Erlent

Hættir eftir hótanir í garð blaða­konu

Vésteinn Örn Pétursson skrifar
TJ Ducklo er hættur hjá Hvíta húsinu.
TJ Ducklo er hættur hjá Hvíta húsinu. AP/Patrick Semansky

TJ Ducklo, einn aðstoðarfjölmiðlafulltrúa Joes Biden Bandaríkjaforseta, hefur sagt upp störfum. 

Ducklo var sakaður um að hafa ógnað Töru Palmeri, blaðamanni Politico, þegar hann komst að því að hún væri að rannsaka samband Ducklo við annan blaðamann. Hann var í kjölfarið settur í launalaust leyfi.

Það var Vanity Fair sem greindi frá hótunum Ducklo í garð Pameri, sem er sagður hafa hringt í og sagst myndu „tortíma“ henni. Þá ku hann hafa látið falla lítilsvirðandi ummæli um blaðakonuna og sýnt af sér kvenfyrirlitningu.

Ducklo var í kjölfarið settur í einnar viku leyfi án launa en sú ákvörðun var gagnrýnd og margir spurðu hvers vegna ekki var gripið til harðari aðgerða, þar sem Biden hefur áður lýst því yfir að hann muni láta þá starfsmenn sína fjúka sem gerast sekir um að tala illa um kollega sína.

Nú hefur Ducklo hins vegar sagt upp störfum, en hann greinir frá því í afsökunarbeiðni sem hann birti á Twitter. Þar segir hann ekkert geta afsakað hegðun hans. Hann geti ekki tekið hegðun sína til baka, en hann geti lært af henni og bætt sig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.