Gísli Marteinn í bakaríinu Marta Guðjónsdóttir skrifar 28. apríl 2021 08:30 Gísli minn Marteinn! Þú hefur verið óvenju drjúgur með þig þessa dagana, pjakkurinn þinn, og er þá mikið sagt. Þriðjudaginn 20. apríl sl. réðist þú á borgarfulltrúa Sjálfstæðisflokksins í Reykjavík á Facebooksíðu þinni með ósannindum og vísbendingum um að þú sért farinn að tapa minni meira en góðu hófi gegni. Ég er nánast hætt að reyna að siða þig til þó þú sért gamall félagi sem mér er ekki alveg sama um. Ég ætlaði því að leiða hjá mér skvaldrið í þér, enda hefur því verið prýðilega svarað af tveimur afbragðs konum á lista okkar sjálfstæðismanna, Þórdísi Pálsdóttur og Ragnhildi Öldu Vilhjálmsdóttur. Ég hélt að þær hefðu haft af mér ómakið. Skroppið í bakaríið Mér var hins vegar illa brugðið þegar ég heyrði til þín í Bakaríinu á Bylgjunni, laugardaginn 24. apríl. Ég veit ekki hvort er hvimleiðara, stykkin þín á Facebook frá 20. apríl, eða sá Emil í Kattholti sem var mættur í Bakaríið til að afbaka strákapörin. Það kann ekki góðri lukku að stýra, að ljúga upp á gamla pólitíska samstarfsfélaga og grípa síðan aftur til ósanninda þegar þú ert staðinn að verki. En svona er nú háttalagið. Því fer kannski best á því að ég verði þriðja konan á lista Sjálfstæðisflokksins sem tekur þig í bakaríið á fáeinum dögum. Ósannindi út í eitt Á Facebooksíðunni heldur þú því fram að við sjálfstæðismenn séum á móti því að ökuhraði bíla inn í hverfum borgarinnar verði lækkaður. Þetta eru ósannindi. Þar heldur þú því einnig fram að við berjumst fyrir auknum ökuhraða inn í hverfum borgarinnar. Þetta eru einnig ósannindi. Í þriðja lagi heldur þú því fram að við séum á móti þeirri þróun að fólk sitji úti við á bekkjum í boði Reykjavíkurborgar, drekki þar bjór og kaffi í boði Kaffi Vest, borði þar í boði Brauð og Co og Hagavagnsins, spjalli saman, umferðaröryggi aukist, hávaða- og umferðarmengun minnki og að mannlíf verði margfalt meira. Þú segir að það verði að teljast með ólíkindum að stjórnmálaflokkur ákveði að vera á móti slíkri jákvæðri þróun. Þetta eru líka ósannindi. Það veist þú vel, því þú varst í okkar röðum, þegar það hentaði þínum hagsmunum. Allt eru þetta rakalaus og vísvitandi ósannindi, haldið fram í flokkáróðursskyni, ekki óviljandi rangfærslur. Allir geta samglaðst yfir því fagra mannlífi sem þú lýsir svo fjálglega. Meira að segja við sjálfstæðismenn höfum ekkert út á það að setja nema eftirfarandi: Dagur B. Eggertsson ætti ekki að veita þínum veitingarekstri bekki og borð í eigu borgarinnar og veita í það einni og hálfri milljón króna svo Kaffi Vest geti boðið upp á bjór undir berum himni. Slíka ívilnun fá ekki aðrir veitingastaðir. Loks bítur þú hausinn af skömminni þegar þú afneitar því að gerð hafi verið umferðartalning sem bendir til að gegnumumferð um Mela- og Hagahverfið hafi aukist á undanförnum árum. Þrír borgarfulltrúar Sjálfstæðisflokksins fóru þess á leit að slík könnun yrði gerð. Farið var fram á slíka könnun því það er alltaf hætta á að þrenging á tengibrautum leiði til aukinnar gegnumumferðar um nærliggjandi íbúðahverfi. Könnunin var gerð og hún leiddi í ljós þennan grun. Ég sat sjálf þann skipulagsráðsfund þegar niðurstaðan var lög fram og kynnt. Þeir borgarfulltrúar sjálfstæðisflokksins sem hins vegar báðu um könnunina voru Júlíus Vífill Ingvarsson, Hildur Sverrisdóttir og Gísli Marteinn Baldursson. Ég segi því nú bara eins og gamlar konur á Austfjörðum: „Beddu gvöð að gleypa þig barn!