Viðskipti erlent

Ron­aldo trónir á toppi peninga­lista Insta­gram

Árni Sæberg skrifar
Ronaldo fagnaði tíðindunum um listann eflaust eins og hann fagnar mörkum sínum.
Ronaldo fagnaði tíðindunum um listann eflaust eins og hann fagnar mörkum sínum. AP Photo/Darko Bandic

Knattspyrnukappinn Christiano Ronaldo getur rukkað mest allra í heiminum fyrir kostaða Instagram-færslu. Samkvæmt greiningu HopperHQ getur hann krafist allt að 1,6 milljón bandaríkjadala fyrir hverja færslu.

Markaðsfyrirtækið HopperHQ tekur saman lista yfir þá tíu sem þéna mest á Instagram á hverju ári. Í ár hreppti Ronaldo toppsætið í fyrsta skiptið. Þá er hann fyrsti íþróttamaðurinn til að toppa listann í fimm ára sögu hans.

„Með byrjun EM 2020 og nokkrum umdeildum markaðsbrellum hefur sýnileiki Ronaldos á samfélagsmiðlum margfaldast. Fyrir viku síðan staðfesti hann stöðu sína sem konungur Instagram þegar hann varð sá sem flesta fylgjendur hefur á miðlinum,“ segir Mike Bandar, einn stofnenda HopperHQ.

Einungis einn annar íþróttamaður á sæti á listanum en það er erkióvinur Ronaldos, Lionel Messi.

Heildartekjur þeirra sem ná sæti á listanum í ár eru umtalsvert hærri en þær voru í fyrra. Sérfræðingar í Instagram-fræðum telja að heimsfaraldur Covid-19 hafi haft góð áhrif á afkomu samfélagsmiðlastjarna. „Á meðan Covid-19 heldur áfram að hafa áhrif á líf okkar allra virðist Instagram vera einn af þeim fáu stöðum sem hafa ekki orðið fyrir neikvæðum áhrifum faraldursins,“ segir Mike Bandar.

Þá segir hann einnig að aukning tekna af Instagram milli ára hafi ekki komið á óvart enda hafi notkun miðilsins aldrei verið meiri.

Listann í heild sinni má sjá hér að neðan:

1. Cristiano Ronaldo

2. Dwayne Johnson 

3. Ariana Grande

4. Kylie Jenner

5. Selena Gomez 

6. Kim Kardashian 

7. Lionel Messi 

8. Beyoncé Knowles 

9. Justin Bieber 

10. Kendall Jenner 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
8,18
24
346.068
SVN
7,04
60
488.784
ORIGO
5,93
18
29.164
KVIKA
5,63
57
667.385
SJOVA
4,44
28
270.234

Mesta lækkun dagsins


Félag
Br.%
Fjöldi
Velta*
SYN
0
6
10.828
Velkomin á Vísi. Þessi vefur notar vafrakökur. Sjá nánar.