Veður

Hiti allt að tuttugu stigum norðan­lands

Atli Ísleifsson skrifar
Hlýjast verður norðanlands i dag. Á myndinni er að sjá Hof á Akureyri. Myndin er úr safni.
Hlýjast verður norðanlands i dag. Á myndinni er að sjá Hof á Akureyri. Myndin er úr safni. Vísir/Vilhelm

Veðurstofan spáir suðvestanátt í dag, fimm til þrettán metrum á sekúndu, þar sem hvassast verður með suðurströndinni. Skýjað að mestu um landið og víða dálítil rigning með köflum.

Í hugleiðingum veðurfræðings á vef Veðurstofunnar segir að keimlíkt veður verði á morgun með súld eða rigningu sunnantil en annars hægari sunnanátt og úrkomuminna.

Hlýtt í veðri, einkum fyrir norðan. Hiti tíu til tuttugu stig, hlýjast norðanlands.

Spákortið fyrir klukkan 14 í dag.

Veðurhorfur á landinu næstu daga

Á laugardag: Suðaustanátt 5-13 og súld eða rigning með köflum sunnantil, en hæg sunnanátt og úrkomulítið annars staðar. Hiti 7 til 18 stig, hlýjast norðaustantil.

Á sunnudag (sjómannadagurinn): Suðlæg eða breytileg átt, víða 3-8 m/s. Rigning eða súld öðru hvoru, en úrkomulítið á norðaustanverðu landinu. Hiti 8 til 16 stig, hlýjast norðaustanlands.

Á mánudag: Sunnanátt 8-13 m/s og rigning um sunnan- og suðaustanvert landið, en þurrt að kalla norðaustantil. Hæg breytileg átt og dálítil væta annars staðar. Hiti breytist lítið.

Á þriðjudag: Sunnanátt, skýjað og þurrt að kalla en fer að rigna sunnan- og vestantil um kvöldið. Þurrt um landið austanvert. Hiti 9 til 17 stig, hlýjast austanlands.

Á miðvikudag: Suðvestanátt og rigning í flestum landshlutum en úrkomulítið austantil. Hiti 9 til 15 stig.

Á fimmtudag: Útlit fyrir suðvestanátt og rigningu eða skúrir um vestanvert landið. Þurrt og bjart norðan og austantil. Hiti breytist lítið



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.