Hádegisfréttir Bylgjunnar

Vésteinn Örn Pétursson skrifar 27. febrúar 2021 11:46

Í hádegisfréttum Bylgjunnar fjöllum við um þá miklu skjálftavirkni sem verið hefur á Reykjanesskaga síðustu daga, og mögulega sviðsmyndir í framhaldinu.

Nú síðast í morgun varð skjálfti af stærðinni 5,2 skammt frá Fagradalsfjalli, og fannst hann greinilega á Suðvesturlandi. Við fjöllum einnig um hvernig brugðist yrði við eldgosi á Reykjanesskaga og þá sérstaklega með tilliti til Almannavarna.

Þá ræðum við við Þórólf Guðnason sóttvarnalækni um nýjustu vendingar í kórónuveirufaraldrinum hér á landi. Einn greindist innanlands í gær og var í sóttkví.

Eins fjöllum við um skimun Heilsugæslunnar fyrir leghálskrabbameini og segjum frá skýrslu Bandaríkjanna um að krónprins Sádi-Arabíu beri ábyrgð á morðinu á Jamal Khashoggi.

Þetta og fleiri í hádegisfréttum Bylgjunnar klukkan tólf, sem hægt er að hlusta á í útvarpi og í spilaranum hér að ofan.

Hádegisfréttir Bylgjunnar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.