Dvölin í Disney World farin að segja til sín Runólfur Trausti Þórhallsson skrifar 25. febrúar 2021 23:01 LeBron James spilaði aðeins 28 mínútur er Utah Jazz pakkaði Los Angeles Lakers saman í fyrrinótt. Alex Goodlett/Getty Images Eftir frábæra byrjun á tímabilinu hafa ríkjandi meistarar NBA-deildarinnar í körfubolta, Los Angeles Lakers, dalað og nú tapað fimm af síðustu sex leikjum sínum. Það virðist sem dvölin í Disney World á síðustu leiktíð sé loksins búin að ná í skottið á LeBron James og félögum. Síðasta tímabil í NBA-deildinni var líkt og aðrar íþróttir litað af kórónufaraldrinum. NBA-deildin fann lausn á þeim vanda með því að færa úrslitakeppni deildarinnar, ásamt nokkrum leikjum til að skera úr um hvaða lið kæmust þangað, í Disney World. Draumaheimur Disney í Orlando í Flórída var því að einangraðri „búbblu“ þar sem keppt var um NBA-meistaratitilinn. Keppni þar hófst þann 31. júlí á síðasta ári og lauk ekki hjá Lakers og Miami Heat fyrr en þann 11. október, eitthvað sem virðist hafa haft áhrif á bæði lið á þessari leiktíð. Liðin sem fóru hvað lengst á síðustu leiktíð ekki fundið taktinn Heat voru lengi af stað á leiktíðinni og hafa löngum köflum leikið án síns besta manns, Jimmy Butler. Sem stendur eru Heat í 8. sæti Austurdeildarinnar með 15 sigra og 17 töp í 32 leikjum. Það sem vekur mikla athygli ef horft er á stöðuna í Austrinu í dag er að Philadelphia 76ers tróna á toppnum [21 sigur, 11 töp] en þeir töpuðu 4-0 fyrir Boston Celtics í fyrstu umferð úrslitakeppninnar á síðustu leiktíð. Brooklyn Nets er í öðru sæti [21-12] og er ljóst að félagið hefur sjaldan átt jafna góða möguleika á að lyfta þeim stóra og nú með þá Kevin Durant, James Harden og Kyrie Irving innanborðs. Ekkert lið á til að mynda jafn marga leikmenn í Stjörnuleik deildarinnar á þessari leiktíð. No team will be better represented at #NBAAllStar than your Brooklyn Nets.@JHarden13 makes it the first Nets trio selected to an ASG in our NBA history — Brooklyn Nets (@BrooklynNets) February 24, 2021 Nets komst hins vegar ekki í úrslitakeppnina á síðustu leiktíð. Irving mætti ekki til leiks í búbblunni, Durant var enn að jafna sig af meiðslum. Harden datt svo út í 2. umferð úrslitakeppninnar gegn Lakers [Harden var þá í Houston Rockets]. Þar á eftir koma Milwaukee Bucks – töpuðu í 2. umferð gegn Miami – og Indiana Pacers sem komst ekki í úrslitakeppnina. Boston Celtics fór alla leið í úrslit Austursins í búbblunni en er sem stendur með sama árangur og Miami, 15 sigra og 17 töp. Sömu sögu að segja af Vestrinu Í Vesturdeildinni er Utah Jazz á toppnum en Donovan Mitchell og félagar eru besta lið deildarinnar um þessar mundir. Því til staðfestingar þá rúllaði Utah yfir Lakers í fyrrinótt. Donovan er helsta stjarna liðsins en fjölmargir aðrir leikmenn eru að eiga stórkostlegt tímabil, til þessa allavega. Utah tapaði 4-3 í fyrstu umferð úrslitakeppninnar gegn Denver Nuggets og hefur áðurnefndur Donovan Mitchell gefið það út að félagið ætli sér lengra í ár. Nágrannar Lakers í Clippers eru í öðru sæti [23-10] en liðið henti frá sér 3-1 forystu gegn Denver í annarri umferð úrslitakeppninnar. Denver fór því í oddaleik í fyrstu tveimur umferðum úrslitakeppninnar og segja má að tankurinn hafi verið tómur er liðið mætti loks Lakers í úrslitum Vesturdeildarinnar. Fór Lakers með 4-1 sigur af hólmi. Sem stendur er Denver í 7. sæti [17-14]. Phoenix Suns í 4. sæti Vestursins [20-11] – komst ekki í úrslitakeppnina í fyrra. Portland Trail Blazers er í 5. sæti [18-13] – töpuðu 4-1 fyrir Lakers í fyrstu umferð. San Antonio Spurs er