“ Aftur í Bakaríið Þegar bakararnir í Bakaríinu, þættinum á Bylgjunni, spurðu þig um hvað málið snerist frá 20. apríl, settirðu upp breiða fjölmiðlabrosið, skelltir í góm og sagðist einungis hafa verið að minna á hvað mannlífið sprytti dásamlega við Hofsvallagötu eftir að þar hafði verið plantað blómakerum og smáfuglahúsum. Í Bakaríinu gættir þú þess vandlega að vera ekkert að blanda Sjálfstæðisflokknum um of í málið, enda vilt þú líklega ekki fá fleiri skilaboð af þeim bænum. Nú snerir þú óánægjunni upp á alla stjórnmálaflokka: Allir flokkar séu svo vondir að þú vitir bara ekki hvern þeirra þú átt að kjósa næst. Samt segirðu að til sé gott fólk í öllum flokkum sem vilji sjá til þess að gali gaukar og spretti laukar um allan bæ. Hins vegar séu líka í þessum flokkum vont fólk í grasrótum (kannski grasrætið fólk?) sem vilja að allir í einum flokki séu vondir við alla í öðrum flokkum. Sér er nú hver spekin - eða hreinskilnin! Hvað er slæmt við grasrót? Engum öðrum en þér, hefur dottið í hug þessi frumlega, fráleita kenning, að fólk í grasrót stjórnmálaflokka sé vont og vilji troða illsakir við fólk í öðrum flokkum. Og það sem verra er, Gísli Marteinn, þú ert ekki einu sinni sjálfur þessarar skoðunar. Þú bara spinnur þennan þvætting af því þú heldur að það komi þér vel í fjölmiðli. Þér er í raun bara illa við eina grasrót í einum flokki. Svo hefur ætíð verið og ég skal rifja það upp fyrir þér: Þér er meinilla við grasrót sjálfstæðismanna í Reykjavík. En hvers vegna? Jú. Þú varst ein af prinsessum Sjálfstæðisflokksins og RÚV. En nú ert þú bara prinsessa RÚV. Þú varst frjálshyggjumaður, komst þér í mjúkinn hjá valdamiklum sem og velstæðum sjálfstæðismönnum og vildir verða borgarstjóri fyrir Sjálfstæðisflokkinn, keyptir ómæld gallon af bjór og tonn af pitsum sem þú útdeildir eins og rómverskur keisari - en, en, en þú tapaðir samt í fjölmennasta prófkjöri Sjálfstæðisflokksins, fyrr og síðar, fyrir grasrót flokksins í Reykjavík, árið 2006. Þess vegna er þér meinilla við þessa grasrót. Prinsessupólitík En þú ert ekki einn um hituna, Gísli minn. Það verða alltaf til prinsessur í öllum flokkum sem telja sig yfir aðra hafnar, sem sína venjulegu fólki vandlætingu og meta manngildi eftir merkjavörum. Slíkum prinsessum verður auðvitað, rétt eins og þér, alltaf í nöp við grasrót í stjórnmálaflokkum sem þvælist fyrir skjótfengnum, keyptum frama þeirra. Þrátt fyrir breiða brosið þitt, prúðmannlega framkomu sem dáleiðir heilu elliheimilin, brennandi hugsjónir um betra mannlíf og allan þinn vísdóm og visku sem þú öðlaðist í námi í Edinborg á meðan þú varst á sama tíma borgarfulltrúi, - þrátt fyrir alla þessa mannkosti og þennan mannlífskærleika, er enn þá eitthvað sem klæjar undan og veldur þér pirringi frá 2006. Slepptu því bara lausu, Gísli, og farðu alla leið. En láttu það aldrei hvarfla að þér að sjálfstæðismenn í Reykjavík leggi upp laupana. Kynslóðir munu koma og fara, en hugsjón Sjálfstæðisflokksins um frjálsræði og framfarir, öllum til handa, mun ekki líða undir lok. Ekki einu sinni fyrir tilstilli prinsessunnar á bauninni, hvort sem það ert nú þú eða aðrar álíka. Höfundur er borgarfulltrúi Sjálfstæðisflokksins. Viltu