Þyrftu alltaf að reyna á hjarðónæmi burtséð frá Pfizer-rannsókn Birgir Olgeirsson skrifar 8. febrúar 2021 18:31 Sóttvarnalæknir segir lyfjafyrirtækið Pfizer ekki hafa gert kröfu um að landamærin verði opnuð í nafni bóluefnarannsóknar og ekki standi til að stefna heilsu þjóðarinnar í hættu. Slakað verði þó á sóttvarnaaðgerðum á landamærunum þegar bólusetningar eru langt komnar Þrátt fyrir háværan orðróm tók sóttvarnalæknir fram að hvorki samningur né samningsdrög lægju fyrir. Hann sagði margar flökkusögur í gangi um þessar viðræður en fullvissaði fólk um að réttar upplýsingar yrðu gefnar strax og þær liggja fyrir. Bóluefnarannsókn Íslands og Pfizer á í grófum dráttum að snúast um hversu vel bóluefni fyrirtækisins verndar heila þjóð fyrir kórónuveirunni. Sóttvarnalæknir segir ekki ljóst hvort af þessu verkefni verður né hversu marga bóluefnaskammta Íslendingar fá eða hvenær. Þrálátur orðrómur er uppi í samfélaginu að Pfizer geri kröfu um að sóttvarnaaðgerðum á landamærunum verði aflétt svo hægt verði að sjá hversu vel bóluefnið virki gegn veirunni. Engar kröfur frá Pfizer um að „opna“ Þórólfur með fyrstu skömmtunum af Pfizer-bóluefninu sem komu til landsins í desember. Vísir „Við höfum ekki verið í neinum samningaviðræðum um það hvernig þetta verður útfært. Það er væntanlega eitthvað sem samningsdrögin munu taka á. Ég á ekki von á einhverjum svona kröfum. En tilgangurinn með að bólusetja og bólusetja marga er að slaka á öllum aðgerðum en gera það innan þeirra marka sem teljum skynsamlegast, en ég hef ekki séð neinar kröfur um það,“ segir Þórólfur Guðnason sóttvarnalæknir. Hann segir mörkin ekki grafin í stein. Þau fari eftir því hvernig álagið er á landamærin og hvernig faraldurinn þróist erlendis. „Við gætum gert ýmsar útfærslur á því hvort menn vilji hafa einfalda skimun eða tvöfalda skimun eða hvernig það nú verður. En það sem allir eru að horfa til er að fá útbreidda bólusetningu og þá getum við slakað á, og ég held að allar þjóðir séu að horfa til þess.“ Alltaf markmiðið að opnað og slakað á Samfélagssmit er í lágmarki á Íslandi, er þá einhvern veginn hægt að framkvæma bóluefnarannsókn öðruvísi en að það sé smit á Íslandi og við fáum það ekki öðruvísi en að opna landamærin? „Nei, hvort sem við köllum það rannsókn eða hvort við viljum bara stuðla að útbreiddri bólusetningu, þá er það alltaf markmiðið að geta opnað og slakað á þeim takmarkandi aðgerðum sem eru í gangi. Það myndi ekki vera krafa rannsóknarinnar vegna. Þetta er það sem allir eru að horfa upp og við viljum sjá á staðlaðan máta ef við slökum á hér innanlands og ef það verður slakað á á landamærunum og svo framvegis. Á einhverjum tímapunkti verður það að gerast, hvort sem okkur líkar betur eða verr.“ Komufarþegar í flugstöð Leifs Eiríkssonar. Vísir/Vilhelm Þannig að það yrði alltaf einhvern veginn að reyna á hjarðónæmið, ef þessi rannsókn á að vera? „Að sjálfsögðu, annars myndum við bara vera lokuð alveg þangað til veiran verður útdauð í heiminum,“ svarar Þórólfur. Ráðamenn þyrftu að samþykkja rannsókn Þórólfur segir að ef samningar takast við Pfizer um bóluefnarannsókn hér á landi þá þyrfti málið að fara í gegnum ákveðna ferla. „Ef þetta er gert í nafni rannsóknarinnar þá fer það náttúrlega allt í gegnum nauðsynlega ferla. Ráðamenn þjóðarinnar þurfa að samþykkja þetta. Þetta myndi fara í gegnum alla ferla hjá vísindasiðanefnd og Persónuvernd og svo framvegis.