Hópurinn sem fer til Slóveníu: Anna Úrsúla ekki með

Sindri Sverrisson skrifar 14. apríl 2021 15:25

Rut Jónsdóttir er að sjálfsögðu í íslenska landsliðshópnum. EPA-EFE/GEORGI LICOVSKI

Arnar Pétursson hefur valið sextán leikmanna hóp sem fer til Slóveníu og mætir þar heimakonum í umspili um sæti á HM kvenna í handbolta.

Fyrri leikur þjóðanna er ytra á laugardaginn og liðin mætast svo að nýju á Ásvöllum á miðvikudagskvöldið eftir viku. Sigurvegarinn í einvíginu kemst á HM sem fram fer á Spáni í desember.

Arnar valdi upphaflega 21 leikmann til æfinga, þar á meðal Önnu Úrsúlu Guðmundsdóttur sem sneri aftur í landsliðið eftir að hafa tekið skóna úr hillunni fyrir tveimur mánuðum.

Anna er hins vegar á meðal þeirra fimm sem detta út úr hópnum fyrir leikinn í Slóveníu. Ásdís Guðmundsdóttir er því eini eiginlegi línumaðurinn í hópnum.

Hinar sem detta út eru markvörðurinn Katrín Ósk Magnúsdóttir og þær Hrafnhildur Hanna Þrastardóttir, Sunna Jónsdóttir og Tinna Sól Björgvinsdóttir.

Hópurinn er því skipaður eftirtöldum leikmönnum:

Markverðir:

Elín Jóna Þorsteinsdóttir, Vendsyssel (28/0)
Saga Sif Gísladóttir, Valur (2/0)

Aðrir leikmenn:

Andrea Jacobsen, Kristianstad (22/19)
Ásdís Guðmundsdóttir, KA/Þór (5/9)
Birna Berg Haraldsdóttir, ÍBV (61/125)
Díana Dögg Magnúsdóttir, BSV Sachsen (22/19)
Eva Björk Davíðsdóttir, Stjarnan (39/32)
Harpa Valey Gylfadóttir, ÍBV (3/4)
Helena Rut Örvarsdóttir, Stjarnan (40/79)
Karen Knútsdóttir, Fram (102/369)
Lovísa Thompson, Valur (22/41)
Mariam Eradze, Valur (1/0)
Ragnheiður Júlíusdóttir, Fram (29/36)
Rut Jónsdóttir, KA/Þór (97/205)
Sigríður Hauksdóttir, HK (19/43)
Thea Imani Sturludóttir, Valur (43/55)

HM 2021 í handbolta

Tengdar fréttir

Kom ekki heim til sín í mánuð

Rut Jónsdóttir, leikmaður KA/Þór í Olís-deild kvenna og íslenska landsliðsins, hefur ekki komið heim til sín síðan í byrjun mars vegna anna með landsliðinu, æfingabanns hér á landi og fleira.

14. apríl 2021 08:30

Segir framtíð íslenska landsliðsins bjarta en langaði að eiga möguleika á að komast á HM

Vísir ræddi við Steinunni Björnsdóttur, fyrirliða íslenska landsliðsins, um leikina mikilvægu gegn Slóveníu í apríl. Steinunn verður því miður ekki með eftir að hafa slitið krossband í Norður-Makedóníu þar sem Ísland tryggði sér á endanum leiki í umspili um sæti á HM 2021.

1. apríl 2021 13:01