birta grein á Vísi? Sendu okkur póst. Senda grein Marta Guðjónsdóttir Reykjavík Borgarstjórn Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Er þetta í alvöru verðlaunaefni? Snorri Másson Skoðun Þurfum við að koma Íslandi aftur á rétta braut? Diljá Mist Einarsdóttir Skoðun Nýtt örorkukerfi – verra þeirra réttlæti Marinó G. Njálsson Skoðun Himinhátt innanlandsflug Ingibjörg Isaksen Skoðun Æpandi vanþekking Hjálmar Jónsson Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason Skoðun Norskur skammtímagróði Gunnlaugur Stefánsson Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir Skoðun Helga Þórisdóttir og fjöregg íslenskrar þjóðar Páll Torfi Önundarson Skoðun Lykillinn að orkuskiptunum er úr áli Guðríður Eldey Arnardóttir Skoðun Skoðun Skoðun Himinhátt innanlandsflug Ingibjörg Isaksen skrifar Skoðun Hefur allt sem þarf Vilborg Gunnarsdóttir skrifar Skoðun Af hverju að gera rekstraráætlun? Karl Sólnes Jónsson skrifar Skoðun Norskur skammtímagróði Gunnlaugur Stefánsson skrifar Skoðun Æpandi vanþekking Hjálmar Jónsson skrifar Skoðun Mannréttindi sama hvað Arndís Anna Kristínardóttir Gunnarsdóttir skrifar Skoðun Helga Þórisdóttir og fjöregg íslenskrar þjóðar Páll Torfi Önundarson skrifar Skoðun Er þetta í alvöru verðlaunaefni? Snorri Másson skrifar Skoðun Ótímabundin ráðgjöf til ríkisstjórnar Snæbjörn Brynjarsson skrifar Skoðun Lykillinn að orkuskiptunum er úr áli Guðríður Eldey Arnardóttir skrifar Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason skrifar Skoðun „Vitum ekkert hvað við erum að gera“ Hjörtur J. Guðmundsson skrifar Skoðun Nýtt örorkukerfi – verra þeirra réttlæti Marinó G. Njálsson skrifar Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir skrifar Skoðun Þurfum við að koma Íslandi aftur á rétta braut? Diljá Mist Einarsdóttir skrifar Skoðun Þurfum við koma Íslandi aftur á rétta braut? Diljá Mist Einarsdóttir skrifar Skoðun Bergmál frá geymslustað líkamans Matthildur Björnsdóttir skrifar Skoðun Gummi Kalli Kristinn Sigurðsson skrifar Skoðun Það verður ekki bæði sleppt og haldið Melkorka Mjöll Kristinsdóttir skrifar Skoðun Katrín og Gunnar Sævar Þór Jónsson skrifar Skoðun Andleg heilsa unga fólksins og áhrif samfélagsmiðla Halla Tómasdóttir skrifar Skoðun Börnin okkar Sigurbjörg Jónsdóttir skrifar Skoðun Ferðaþjónusta til framtíðar Freyja Rut Emilsdóttir skrifar Skoðun Þegar enginn heldur utan um þig Steinunn Ólína Þorsteinsdóttir skrifar Skoðun Öryggi – Forvitni – Gleði Sigríður Hrund Pétursdóttir skrifar Skoðun Öryrkjar auglýsi eftir harðorðum mótmælum! Guðmunda G. Guðmundsdóttir skrifar Skoðun Farsælar forvarnir í þágu barna í Reykjavík Guðrún Halla Jónsdóttir,Óskar Dýrmundur Ólafsson skrifar Skoðun Baldur í lit Anna Lára Pálsdóttir skrifar Skoðun Lega lýðveldisins Íslands Eiríkur Ingi Jóhannsson skrifar Skoðun Afhverju ætlar Carbfix að flytja CO2 inn til landsins? Bergur Sigfússon skrifar Sjá meira