“ Ríkisstjórn Katrínar Jakobsdóttur þyrfti að samþykkja rannsóknina að sögn sóttvarnalæknis. Vísir/Vilhelm Íslensk erfðagreining myndi hafa aðkomu að þessari rannsókn. „Það er sennilega enginn hér innanlands sem gæti tekið að sér að útfæra þessa rannsókn. Þetta yrði samvinnu við íslenska aðila fleiri. En ég bendi á að þetta er ekki einhver tilraun á Íslendingum eða íslenskri þjóð, heldur erum við að gera þetta á staðlaðan máta þar sem við erum að setja upp rannsóknarspurningar. Hvort sem þetta heitir rannsókn eða ekki rannsókn, þá myndum við alltaf vilja bólusetja sem flesta á Íslandi. Það myndi bara taka miklu lengri tíma og það yrði erfiðara að fylgjast með árangri bólusetningarinnar.“ Vilja bólusetja hraðar En nú er staðan mjög góð á Íslandi og við höfum samið um bóluefni sem við fáum næstu mánuði. Er þörf á því að skuldbinda sig við fyrirtæki um rannsókn til að bólusetja þjóðina fyrr? „Eins og staðan er núna þá er útlit fyrir að við munum geta bólusett 30 þúsund manns fyrir lok mars. Það er ekkert voðalega stór hluti af íslenskri þjóð. Við viljum helst geta bólusett hraðar og líka til að svara þessum spurningum. Ef þetta gengur með þessum hraða áfram, þá verður erfitt að svara þessum rannsóknar spurningum sem ég held að sé nauðsynlegt að svara á einn eða annan hátt.“ Rannsóknin ógni ekki heilsu þjóðar Telur þú að þessi rannsókn muni ógna heilsu íslenskrar þjóðar? „Nei, það held ég ekki. Þvert á móti. Ég held að hún geti verið mjög hjálpleg. Í fyrsta lagi hafa þessi bóluefni, þar á meðal Pfizer, sýnt að þau eru mjög örugg. Og ég held að við og þær upplýsingar sem við fáum úr svona rannsókn munu verða mjög hjálplegar. Ekki bara fyrir okkur heldur aðrar þjóðir líka. Þetta er ekki tilraun á þjóðinni. Eftir sem áður munum við hvetja alla til að mæta í bólusetningu, þó það tæki langt fram á þetta ár. Það breytir engu, við myndum vilja bólusetja jafn marga eftir sem áður.“ Og þið mynduð alltaf fara varlega í afléttingar á landamærunum ef þið fengjuð alla þessa skammta frá Pfizer? „Já við myndum gera það varlega í það og gera það á okkar forsendum eftir sem áður.“ Faraldur kórónuveiru (COVID-19) Bólusetningar Tengdar fréttir Segir að réttar upplýsingar um mögulega rannsókn Pfizer verði veittar þegar þær liggja fyrir Þórólfur Guðnason, sóttvarnalæknir, segir engin samningsdrög frá Pfizer liggja á borðinu varðandi rannsóknarverkefni á bólusetningu íslensku þjóðarinnar með bóluefni fyrirtækisins gegn Covid-19, en hávær orðrómur hefur verið á kreiki undanfarna daga um að samningur við Pfizer sé í höfn. 8. febrúar 2021 11:27 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hjól undan strætó braut svalir á annarri hæð Innlent María Sigrún birtir tölvupósta Dags Innlent Meint framhjáhald og sambandsslit í stunguárásarmáli Innlent „Kastljós á ekki að vera Staksteinar“ Innlent Neyðast óvænt til