Að þora inn í gin úlfsins Marta Eiríksdóttir skrifar 8. febrúar 2021 10:30 Með þessari grein ætla ég að gera tilraun til þess að fá engin skítköst í þessu blessaða „kommenta“kerfi sem væri annars svo frábært að leggja alveg niður, því ég hef grun um að það þjóni engum fallegum tilgangi, þegar upp er staðið. Þetta fyrirkomulag vefmiðlanna heldur bara aftur af jákvæðu fólki. Þeim sem langar til að skrifa opinberlega og leggja eitthvað til málanna í landinu okkar en veigra sér við því vegna þeirrar neikvæðni sem skellur á þeim að lokinni birtingu á vefmiðli. Það er annars mjög áhugavert að skoða skrif þeirra sem ráðast á aðra í „kommenta“ kerfinu og merkilegt hvað þeir taka þar mikið pláss, eru bálreiðir út í allt og alla. Fólkið dæmir sig sjálft með neikvæðum skrifum sínum og ómálefnalegri umræðu. Það er ekki þess virði að elta ólar við svoleiðis fólk. Verum góð hvert við annað. Við verðum öll að þora að fara inn í gin úlfsins; Að láta skoðun okkar í ljós á opinberum vettvangi. Íslenskt samfélag þarf á jákvæðu fólki að halda. Það er ekki gott ef þeir sem vilja vel, þora ekki að tala af ótta við að vera kallaðir fasistar, rasistar, nasistar, forréttindapíkur eða bara hálfvitar. Þá velja nú flestir að sleppa því að tjá sig opinberlega og lifa frekar áfram í friði í sínum innsta hring. En við þurfum að fá að heyra í fleiru jákvæðu fólki, fá bylgju jákvæðni inn í samfélagið okkar. Ekki veitir af. Verum málefnaleg því þá er hlustað Margar ólíkar skoðanir auðga mannlíf okkar og við þurfum ekki að vera sammála um allt. Viðrum hugsanir okkar. Sjáum hvað hinir hafa fram að færa og fáum þannig nýjar hugmyndir, jafnvel leiðir til lausna. Það kemur ekkert gott út úr því þegar „kommenta“ kerfið er stútfullt af persónulegum árásum, niðurrifi og tómri vitleysu! Engum finnst þægilegt að láta kalla sig öllum illum nöfnum á opinberum vettvangi. Ég tek hattinn ofan fyrir þeim sem fara í þingmennsku! Við megum ekki láta neikvæðu öflin hafa vinninginn í þessu landi eða leyfa þeim að þagga niður í alls konar góðum hugmyndum. Landið okkar er á tímamótum. Hvernig við spilum úr stöðunni sem upp er komin núna, leiðir börn þessa lands inn í farsæla framtíð eða vansæla. Við viljum öll kenna börnum okkar að meta fólk eftir hjartalagi en ekki uppruna. Breytingar um alla jörð Heimurinn er að breytast og fólk er að flytja á milli landa. Það tekur á fyrir alla og krefst sveigjanleika og aðlögunarhæfni. Ég veit hvernig það er að búa í erlendu landi og vera atvinnulaus. Það er ekki létt. Íslendingar eru að fá nýja innspýtingu fólks af erlendu bergi sem auðgar mannlífið ef rétt er á málum haldið. Íslensk tunga er þjóðtunga Íslands, það er menningararfur Íslendinga. Ákveðnir töfrar liggja í þessu eldgamla víkingamáli. Já það er krefjandi að læra það. En mjög spennandi að kunna það segja mér erlendir vinir mínir sem æfa sig í að tjá sig á íslensku en ekki á ensku. Þannig komast þeir betur inn í samfélagið, skilja kerfið betur hér og geta bjargað sér. Ísland hefur alla burði til að vera draumaland því hér er gott að búa. Við eigum öll heima hér Menningararfur og þjóðarsjálfsmynd skiptir ekki bara marga Íslendinga máli, heldur einnig þær þjóðir sem setjast hér að en hafa yfirgefið heimalandið sitt í leit að betra lífi. Við eigum öll menningararf að heiman sem okkur þykir vænt um. Það vita þeir sem búið hafa erlendis og finna söknuðinn til gömlu ættjarðarinnar. Miklar breytingar hafa orðið hér á landi undanfarin ár. Við þurfum að staldra við og ákveða hvert við viljum stefna. Hingað kom fullt af erlendu vinnuafli til að starfa í ferðamannaiðnaði en þá þótti nóg að tala ensku. Nú er þetta sama fólk atvinnulaust og leitar að atvinnu í landi þar sem túrisminn