Íslenski boltinn

KA-menn hafa ekki skorað hjá KR í meira en níu klukkutíma

Óskar Ófeigur Jónsson skrifar
Steinþór Freyr Þorsteinsson og félagar í KA hafa ekki fundið netmöskvanna í síðustu sex leikjum á móti KR.
Steinþór Freyr Þorsteinsson og félagar í KA hafa ekki fundið netmöskvanna í síðustu sex leikjum á móti KR. Vísir/Bára

KA-menn heimsækja KR-inga í Vesturbæinn í kvöld í fyrsta leik annarrar umferðar Pepsi Max deild karla og flestum í KA þykir nú vera kominn tími á mark gegn KR.

KA liðið hefur nefnilega ekki skorað hjá KR í síðustu sex innbyrðis leikjum liðanna í Pepsi Max deildinni.

Síðasta mark KA á móti KR skoraði Elfar Árni Adalsteinsson á 85. mínútu í 2-3 tapi á Akureyrarvellinum 24. júní 2017.

Síðan þá eru liðnir 1413 dagar eða 46 mánuðir og 13 dagar.

KA-liðið hefur ennfremur spilað í 545 mínútur á móti KR án þess að ná að koma boltanum í markið.

Það er þó ekki eins og KR-ingar hafi raðað inn mörkunum á meðan því KR-mörkin í þessum sex leikjum eru aðeins fjögur.

Síðustu tveir leikir liðanna hafa endað með markalausu jafntefli.

Leikur KR og KA hefst klukkan 18.00 í kvöld en hann verður sýndur í beinni útsendingu á Stöð 2 Sport 4.

KR á móti KA undanfarin tímabil:

  • 2017
  • 3-2 sigur á Akureyri
  • 0-0 jafntefli á KR-velli
  • 2018
  • 2-0 sigur á KR-velli
  • 1-0 sigur á Akureyri
  • 2019
  • 1-0 sigur á KR-velli
  • 0-0 jafntefli á Akureyri
  • 2020
  • 0-0 jafntefli á Akureyri
Pepsi Max-deild karla KA KR

Mest lesið


Fleiri fréttir

Sjá meira


×

Mest lesið