppgangs Covid, en ferðaskrifstofur vilja ekki endurgreiða ferðirnar. Þetta segir Breki Karlsson formaður Neytendasamtakanna í samtali við Vísi. Samkvæmt heimildum Vísis er um að ræða Menntaskólann í Reykjavík og Menntaskólann í Hamrahlíð. Hér er nánast um að ræða endurtekið efni frá í fyrra þegar sambærileg mál komu upp. Ferðaskrifstofan sem á í hlut er Heimsferðir. Breki segist aðspurður ekki vita hversu háar upphæðir er um að tefla né heldur hversu margir nemendurnir eru sem ætluðu í útskriftarferðirnar en vilja nú hætta við vegna ástandsins. En ferð til Krítar með öllu fyrir útskriftarnema kostar 200 þúsund krónur. Til stóð að fara í júlí og þurftu nemendur þremur eða fjórum vikum fyrir brottför að fullgreiða ferðina en ferðinni var svo frestað þar til í byrjun næsta mánaðar. „Við teljum farþega í fullum rétti að afpanta ferðirnar og fá fulla endurgreiðslu í ljósi hertra aðgerða og ástandsins a áfangastað. Eins og farið er yfir í leiðbeiningum okkar. Heimsferðir upplýsa pakkaferðalanga ekki um lög og réttindi sín, sem okkur þykir ámælisvert. Við höfum sett fram leiðbeiningar á vefinn okkar og erum reiðubúin að aðstoða við að ná þeim fram sé þess óskað eða þess reynist þörf,“ segir Breki. Meta þarf hvert tilfelli fyrir sig Á vef Neytendasamtakanna er farið ítarlega yfir réttindi og skyldur í þessu sambandi og vísað til laga þar um. Á síðunni segir meðal annars að ferðalangur geti á grundvelli ákvæðisins að jafnaði afpantað pakkaferð áður en hún hefst, gegn greiðslu sanngjarnar þóknunar, oft staðfestingargjaldi. „Ferðaskrifstofan á aftur á móti ekki rétt á umræddri þóknun ef afpöntun byggist á óvenjulegum aðstæðum sem hafa veruleg áhrif á framkvæmd pakkaferðar. Auk þess er kveðið á um að endurgreiðsla skuli berast innan 14. daga frá afpöntun.“ Meta þarf hvert mál fyrir sig hvort að ferðamenn geti afpantað pakkaferðir gegn fullri endurgreiðslu, segir jafnframt, þá getur skipt máli með hversu löngum fyrirvara ferðamaður tilkynnir um afbókun, hverjar aðstæður eru í komulandi ásamt því hver staðan er við heimkomu hér á landi, þá að teknu tilliti til sóttkvíar og annars. Ferðahugur í þeim sem ætla að fara Una Margrét Lyngdal Reynisdóttir fráfarandi Inspector Scholae í MR er að fara. „Ég fer. Enginn á heimilinu hefur hreyft mótmælum þannig að ég ætla að skella mér.“ Una er fráfarandi Inspector Scholae og hún ætlar að skella sér til Krítar þrátt fyrir stöðuna sem upp er komin. Hún vonar að Heimsferðir taki tillit til aðstæðna þeirra sem ekki treysta sér.Skólafélag MR Ferðin er ráðgerð 3. ágúst og ferðahugur í Unu, sérstaklega eftir svo langa bið og ástandið sem reynt hefur sérstaklega á þennan aldurshóp. Hún segir að árgangurinn telji 190 manns, einhverjir hafi hætt við þegar ferðinni var frestað og stóð þá eftir hundrað manna hópur. Una veit ekki nákvæmlega hversu margir þeir eru sem ekki treysta sér í ferðina nú. Og hún vonar að Heimsferðir líti til sérstakra aðstæðna í þeim tilfellum. Þegar hópurinn ætlaði út í júlí leit allt vel út, allir bólusettir og hugur í fólki. En síðan hefur þykknað upp og yfir og Una segir það vel skiljanlegt að margir treysti sér ekki í ljósi hinnar nýju stöðu, nú þegar faraldurinn blossar upp á ný í því sem kallað hefur verið 4. bylgja hér. En hún segir jafnframt að margir líti svo á að jafn miklar líkur séu á því að smitast hér heima og þar ytra. Þau ætli að vera með passa sig vel og vera með PCR-próf til marks um að enginn mæti til Krítar sýktur. Nánar verður rætt við Breka Karlsson í hádegisfréttum Bylgjunnar. Neytendur Ferðalög Grikkland