að tæma laugina Innlent Vildi heimsækja krabbameinssjúka móður sína en vísað úr landi Innlent Skúli Tómas sinnir sjúklingum af og til Innlent Halla Hrund áfram efst Innlent Ákvörðun Seðlabankans sé óskiljanleg Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Reykjavík lækkar gjaldskrár vegna þjónustu við barnafjölskyldur Fylgjast grannt með gangi mála Margt bendi til þess að gosinu sé lokið María Sigrún birtir tölvupósta Dags „Á endanum snýst þetta allt um peninga“ Sækja veikan sjómann Eldur í iðnaðarhúsnæði á Höfða Efstar með ómarktækan mun á milli sín Fjögurra bíla árekstur efst í Ártúnsbrekku Björn Leví segir Harald hafa fundið skálkaskjól í orðum Bjarna Flæði innan við einn rúmmetri á sekúndu „Ég hafna því að við séum ekki að sinna velferð dýra á þessum bæ” Ákvörðun Seðlabankans sé óskiljanleg „Ríkisfjármálin eru í ruglinu“ Atvinnubílstjórar sýni minnstu tillitssemina Orkuveitan skilar Elliðaárdalnum Stuðningsmenn Katrínar áhugasamari en aðrir Lengri lokun þar sem kerfið hefur „hangið á bláþræði“ Skúli Tómas sinnir sjúklingum af og til „Allir að bíða eftir þessum atburði sem ekki skeður“ Nýborin lömb finnist dauð og deyjandi úr vosbúð „Hef haft áhyggjur af fangelsismálum frá því ég kom í embætti“ „Kastljós á ekki að vera Staksteinar“ Kannabis en ekki kjólar í kassanum Halla Hrund áfram efst Fjöldaúrsagnir kvenna úr mannkyninu Leki kom að bát út af Barða Óbreyttir stýrivextir, fangamál og dræmt Eurovision áhorf Forsetaefni tókust á um forsetavaldið „Þetta getur ekki annað en endað með algjörum ósköpum“ Sjá meira
Þrátt fyrir háværan orðróm tók sóttvarnalæknir fram að hvorki samningur né samningsdrög lægju fyrir. Hann sagði margar flökkusögur í gangi um þessar viðræður en fullvissaði fólk um að réttar upplýsingar yrðu gefnar strax og þær liggja fyrir. Bóluefnarannsókn Íslands og Pfizer á í grófum dráttum að snúast um hversu vel bóluefni fyrirtækisins verndar heila þjóð fyrir kórónuveirunni. Sóttvarnalæknir segir ekki ljóst hvort af þessu verkefni verður né hversu marga bóluefnaskammta Íslendingar fá eða hvenær. Þrálátur orðrómur er uppi í samfélaginu að Pfizer geri kröfu um að sóttvarnaaðgerðum á landamærunum verði aflétt svo hægt verði að sjá hversu vel bóluefnið virki gegn veirunni. Engar kröfur frá Pfizer um að „opna“ Þórólfur með fyrstu skömmtunum af Pfizer-bóluefninu sem komu til landsins í desember. Vísir „Við höfum ekki verið í neinum samningaviðræðum um það hvernig þetta verður útfært. Það er væntanlega eitthvað sem samningsdrögin munu taka á. Ég á ekki von á einhverjum svona kröfum. En tilgangurinn með að bólusetja og bólusetja marga er að slaka á öllum aðgerðum en gera það innan þeirra marka sem teljum skynsamlegast, en ég hef ekki séð neinar kröfur um það,“ segir Þórólfur Guðnason sóttvarnalæknir. Hann segir mörkin ekki grafin í stein. Þau fari eftir því hvernig álagið er á landamærin og hvernig faraldurinn þróist erlendis. „Við gætum gert ýmsar útfærslur á því hvort menn vilji hafa einfalda skimun eða tvöfalda skimun eða hvernig það nú verður. En það sem allir eru að horfa til er að fá útbreidda bólusetningu og þá getum við slakað á, og ég held að allar þjóðir séu að horfa til þess.