Áfram hlýtt á suðvestantil en fer kólnandi í öðrum landshlutum

Atli Ísleifsson skrifar 26. apríl 2021 07:27

Hiti fimm til þrettán stig en núll til fjögur stig norðan- og austanlands. Vísir/Vilhelm

Landsmenn mega eiga von á fremur hægri, norðlægri átt í dag en þó verður norðvestan strekkingur á Austfjörðum fram undir kvöld.

Í hugleiðingum veðurfræðings á vef Veðurstofunnar segir að leifar úrkomu lægðar gærdagsins lifi á Norður- og Austurlandi en annars verði léttskýjað.

„Seinnipartinn mun þó þykkna upp syðst með stöku skúr. Áfram verður hlýtt á suðvesturhorni landsins en fer heldur kólnandi í öðrum landshlutum.

Útlit er síðan fyrir áframhaldandi háan þrýsting með björtu og hægu veðri fram yfir miðja viku í það minnsta.“

Hiti fimm til þrettán stig en núll til fjögur stig norðan- og austanlands.

Veðurhorfur á landinu næstu daga

Á þriðjudag: Vestlæg eða breytileg átt, 3-8 m/s og léttskýjað en skýjað með köflum vestantil. Hiti 4 til 12 stig að deginum.

Á miðvikudag: Fremur hæg norðlæg átt. Bjart með köflum og hiti 5 til 12 stig en nálægt frostmarki á Norðaustur- og Austurlandi.

Á fimmtudag: Hæg breytileg átt, skýjað með köflum og þurrt en lítilsháttar úrkoma syðst. Hiti 1 til 8 stig.

Á föstudag: Gengur í norðaustan strekking eða allhvassan vind með slyddu eða snjókomu og hita um eða undir frostmarki en riging og hiti 2 til 7 stig sunnanlands.

Á laugardag: Líklega austlæg átt og þurrt að kalla. Kalt á A-verðu landinu en að 8 stigum V-til.

Á sunnudag: Útlit fyrir norðaustlæga átt með stöku él en bjart syðra. Kólnandi.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.