í 6. sæti (16-12) – komst ekki í úrslitakeppnina í fyrra. Golden State Warriors er í 8. sæti (18-15) – komst ekki í úrslitakeppnina í fyrra. Lakers í fínum málum miðað við Ríkjandi meistarar Los Angeles Lakers eru sem stendur í 3. sæti Vestursins [22-11] sem er langt frá því að vera slæmur árangur. Af þeim fjórum liðum sem fóru hvað lengst á síðustu leiktíð þá er Lakers lang efst og eina liðið sem hefur unnið fleiri en 20 leiki. Áhyggjuefnið er hins vegar hversu hratt liðið hefur dalað undanfarið. Liðið hóf febrúar á þremur framlengdum leikjum, sem unnust þó allir. Í kjölfarið fylgdi sigur gegn Memphis Grizzles áður en liðið tapaði gegn Denver. Sigur vannst svo gegn slöku liði Minnesota Timberwolves en síðan hefur liðið tapað fjórum leikjum í röð. Meistararnir réðu ekkert við Brooklyn Nets, töpuðu svo með tveggja stiga mun gegn Miami Heat og síðan í framlengdum leik gegn Washington Wizards. Að lokum áttu þeir ekki mögulega gegn Utah Jazz í fyrrinótt. Það er vægast sagt leikið þétt í NBA-deildinni þessa dagana og eftir að hafa spilað 33 leiki hafa leikmenn Lakers aðeins tekið þátt í kringum tíu æfingum saman. Það er því lítill tími til að slípa hópinn saman en það á við öll lið deildarinnar og því ekki hægt að nota það sem afsökun. Lakers mæta Portland þann 26. febrúar og Golden Sate tveimur dögum síðar. Stóra spurningin er því hvort lægðin haldi áfram eða LeBron James rífi félaga sína upp og keyri tímabilið af stað á nýjan leik. NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur. Körfubolti NBA Mest lesið Bakgarðshlaupið í beinni útsendingu Sport Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Handbolti Miðvarðamartröð Man United heldur áfram Enski boltinn „Veit ekki hvað Elmar þarf að gera til að komast í landsliðið“ Handbolti „Ég vona innilega að ég sé ekki að væla of mikið“ Íslenski boltinn „Höfum spilað vel án Arons áður“ Handbolti Loksins landaði Lando sigri í Formúlu 1 Formúla 1 Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Handbolti Mitchell skaut Cleveland í undanúrslit Austursins Körfubolti „Ólíkir okkur að mörgu leyti“ Íslenski boltinn Fleiri fréttir Mitchell skaut Cleveland í undanúrslit Austursins „Ef maður fær opin skot þá verður maður að taka þau“ Uppgjör og viðtöl: Keflavík - Stjarnan 87-78 | Heimakonur einum sigri frá úrslitum Búið að fjarlægja auglýsingarnar af gólfinu í Smáranum Helena fær sæti í Heiðurshöll TCU skólans Bara þrjú af tíu líklegustu NBA-liðunum komust í aðra umferð Hetja Keflvíkinga hafði aldrei áður skorað svona flautukörfu á ferlinum NBA meistararnir réðu ekki við hinn magnaða Anthony Edwards „Við höldum bara áfram þangað til að leikurinn er búinn“ „Við gleymum okkur á veiku hliðinni“ Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Tryggvi Snær kom inn af bekknum í tapi gegn botnliðinu „Varhugavert er að ætla starfsmanni Stöðvar 2 að hafa brugðið talsvert“ Kyrie kann að loka einvígum og Dallas sló loksins út Clippers DeAndre Kane sleppur við bann og spilar í kvöld „Þetta er ekki boðlegt finnst mér“ Lið Aþenu og Brynjar Karl einum leik frá Subway-deildinni eftir spennutrylli „Þurfum að fá fleiri hjól undir bílinn“ „Það er búið að vera okkar merki í allan vetur að spila vörn“ Uppgjörið: Njarðvík - Valur 69-78 | Deildarmeistararnir læstu vörninni Báðir þjálfarar Skallagrímsliðsins hætta Kastaði bolta í áhorfanda eftir tap Geta unnið fjóra í röð í fyrsta sinn í heilan áratug Jaka áfram í Keflavík næstu þrjú árin „Of mörg tilfelli sem hafa komið upp“ Knicks og Pacers hefja nýtt einvígi á mánudag Eigendur 76ers gefa miða svo Knicks aðdáendur taki ekki aftur yfir „Vörnin í dag, það er það sem vann þetta“ „Virkilega léleg frammistaða heilt á litið“ Sjá meira