“ Alltaf markmiðið að opnað og slakað á Samfélagssmit er í lágmarki á Íslandi, er þá einhvern veginn hægt að framkvæma bóluefnarannsókn öðruvísi en að það sé smit á Íslandi og við fáum það ekki öðruvísi en að opna landamærin? „Nei, hvort sem við köllum það rannsókn eða hvort við viljum bara stuðla að útbreiddri bólusetningu, þá er það alltaf markmiðið að geta opnað og slakað á þeim takmarkandi aðgerðum sem eru í gangi. Það myndi ekki vera krafa rannsóknarinnar vegna. Þetta er það sem allir eru að horfa upp og við viljum sjá á staðlaðan máta ef við slökum á hér innanlands og ef það verður slakað á á landamærunum og svo framvegis. Á einhverjum tímapunkti verður það að gerast, hvort sem okkur líkar betur eða verr.“ Komufarþegar í flugstöð Leifs Eiríkssonar. Vísir/Vilhelm Þannig að það yrði alltaf einhvern veginn að reyna á hjarðónæmið, ef þessi rannsókn á að vera? „Að sjálfsögðu, annars myndum við bara vera lokuð alveg þangað til veiran verður útdauð í heiminum,“ svarar Þórólfur. Ráðamenn þyrftu að samþykkja rannsókn Þórólfur segir að ef samningar takast við Pfizer um bóluefnarannsókn hér á landi þá þyrfti málið að fara í gegnum ákveðna ferla. „Ef þetta er gert í nafni rannsóknarinnar þá fer það náttúrlega allt í gegnum nauðsynlega ferla. Ráðamenn þjóðarinnar þurfa að samþykkja þetta. Þetta myndi fara í gegnum alla ferla hjá vísindasiðanefnd og Persónuvernd og svo framvegis.“ Ríkisstjórn Katrínar Jakobsdóttur þyrfti að samþykkja rannsóknina að sögn sóttvarnalæknis. Vísir/Vilhelm Íslensk erfðagreining myndi hafa aðkomu að þessari rannsókn. „Það er sennilega enginn hér innanlands sem gæti tekið að sér að útfæra þessa rannsókn. Þetta yrði samvinnu við íslenska aðila fleiri. En ég bendi á að þetta er ekki einhver tilraun á Íslendingum eða íslenskri þjóð, heldur erum við að gera þetta á staðlaðan máta þar sem við erum að setja upp rannsóknarspurningar. Hvort sem þetta heitir rannsókn eða ekki rannsókn, þá myndum við alltaf vilja bólusetja sem flesta á Íslandi. Það myndi bara taka miklu lengri tíma og það yrði erfiðara að fylgjast með árangri bólusetningarinnar.“ Vilja bólusetja hraðar En nú er staðan mjög góð á Íslandi og við höfum samið um bóluefni sem við fáum næstu mánuði. Er þörf á því að skuldbinda sig við fyrirtæki um rannsókn til að bólusetja þjóðina fyrr? „Eins og staðan er núna þá er útlit fyrir að við munum geta bólusett 30 þúsund manns fyrir lok mars. Það er ekkert voðalega stór hluti af íslenskri þjóð. Við viljum helst geta bólusett hraðar og líka til að svara þessum spurningum. Ef þetta gengur með þessum hraða áfram, þá verður erfitt að svara þessum rannsóknar spurningum sem ég held að sé nauðsynlegt að svara á einn eða annan hátt.“ Rannsóknin ógni ekki heilsu þjóðar Telur þú að þessi rannsókn muni ógna heilsu íslenskrar þjóðar? „Nei, það held ég ekki. Þvert á móti. Ég held að hún geti verið mjög hjálpleg. Í fyrsta lagi hafa þessi bóluefni, þar á meðal Pfizer, sýnt að þau eru mjög örugg. Og ég held að við og þær upplýsingar sem við fáum úr svona rannsókn munu verða mjög hjálplegar. Ekki bara fyrir okkur heldur aðrar þjóðir líka. Þetta er ekki tilraun á þjóðinni. Eftir sem áður munum við hvetja alla til að mæta í bólusetningu, þó það tæki langt fram á þetta ár. Það breytir engu, við myndum vilja bólusetja jafn marga eftir sem áður.“ Og þið mynduð alltaf fara varlega í afléttingar á landamærunum ef þið fengjuð alla þessa skammta frá Pfizer? „Já við myndum gera það varlega í það og gera það á okkar forsendum eftir sem áður.“