Framhaldsskólar Skóla - og menntamál Mest lesið Fólk veltir fyrir sér hvort Áslaug Arna hafi verið slompuð í ræðustól Innlent Maðurinn kominn í leitirnar Innlent Annar látinn eftir eldsvoðann á Hjarðarhaga Innlent Bensínbrúsar inni í íbúðinni Innlent Lagði Livio sem þarf að punga út 25 milljónum króna Innlent „Verkefnið bara heltekur okkur“ Innlent Skoða hvort eitthvað saknæmt hafi átt sér stað Innlent Fær þyngri dóm fyrir að nauðga konu, taka það upp og senda henni Innlent Fólki sé vel treystandi til að fá sér bjór á íþróttaviðburðum Innlent NEL tekur fyrir mál fjölskyldu Sigurðar Kristófers í júní Innlent Fleiri fréttir Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Hafi verulega þýðingu hvort Dagbjört hafi haft ásetning til morðs „Verkefnið bara heltekur okkur“ Annar látinn eftir eldsvoðann á Hjarðarhaga Lagði Livio sem þarf að punga út 25 milljónum króna Stefna að opnun nýs hjúkrunarheimilis á Akureyri árið 2028 Framkvæmdir í tómri Árbæjarlaug ganga vel Fólk veltir fyrir sér hvort Áslaug Arna hafi verið slompuð í ræðustól Ný samræmd próf taki ekki yfir skólastarfið eins og þau gömlu Upptök eldsvoðans í rannsókn og nemar við Harvard áhyggjufullir Skoða hvort eitthvað saknæmt hafi átt sér stað Bein útsending: Að eldast á Íslandi Lítil hreyfing á fylgi stjórnmálaflokkanna Maðurinn kominn í leitirnar Verði bylting að geta fylgst með námsframvindu barna í rauntíma NEL tekur fyrir mál fjölskyldu Sigurðar Kristófers í júní Fólki sé vel treystandi til að fá sér bjór á íþróttaviðburðum Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Ákærður fyrir að ráðast á leigubílstjóra Sjá meira
Útskriftarnemar úr tveimur stórum framhaldsskólum á Reykjavíkursvæðinu hafa sett sig í samband við Neytendasamtökin og vilja hætta við útskriftarferðir sínar vegna þeirrar stöðu sem upp er komin vegna uppgangs Covid, en ferðaskrifstofur vilja ekki endurgreiða ferðirnar. Þetta segir Breki Karlsson formaður Neytendasamtakanna í samtali við Vísi. Samkvæmt heimildum Vísis er um að ræða Menntaskólann í Reykjavík og Menntaskólann í Hamrahlíð. Hér er nánast um að ræða endurtekið efni frá í fyrra þegar sambærileg mál komu upp. Ferðaskrifstofan sem á í hlut er Heimsferðir. Breki segist aðspurður ekki vita hversu háar upphæðir er um að tefla né heldur hversu margir nemendurnir eru sem ætluðu í útskriftarferðirnar en vilja nú hætta við vegna ástandsins. En ferð til Krítar með öllu fyrir útskriftarnema kostar 200 þúsund krónur. Til stóð að fara í júlí og þurftu nemendur þremur eða fjórum vikum fyrir brottför að fullgreiða ferðina en ferðinni var svo frestað þar til í byrjun næsta mánaðar. „Við teljum farþega í fullum rétti að afpanta ferðirnar og fá fulla endurgreiðslu í ljósi hertra aðgerða og ástandsins a áfangastað. Eins og farið er yfir í leiðbeiningum okkar. Heimsferðir upplýsa pakkaferðalanga ekki um lög og réttindi sín, sem okkur þykir ámælisvert. Við höfum sett fram leiðbeiningar á vefinn okkar og erum reiðubúin að aðstoða við að ná þeim fram sé þess óskað eða þess reynist þörf,“ segir Breki. Meta þarf hvert tilfelli fyrir sig Á vef Neytendasamtakanna er farið ítarlega yfir réttindi og skyldur í þessu sambandi og vísað til laga þar um. Á síðunni segir meðal annars að ferðalangur geti á grundvelli ákvæðisins að jafnaði afpantað pakkaferð áður en hún hefst, gegn greiðslu sanngjarnar þóknunar, oft staðfestingargjaldi. „Ferðaskrifstofan á aftur á móti ekki rétt á umræddri þóknun ef afpöntun byggist á óvenjulegum aðstæðum sem hafa veruleg áhrif á framkvæmd pakkaferðar. Auk þess er kveðið á um að endurgreiðsla skuli berast innan 14. daga frá afpöntun.