er í dvala. Þá er meiri þörf á íslenskukunnáttu því Íslendingar vilja tala móðurmálið sitt á Íslandi. Nú eru erlendir starfsmenn ekki lengur að starfa fyrir erlenda ferðamenn heldur fyrir og með innfæddum. Þá reynir á allt aðra tungumálahæfni. Við getum alveg tekið vel á móti þessum nýju íbúum og boðið þeim fría íslenskukennslu. Hvatt þá til að læra málið okkar. Fyrirtæki eiga að sjá sóma sinn í því að styðja erlent starfsfólk til íslenskunáms. Það leynist auður í allskonar fólki. Íslensk tungumálakunnátta myndi greiða leið margra sem flytja hingað. Það er kjarni málsins; Að hjálpa fólki að aðlagast íslensku samfélagi. Tungumálið er lykillinn að tækifærum í hverju landi. Þýðir ekki að berja hausnum við stein og halda að maður komist áfram á ensku til lengdar á Íslandi eða í öðru norrænu landi. Staðreynd af fenginni reynslu en ekki fordómar! Búum til fallegt samfélag. Prófum að gera það með virðingu fyrir þjóðinni sem bjó áður í landinu. Það getur nefnilega verið erfitt fyrir marga sem aldir voru hér upp í einangruðu einsleitu eyjasamfélagi eins og Íslandi, að venjast gerbreyttu nútímasamfélagi. Til dæmis amma og afi. Sýnum þeim skilning. Komið úr felum gott fólk! Það er örugglega til fullt af góðu fólki í samfélaginu okkar sem skortir hugrekki til opinberra skrifa vegna úlfanna sem bíða í leynum eftir að fá að rífa aðra í sig. Fullt af jákvæðu fólki sem langar til að finna lausnir á þeirri stöðu sem upp er komin á Íslandi gagnvart nýjum íbúum. Fólki sem leitar eftir friði og velsæld fyrir alla íbúa landsins og er með sniðugar hugmyndir. Með kærleikann að vopni svo allir fái að njóta sín hér. Við komumst ekki hjá því að búa til nýtt Ísland, fjölmenningarsamfélag, með virðingu fyrir rótum og uppruna þjóðar sem byggði þetta land og með virðingu fyrir nýjum íbúum landsins. Gott fólk komið úr felum! Birtið fleiri uppbyggjandi greinar frá ykkur á vefmiðlum landsins. Greinar frá allskonar fólki sem hefur eitthvað fallegt fram að færa inn í samfélag okkar. Góðar hugmyndir sem stuðla að friði á milli ólíkra samfélagshópa sem búa á Íslandi í dag. Búum til gott Ísland – Gerum þetta saman! Viltu birta grein á Vísi? Sendu okkur póst. Senda grein Samfélagsmiðlar Marta Eiríksdóttir Fjölmiðlar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir Skoðun Katrín og Gunnar? Hjörtur J. Guðmundsson Skoðun Ótímabundin leyfi, ótímabundið náttúruníð Elvar Örn Friðriksson Skoðun Breiðholt brennur Eðvarð Hilmarsson Skoðun Er þetta í alvöru verðlaunaefni? Snorri Másson Skoðun Biskup í tengslum Guðrún Karls Helgudóttir Skoðun Er stóraukin lýðræðisþátttaka ekki verðlaunaefni? Einar Freyr Elínarson Skoðun Dýravelferðarmartröð af áður óþekktri stærð Benedikta Guðrún Svavarsdóttir Skoðun Það vantar vanan og áreiðanlegan mann í verkið Haraldur Ólafsson Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun Skoðun Skoðun Katrín og Gunnar? Hjörtur J. Guðmundsson skrifar Skoðun Ótímabundin leyfi, ótímabundið náttúruníð Elvar Örn Friðriksson skrifar Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar Skoðun Er stóraukin lýðræðisþátttaka ekki verðlaunaefni? Einar Freyr Elínarson skrifar Skoðun Árangur gegn verðbólgu Þórdís Kolbrún R. Gylfadóttir skrifar Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar Skoðun Hvar er híbýlaauður? Anna María Bogadóttir skrifar Skoðun Áhugaverðir tímar kalla á áhugaverðan forseta Cody Alexander Skahan skrifar Skoðun Biskup í tengslum Guðrún Karls Helgudóttir skrifar Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar Skoðun Dýravelferðarmartröð af áður óþekktri stærð Benedikta Guðrún Svavarsdóttir skrifar Skoðun Uppskera að vori Lilja Dögg Alfreðsdóttir skrifar Skoðun Er menning stórmál? Ingibjörg Ösp Stefánsdóttir