Faraldur kórónuveiru (COVID-19) Bólusetningar Tengdar fréttir Segir að réttar upplýsingar um mögulega rannsókn Pfizer verði veittar þegar þær liggja fyrir Þórólfur Guðnason, sóttvarnalæknir, segir engin samningsdrög frá Pfizer liggja á borðinu varðandi rannsóknarverkefni á bólusetningu íslensku þjóðarinnar með bóluefni fyrirtækisins gegn Covid-19, en hávær orðrómur hefur verið á kreiki undanfarna daga um að samningur við Pfizer sé í höfn. 8. febrúar 2021 11:27 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hjól undan strætó braut svalir á annarri hæð Innlent María Sigrún birtir tölvupósta Dags Innlent Meint framhjáhald og sambandsslit í stunguárásarmáli Innlent „Kastljós á ekki að vera Staksteinar“ Innlent Neyðast óvænt til að tæma laugina Innlent Vildi heimsækja krabbameinssjúka móður sína en vísað úr landi Innlent Skúli Tómas sinnir sjúklingum af og til Innlent Halla Hrund áfram efst Innlent Ákvörðun Seðlabankans sé óskiljanleg Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Reykjavík lækkar gjaldskrár vegna þjónustu við barnafjölskyldur Fylgjast grannt með gangi mála Margt bendi til þess að gosinu sé lokið María Sigrún birtir tölvupósta Dags „Á endanum snýst þetta allt um peninga“ Sækja veikan sjómann Eldur í iðnaðarhúsnæði á Höfða Efstar með ómarktækan mun á milli sín Fjögurra bíla árekstur efst í Ártúnsbrekku Björn Leví segir Harald hafa fundið skálkaskjól í orðum Bjarna Flæði innan við einn rúmmetri á sekúndu „Ég hafna því að við séum ekki að sinna velferð dýra á þessum bæ” Ákvörðun Seðlabankans sé óskiljanleg „Ríkisfjármálin eru í ruglinu“ Atvinnubílstjórar sýni minnstu tillitssemina Orkuveitan skilar Elliðaárdalnum Stuðningsmenn Katrínar áhugasamari en aðrir Lengri lokun þar sem kerfið hefur „hangið á bláþræði“ Skúli Tómas sinnir sjúklingum af og til „Allir að bíða eftir þessum atburði sem ekki skeður“ Nýborin lömb finnist dauð og deyjandi úr vosbúð „Hef haft áhyggjur af fangelsismálum frá því ég kom í embætti“ „Kastljós á ekki að vera Staksteinar“ Kannabis en ekki kjólar í kassanum Halla Hrund áfram efst Fjöldaúrsagnir kvenna úr mannkyninu Leki kom að bát út af Barða Óbreyttir stýrivextir, fangamál og dræmt Eurovision áhorf Forsetaefni tókust á um forsetavaldið „Þetta getur ekki annað en endað með algjörum ósköpum“ Sjá meira
Segir að réttar upplýsingar um mögulega rannsókn Pfizer verði veittar þegar þær liggja fyrir Þórólfur Guðnason, sóttvarnalæknir, segir engin samningsdrög frá Pfizer liggja á borðinu varðandi rannsóknarverkefni á bólusetningu íslensku þjóðarinnar með bóluefni fyrirtækisins gegn Covid-19, en hávær orðrómur hefur verið á kreiki undanfarna daga um að samningur við Pfizer sé í höfn. 8. febrúar 2021 11:27