Það virðist sem dvölin í Disney World á síðustu leiktíð sé loksins búin að ná í skottið á LeBron James og félögum. Síðasta tímabil í NBA-deildinni var líkt og aðrar íþróttir litað af kórónufaraldrinum. NBA-deildin fann lausn á þeim vanda með því að færa úrslitakeppni deildarinnar, ásamt nokkrum leikjum til að skera úr um hvaða lið kæmust þangað, í Disney World. Draumaheimur Disney í Orlando í Flórída var því að einangraðri „búbblu“ þar sem keppt var um NBA-meistaratitilinn. Keppni þar hófst þann 31. júlí á síðasta ári og lauk ekki hjá Lakers og Miami Heat fyrr en þann 11. október, eitthvað sem virðist hafa haft áhrif á bæði lið á þessari leiktíð. Liðin sem fóru hvað lengst á síðustu leiktíð ekki fundið taktinn Heat voru lengi af stað á leiktíðinni og hafa löngum köflum leikið án síns besta manns, Jimmy Butler. Sem stendur eru Heat í 8. sæti Austurdeildarinnar með 15 sigra og 17 töp í 32 leikjum. Það sem vekur mikla athygli ef horft er á stöðuna í Austrinu í dag er að Philadelphia 76ers tróna á toppnum [21 sigur, 11 töp] en þeir töpuðu 4-0 fyrir Boston Celtics í fyrstu umferð úrslitakeppninnar á síðustu leiktíð. Brooklyn Nets er í öðru sæti [21-12] og er ljóst að félagið hefur sjaldan átt jafna góða möguleika á að lyfta þeim stóra og nú með þá Kevin Durant, James Harden og Kyrie Irving innanborðs. Ekkert lið á til að mynda jafn marga leikmenn í Stjörnuleik deildarinnar á þessari leiktíð. No team will be better represented at #NBAAllStar than your Brooklyn Nets.@JHarden13 makes it the first Nets trio selected to an ASG in our NBA history — Brooklyn Nets (@BrooklynNets) February 24, 2021 Nets komst hins vegar ekki í úrslitakeppnina á síðustu leiktíð. Irving mætti ekki til leiks í búbblunni, Durant var enn að jafna sig af meiðslum. Harden datt svo út í 2. umferð úrslitakeppninnar gegn Lakers [Harden var þá í Houston Rockets]. Þar á eftir koma Milwaukee Bucks – töpuðu í 2. umferð gegn Miami – og Indiana Pacers sem komst ekki í úrslitakeppnina. Boston Celtics fór alla leið í úrslit Austursins í búbblunni en er sem stendur með sama árangur og Miami, 15 sigra og 17 töp. Sömu sögu að segja af Vestrinu Í Vesturdeildinni er Utah Jazz á toppnum en Donovan Mitchell og félagar eru besta lið deildarinnar um þessar mundir. Því til staðfestingar þá rúllaði Utah yfir Lakers í fyrrinótt. Donovan er helsta stjarna liðsins en fjölmargir aðrir leikmenn eru að eiga stórkostlegt tímabil, til þessa allavega. Utah tapaði 4-3 í fyrstu umferð úrslitakeppninnar gegn Denver Nuggets og hefur áðurnefndur Donovan Mitchell gefið það út að félagið ætli sér lengra í ár. Nágrannar Lakers í Clippers eru í öðru sæti [23-10] en liðið henti frá sér 3-1 forystu gegn Denver í annarri umferð úrslitakeppninnar. Denver fór því í oddaleik í fyrstu tveimur umferðum úrslitakeppninnar og segja má að tankurinn hafi verið tómur er liðið mætti loks Lakers í úrslitum Vesturdeildarinnar. Fór Lakers með 4-1 sigur af hólmi. Sem stendur er Denver í 7. sæti [17-14]. Phoenix Suns í 4. sæti Vestursins [20-11] – komst ekki í úrslitakeppnina í fyrra. Portland Trail Blazers er í 5. sæti [18-13] – töpuðu 4-1 fyrir Lakers í fyrstu umferð. San Antonio Spurs er í 6. sæti (16-12) – komst ekki í úrslitakeppnina í fyrra. Golden State Warriors er í 8. sæti (18-15) – komst ekki í úrslitakeppnina í fyrra. Lakers í fínum málum miðað við Ríkjandi meistarar Los Angeles Lakers eru sem stendur í 3. sæti Vestursins [22-11] sem er