“ Meta þarf hvert mál fyrir sig hvort að ferðamenn geti afpantað pakkaferðir gegn fullri endurgreiðslu, segir jafnframt, þá getur skipt máli með hversu löngum fyrirvara ferðamaður tilkynnir um afbókun, hverjar aðstæður eru í komulandi ásamt því hver staðan er við heimkomu hér á landi, þá að teknu tilliti til sóttkvíar og annars. Ferðahugur í þeim sem ætla að fara Una Margrét Lyngdal Reynisdóttir fráfarandi Inspector Scholae í MR er að fara. „Ég fer. Enginn á heimilinu hefur hreyft mótmælum þannig að ég ætla að skella mér.“ Una er fráfarandi Inspector Scholae og hún ætlar að skella sér til Krítar þrátt fyrir stöðuna sem upp er komin. Hún vonar að Heimsferðir taki tillit til aðstæðna þeirra sem ekki treysta sér.Skólafélag MR Ferðin er ráðgerð 3. ágúst og ferðahugur í Unu, sérstaklega eftir svo langa bið og ástandið sem reynt hefur sérstaklega á þennan aldurshóp. Hún segir að árgangurinn telji 190 manns, einhverjir hafi hætt við þegar ferðinni var frestað og stóð þá eftir hundrað manna hópur. Una veit ekki nákvæmlega hversu margir þeir eru sem ekki treysta sér í ferðina nú. Og hún vonar að Heimsferðir líti til sérstakra aðstæðna í þeim tilfellum. Þegar hópurinn ætlaði út í júlí leit allt vel út, allir bólusettir og hugur í fólki. En síðan hefur þykknað upp og yfir og Una segir það vel skiljanlegt að margir treysti sér ekki í ljósi hinnar nýju stöðu, nú þegar faraldurinn blossar upp á ný í því sem kallað hefur verið 4. bylgja hér. En hún segir jafnframt að margir líti svo á að jafn miklar líkur séu á því að smitast hér heima og þar ytra. Þau ætli að vera með passa sig vel og vera með PCR-próf til marks um að enginn mæti til Krítar sýktur. Nánar verður rætt við Breka Karlsson í hádegisfréttum Bylgjunnar.
Neytendur Ferðalög Grikkland Framhaldsskólar Skóla - og menntamál Mest lesið Fólk veltir fyrir sér hvort Áslaug Arna hafi verið slompuð í ræðustól Innlent Maðurinn kominn í leitirnar Innlent Annar látinn eftir eldsvoðann á Hjarðarhaga Innlent Bensínbrúsar inni í íbúðinni Innlent Lagði Livio sem þarf að punga út 25 milljónum króna Innlent „Verkefnið bara heltekur okkur“ Innlent Skoða hvort eitthvað saknæmt hafi átt sér stað Innlent Fær þyngri dóm fyrir að nauðga konu, taka það upp og senda henni Innlent Fólki sé vel treystandi til að fá sér bjór á íþróttaviðburðum Innlent NEL tekur fyrir mál fjölskyldu Sigurðar Kristófers í júní Innlent Fleiri fréttir Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Fjögurra ára gömul hola heyrir brátt sögunni til Möguleg íkveikja til rannsóknar, snuðað á ræstingarfólki og flugnager Hafi verulega þýðingu hvort Dagbjört hafi haft ásetning til morðs „Verkefnið bara heltekur okkur“ Annar látinn eftir eldsvoðann á Hjarðarhaga Lagði Livio sem þarf að punga út 25 milljónum króna Stefna að opnun nýs hjúkrunarheimilis á Akureyri árið 2028 Framkvæmdir í tómri Árbæjarlaug ganga vel Fólk veltir fyrir sér hvort Áslaug Arna hafi verið slompuð í ræðustól Ný samræmd próf taki ekki yfir skólastarfið eins og þau gömlu Upptök eldsvoðans í rannsókn og nemar við Harvard áhyggjufullir Skoða hvort eitthvað saknæmt hafi átt sér stað Bein útsending: Að eldast á Íslandi Lítil hreyfing á fylgi stjórnmálaflokkanna Maðurinn kominn í leitirnar Verði bylting að geta fylgst með námsframvindu barna í rauntíma NEL tekur fyrir mál fjölskyldu Sigurðar Kristófers í júní Fólki sé vel treystandi til að fá sér bjór á íþróttaviðburðum Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Ákærður fyrir að ráðast á leigubílstjóra Sjá meira