Gísli minn Marteinn! Þú hefur verið óvenju drjúgur með þig þessa dagana, pjakkurinn þinn, og er þá mikið sagt. Þriðjudaginn 20. apríl sl. réðist þú á borgarfulltrúa Sjálfstæðisflokksins í Reykjavík á Facebooksíðu þinni með ósannindum og vísbendingum um að þú sért farinn að tapa minni meira en góðu hófi gegni. Ég er nánast hætt að reyna að siða þig til þó þú sért gamall félagi sem mér er ekki alveg sama um. Ég ætlaði því að leiða hjá mér skvaldrið í þér, enda hefur því verið prýðilega svarað af tveimur afbragðs konum á lista okkar sjálfstæðismanna, Þórdísi Pálsdóttur og Ragnhildi Öldu Vilhjálmsdóttur. Ég hélt að þær hefðu haft af mér ómakið. Skroppið í bakaríið Mér var hins vegar illa brugðið þegar ég heyrði til þín í Bakaríinu á Bylgjunni, laugardaginn 24. apríl. Ég veit ekki hvort er hvimleiðara, stykkin þín á Facebook frá 20. apríl, eða sá Emil í Kattholti sem var mættur í Bakaríið til að afbaka strákapörin. Það kann ekki góðri lukku að stýra, að ljúga upp á gamla pólitíska samstarfsfélaga og grípa síðan aftur til ósanninda þegar þú ert staðinn að verki. En svona er nú háttalagið. Því fer kannski best á því að ég verði þriðja konan á lista Sjálfstæðisflokksins sem tekur þig í bakaríið á fáeinum dögum. Ósannindi út í eitt Á Facebooksíðunni heldur þú því fram að við sjálfstæðismenn séum á móti því að ökuhraði bíla inn í hverfum borgarinnar verði lækkaður. Þetta eru ósannindi. Þar heldur þú því einnig fram að við berjumst fyrir auknum ökuhraða inn í hverfum borgarinnar. Þetta eru einnig ósannindi. Í þriðja lagi heldur þú því fram að við séum á móti þeirri þróun að fólk sitji úti við á bekkjum í boði Reykjavíkurborgar, drekki þar bjór og kaffi í boði Kaffi Vest, borði þar í boði Brauð og Co og Hagavagnsins, spjalli saman, umferðaröryggi aukist, hávaða- og umferðarmengun minnki og að mannlíf verði margfalt meira. Þú segir að það verði að teljast með ólíkindum að stjórnmálaflokkur ákveði að vera á móti slíkri jákvæðri þróun. Þetta eru líka ósannindi. Það veist þú vel, því þú varst í okkar röðum, þegar það hentaði þínum hagsmunum. Allt eru þetta rakalaus og vísvitandi ósannindi, haldið fram í flokkáróðursskyni, ekki óviljandi rangfærslur. Allir geta samglaðst yfir því fagra mannlífi sem þú lýsir svo fjálglega. Meira að segja við sjálfstæðismenn höfum ekkert út á það að setja nema eftirfarandi: Dagur B. Eggertsson ætti ekki að veita þínum veitingarekstri bekki og borð í eigu borgarinnar og veita í það einni og hálfri milljón króna svo Kaffi Vest geti boðið upp á bjór undir berum himni. Slíka ívilnun fá ekki aðrir veitingastaðir. Loks bítur þú hausinn af skömminni þegar þú afneitar því að gerð hafi verið umferðartalning sem bendir til að gegnumumferð um Mela- og Hagahverfið hafi aukist á undanförnum árum. Þrír borgarfulltrúar Sjálfstæðisflokksins fóru þess á leit að slík könnun yrði gerð. Farið var fram á slíka könnun því það er alltaf hætta á að þrenging á tengibrautum leiði til aukinnar gegnumumferðar um nærliggjandi íbúðahverfi. Könnunin var gerð og hún leiddi í ljós þennan grun. Ég sat sjálf þann skipulagsráðsfund þegar niðurstaðan var lög fram og kynnt. Þeir borgarfulltrúar sjálfstæðisflokksins sem hins vegar báðu um könnunina voru Júlíus Vífill Ingvarsson, Hildur Sverrisdóttir og Gísli Marteinn Baldursson. Ég segi því nú bara eins og gamlar konur á Austfjörðum: „Beddu gvöð að gleypa þig barn!