langt frá því að vera slæmur árangur. Af þeim fjórum liðum sem fóru hvað lengst á síðustu leiktíð þá er Lakers lang efst og eina liðið sem hefur unnið fleiri en 20 leiki. Áhyggjuefnið er hins vegar hversu hratt liðið hefur dalað undanfarið. Liðið hóf febrúar á þremur framlengdum leikjum, sem unnust þó allir. Í kjölfarið fylgdi sigur gegn Memphis Grizzles áður en liðið tapaði gegn Denver. Sigur vannst svo gegn slöku liði Minnesota Timberwolves en síðan hefur liðið tapað fjórum leikjum í röð. Meistararnir réðu ekkert við Brooklyn Nets, töpuðu svo með tveggja stiga mun gegn Miami Heat og síðan í framlengdum leik gegn Washington Wizards. Að lokum áttu þeir ekki mögulega gegn Utah Jazz í fyrrinótt. Það er vægast sagt leikið þétt í NBA-deildinni þessa dagana og eftir að hafa spilað 33 leiki hafa leikmenn Lakers aðeins tekið þátt í kringum tíu æfingum saman. Það er því lítill tími til að slípa hópinn saman en það á við öll lið deildarinnar og því ekki hægt að nota það sem afsökun. Lakers mæta Portland þann 26. febrúar og Golden Sate tveimur dögum síðar. Stóra spurningin er því hvort lægðin haldi áfram eða LeBron James rífi félaga sína upp og keyri tímabilið af stað á nýjan leik. NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
NBA er á Stöð 2 Sport en upplýsingar um útsendingar má finna hér. NBA körfuboltinn er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
Körfubolti NBA Mest lesið Bakgarðshlaupið í beinni útsendingu Sport Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Handbolti Miðvarðamartröð Man United heldur áfram Enski boltinn „Veit ekki hvað Elmar þarf að gera til að komast í landsliðið“ Handbolti „Ég vona innilega að ég sé ekki að væla of mikið“ Íslenski boltinn „Höfum spilað vel án Arons áður“ Handbolti Loksins landaði Lando sigri í Formúlu 1 Formúla 1 Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Handbolti Mitchell skaut Cleveland í undanúrslit Austursins Körfubolti „Ólíkir okkur að mörgu leyti“ Íslenski boltinn Fleiri fréttir Mitchell skaut Cleveland í undanúrslit Austursins „Ef maður fær opin skot þá verður maður að taka þau“ Uppgjör og viðtöl: Keflavík - Stjarnan 87-78 | Heimakonur einum sigri frá úrslitum Búið að fjarlægja auglýsingarnar af gólfinu í Smáranum Helena fær sæti í Heiðurshöll TCU skólans Bara þrjú af tíu líklegustu NBA-liðunum komust í aðra umferð Hetja Keflvíkinga hafði aldrei áður skorað svona flautukörfu á ferlinum NBA meistararnir réðu ekki við hinn magnaða Anthony Edwards „Við höldum bara áfram þangað til að leikurinn er búinn“ „Við gleymum okkur á veiku hliðinni“ Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Tryggvi Snær kom inn af bekknum í tapi gegn botnliðinu „Varhugavert er að ætla starfsmanni Stöðvar 2 að hafa brugðið talsvert“ Kyrie kann að loka einvígum og Dallas sló loksins út Clippers DeAndre Kane sleppur við bann og spilar í kvöld „Þetta er ekki boðlegt finnst mér“ Lið Aþenu og Brynjar Karl einum leik frá Subway-deildinni eftir spennutrylli „Þurfum að fá fleiri hjól undir bílinn“ „Það er búið að vera okkar merki í allan vetur að spila vörn“ Uppgjörið: Njarðvík - Valur 69-78 | Deildarmeistararnir læstu vörninni Báðir þjálfarar Skallagrímsliðsins hætta Kastaði bolta í áhorfanda eftir tap Geta unnið fjóra í röð í fyrsta sinn í heilan áratug Jaka áfram í Keflavík næstu þrjú árin „Of mörg tilfelli sem hafa komið upp“ Knicks og Pacers hefja nýtt einvígi á mánudag Eigendur 76ers gefa miða svo Knicks aðdáendur taki ekki aftur yfir „Vörnin í dag, það er það sem vann þetta“ „Virkilega léleg frammistaða heilt á litið“ Sjá meira