skrifar Skoðun Það vantar vanan og áreiðanlegan mann í verkið Haraldur Ólafsson skrifar Skoðun Leikskólamál eru forgangsmál Hólmfríður Jennýjar Árnadóttir,Álfhildur Leifsdóttir skrifar Skoðun Himinhátt innanlandsflug Ingibjörg Isaksen skrifar Skoðun Hefur allt sem þarf Vilborg Gunnarsdóttir skrifar Skoðun Af hverju að gera rekstraráætlun? Karl Sólnes Jónsson skrifar Skoðun Norskur skammtímagróði Gunnlaugur Stefánsson skrifar Skoðun Æpandi vanþekking Hjálmar Jónsson skrifar Skoðun Mannréttindi sama hvað Arndís Anna Kristínardóttir Gunnarsdóttir skrifar Skoðun Helga Þórisdóttir og fjöregg íslenskrar þjóðar Páll Torfi Önundarson skrifar Skoðun Er þetta í alvöru verðlaunaefni? Snorri Másson skrifar Skoðun Ótímabundin ráðgjöf til ríkisstjórnar Snæbjörn Brynjarsson skrifar Skoðun Lykillinn að orkuskiptunum er úr áli Guðríður Eldey Arnardóttir skrifar Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason skrifar Skoðun „Vitum ekkert hvað við erum að gera“ Hjörtur J. Guðmundsson skrifar Skoðun Nýtt örorkukerfi – verra þeirra réttlæti Marinó G. Njálsson skrifar Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir skrifar Skoðun Þurfum við að koma Íslandi aftur á rétta braut? Diljá Mist Einarsdóttir skrifar Sjá meira
Með þessari grein ætla ég að gera tilraun til þess að fá engin skítköst í þessu blessaða „kommenta“kerfi sem væri annars svo frábært að leggja alveg niður, því ég hef grun um að það þjóni engum fallegum tilgangi, þegar upp er staðið. Þetta fyrirkomulag vefmiðlanna heldur bara aftur af jákvæðu fólki. Þeim sem langar til að skrifa opinberlega og leggja eitthvað til málanna í landinu okkar en veigra sér við því vegna þeirrar neikvæðni sem skellur á þeim að lokinni birtingu á vefmiðli. Það er annars mjög áhugavert að skoða skrif þeirra sem ráðast á aðra í „kommenta“ kerfinu og merkilegt hvað þeir taka þar mikið pláss, eru bálreiðir út í allt og alla. Fólkið dæmir sig sjálft með neikvæðum skrifum sínum og ómálefnalegri umræðu. Það er ekki þess virði að elta ólar við svoleiðis fólk. Verum góð hvert við annað. Við verðum öll að þora að fara inn í gin úlfsins; Að láta skoðun okkar í ljós á opinberum vettvangi. Íslenskt samfélag þarf á jákvæðu fólki að halda. Það er ekki gott ef þeir sem vilja vel, þora ekki að tala af ótta við að vera kallaðir fasistar, rasistar, nasistar, forréttindapíkur eða bara hálfvitar. Þá velja nú flestir að sleppa því að tjá sig opinberlega og lifa frekar áfram í friði í sínum innsta hring. En við þurfum að fá að heyra í fleiru jákvæðu fólki, fá bylgju jákvæðni inn í samfélagið okkar. Ekki veitir af. Verum málefnaleg því þá er hlustað Margar ólíkar skoðanir auðga mannlíf okkar og við þurfum ekki að vera sammála um allt. Viðrum hugsanir okkar. Sjáum hvað hinir hafa fram að færa og fáum þannig nýjar hugmyndir, jafnvel leiðir til lausna. Það kemur ekkert gott út úr því þegar „kommenta“ kerfið er stútfullt af persónulegum árásum, niðurrifi og tómri vitleysu! Engum finnst þægilegt að láta kalla sig öllum illum nöfnum á opinberum vettvangi. Ég tek hattinn ofan fyrir þeim sem fara í þingmennsku! Við megum ekki láta neikvæðu öflin hafa vinninginn í þessu landi eða leyfa þeim að þagga niður í alls konar góðum hugmyndum. Landið okkar er á tímamótum. Hvernig við spilum úr stöðunni sem upp er komin núna, leiðir börn þessa lands inn í farsæla framtíð eða vansæla. Við viljum öll kenna börnum okkar að meta fólk eftir hjartalagi en ekki uppruna. Breytingar um alla jörð Heimurinn er að breytast og fólk er að flytja á milli landa. Það tekur á fyrir alla og krefst sveigjanleika og aðlögunarhæfni. Ég veit hvernig það er að búa í erlendu landi og vera atvinnulaus. Það er ekki létt. Íslendingar eru að fá nýja