“ Aftur í Bakaríið Þegar bakararnir í Bakaríinu, þættinum á Bylgjunni, spurðu þig um hvað málið snerist frá 20. apríl, settirðu upp breiða fjölmiðlabrosið, skelltir í góm og sagðist einungis hafa verið að minna á hvað mannlífið sprytti dásamlega við Hofsvallagötu eftir að þar hafði verið plantað blómakerum og smáfuglahúsum. Í Bakaríinu gættir þú þess vandlega að vera ekkert að blanda Sjálfstæðisflokknum um of í málið, enda vilt þú líklega ekki fá fleiri skilaboð af þeim bænum. Nú snerir þú óánægjunni upp á alla stjórnmálaflokka: Allir flokkar séu svo vondir að þú vitir bara ekki hvern þeirra þú átt að kjósa næst. Samt segirðu að til sé gott fólk í öllum flokkum sem vilji sjá til þess að gali gaukar og spretti laukar um allan bæ. Hins vegar séu líka í þessum flokkum vont fólk í grasrótum (kannski grasrætið fólk?) sem vilja að allir í einum flokki séu vondir við alla í öðrum flokkum. Sér er nú hver spekin - eða hreinskilnin! Hvað er slæmt við grasrót? Engum öðrum en þér, hefur dottið í hug þessi frumlega, fráleita kenning, að fólk í grasrót stjórnmálaflokka sé vont og vilji troða illsakir við fólk í öðrum flokkum. Og það sem verra er, Gísli Marteinn, þú ert ekki einu sinni sjálfur þessarar skoðunar. Þú bara spinnur þennan þvætting af því þú heldur að það komi þér vel í fjölmiðli. Þér er í raun bara illa við eina grasrót í einum flokki. Svo hefur ætíð verið og ég skal rifja það upp fyrir þér: Þér er meinilla við grasrót sjálfstæðismanna í Reykjavík. En hvers vegna? Jú. Þú varst ein af prinsessum Sjálfstæðisflokksins og RÚV. En nú ert þú bara prinsessa RÚV. Þú varst frjálshyggjumaður, komst þér í mjúkinn hjá valdamiklum sem og velstæðum sjálfstæðismönnum og vildir verða borgarstjóri fyrir Sjálfstæðisflokkinn, keyptir ómæld gallon af bjór og tonn af pitsum sem þú útdeildir eins og rómverskur keisari - en, en, en þú tapaðir samt í fjölmennasta prófkjöri Sjálfstæðisflokksins, fyrr og síðar, fyrir grasrót flokksins í Reykjavík, árið 2006. Þess vegna er þér meinilla við þessa grasrót. Prinsessupólitík En þú ert ekki einn um hituna, Gísli minn. Það verða alltaf til prinsessur í öllum flokkum sem telja sig yfir aðra hafnar, sem sína venjulegu fólki vandlætingu og meta manngildi eftir merkjavörum. Slíkum prinsessum verður auðvitað, rétt eins og þér, alltaf í nöp við grasrót í stjórnmálaflokkum sem þvælist fyrir skjótfengnum, keyptum frama þeirra. Þrátt fyrir breiða brosið þitt, prúðmannlega framkomu sem dáleiðir heilu elliheimilin, brennandi hugsjónir um betra mannlíf og allan þinn vísdóm og visku sem þú öðlaðist í námi í Edinborg á meðan þú varst á sama tíma borgarfulltrúi, - þrátt fyrir alla þessa mannkosti og þennan mannlífskærleika, er enn þá eitthvað sem klæjar undan og veldur þér pirringi frá 2006. Slepptu því bara lausu, Gísli, og farðu alla leið. En láttu það aldrei hvarfla að þér að sjálfstæðismenn í Reykjavík leggi upp laupana. Kynslóðir munu koma og fara, en hugsjón Sjálfstæðisflokksins um frjálsræði og framfarir, öllum til handa, mun ekki líða undir lok. Ekki einu sinni fyrir tilstilli prinsessunnar á bauninni, hvort sem það ert nú þú eða aðrar álíka. Höfundur er borgarfulltrúi Sjálfstæðisflokksins.
Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason Skoðun
Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir Skoðun
Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason skrifar
Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir skrifar
Skoðun Farsælar forvarnir í þágu barna í Reykjavík Guðrún Halla Jónsdóttir,Óskar Dýrmundur Ólafsson skrifar
Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason Skoðun
Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir Skoðun