Bein útsending: Hádegisfréttir Bylgjunnar

Elín Margrét Böðvarsdóttir skrifar 1. apríl 2021 11:32

Hádegisfréttir Bylgjunnar verða á sínum stað klukkan tólf. vísir

Sex greindust með kórónuveiruna og af þeim var einn utan sóttkvíar. Við ræðum við sóttvarnalækni um stöðuna í hádegisfréttum Bylgjunnar sem hefjast á slaginu klukkan tólf.

Fjölmenni var komið á Suðurstrandarveg fyrir opnun svæðisins að gosstöðvunum í Geldingadölum klukkan sex í morgun. Í dag hófust rútuferðir að gosinu en við ræðum við bæjarstjóra Grindavíkur í fréttatímanum. Þá heyrum við í konu sem ákvað að staðfesta trúlofunarheit sitt við unnusta sinn við Geldingadali í morgun en þau voru uppábúin og fengu blessun hjá presti.

Þá förum við til Bandaríkjanna þar sem alvarleg skotárás var gerð í Los Angeles í gær og skoðum stöðuna hjá bóluefnaframleiðandanum Johnson og Johnson sem þurfti að henda 15 milljón skömmta af bóluefni vegna mistaka.

Þetta og margt fleira í hádegisfréttum Bylgjunnar sem hægt er að hlusta á í spilaranum hér að neðan.

Hádegisfréttir Bylgjunnar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.