innspýtingu fólks af erlendu bergi sem auðgar mannlífið ef rétt er á málum haldið. Íslensk tunga er þjóðtunga Íslands, það er menningararfur Íslendinga. Ákveðnir töfrar liggja í þessu eldgamla víkingamáli. Já það er krefjandi að læra það. En mjög spennandi að kunna það segja mér erlendir vinir mínir sem æfa sig í að tjá sig á íslensku en ekki á ensku. Þannig komast þeir betur inn í samfélagið, skilja kerfið betur hér og geta bjargað sér. Ísland hefur alla burði til að vera draumaland því hér er gott að búa. Við eigum öll heima hér Menningararfur og þjóðarsjálfsmynd skiptir ekki bara marga Íslendinga máli, heldur einnig þær þjóðir sem setjast hér að en hafa yfirgefið heimalandið sitt í leit að betra lífi. Við eigum öll menningararf að heiman sem okkur þykir vænt um. Það vita þeir sem búið hafa erlendis og finna söknuðinn til gömlu ættjarðarinnar. Miklar breytingar hafa orðið hér á landi undanfarin ár. Við þurfum að staldra við og ákveða hvert við viljum stefna. Hingað kom fullt af erlendu vinnuafli til að starfa í ferðamannaiðnaði en þá þótti nóg að tala ensku. Nú er þetta sama fólk atvinnulaust og leitar að atvinnu í landi þar sem túrisminn er í dvala. Þá er meiri þörf á íslenskukunnáttu því Íslendingar vilja tala móðurmálið sitt á Íslandi. Nú eru erlendir starfsmenn ekki lengur að starfa fyrir erlenda ferðamenn heldur fyrir og með innfæddum. Þá reynir á allt aðra tungumálahæfni. Við getum alveg tekið vel á móti þessum nýju íbúum og boðið þeim fría íslenskukennslu. Hvatt þá til að læra málið okkar. Fyrirtæki eiga að sjá sóma sinn í því að styðja erlent starfsfólk til íslenskunáms. Það leynist auður í allskonar fólki. Íslensk tungumálakunnátta myndi greiða leið margra sem flytja hingað. Það er kjarni málsins; Að hjálpa fólki að aðlagast íslensku samfélagi. Tungumálið er lykillinn að tækifærum í hverju landi. Þýðir ekki að berja hausnum við stein og halda að maður komist áfram á ensku til lengdar á Íslandi eða í öðru norrænu landi. Staðreynd af fenginni reynslu en ekki fordómar! Búum til fallegt samfélag. Prófum að gera það með virðingu fyrir þjóðinni sem bjó áður í landinu. Það getur nefnilega verið erfitt fyrir marga sem aldir voru hér upp í einangruðu einsleitu eyjasamfélagi eins og Íslandi, að venjast gerbreyttu nútímasamfélagi. Til dæmis amma og afi. Sýnum þeim skilning. Komið úr felum gott fólk! Það er örugglega til fullt af góðu fólki í samfélaginu okkar sem skortir hugrekki til opinberra skrifa vegna úlfanna sem bíða í leynum eftir að fá að rífa aðra í sig. Fullt af jákvæðu fólki sem langar til að finna lausnir á þeirri stöðu sem upp er komin á Íslandi gagnvart nýjum íbúum. Fólki sem leitar eftir friði og velsæld fyrir alla íbúa landsins og er með sniðugar hugmyndir. Með kærleikann að vopni svo allir fái að njóta sín hér. Við komumst ekki hjá því að búa til nýtt Ísland, fjölmenningarsamfélag, með virðingu fyrir rótum og uppruna þjóðar sem byggði þetta land og með virðingu fyrir nýjum íbúum landsins. Gott fólk komið úr felum! Birtið fleiri uppbyggjandi greinar frá ykkur á vefmiðlum landsins. Greinar frá allskonar fólki sem hefur eitthvað fallegt fram að færa inn í samfélag okkar. Góðar hugmyndir sem stuðla að friði á milli ólíkra samfélagshópa sem búa á Íslandi í dag. Búum til gott Ísland – Gerum þetta saman!
Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun
Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar
Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar
Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar
Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason skrifar
Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir skrifar
Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun