Innlent

Arnar fyrsti karl­maðurinn til að gegna stöðu fram­kvæmda­stjóra­

Eiður Þór Árnason skrifar
Formaður Heimilis og skóla segir að á vissan hátt sé brotið blað í sögu samtakanna með ráðningu Arnars.
Formaður Heimilis og skóla segir að á vissan hátt sé brotið blað í sögu samtakanna með ráðningu Arnars. Samsett

Stjórn Heimilis og skóla, lands­sam­taka for­eldra hefur ráðið Arnar Ævarsson í starf framkvæmdastjóra samtakanna. Hann tekur við starfinu af Hrefnu Sigurjónsdóttur sem gegnt hefur starfi framkvæmdastjóra síðastliðin tíu ár.

Fram kemur í tilkynningu frá samtökunum að Arnar hafi víðtæka reynslu á vettvangi skóla-, frístunda- og forvarnarmála og unnið á þeim vettvangi meira og minna frá árinu 1991. Síðastliðin ár hefur hann starfað við ráðgjöf og greiningar er varða umbætur í skólastarfi og komið að bæði innra og ytra mati grunnskóla, nú síðast fyrir skóla- og frístundasvið Reykjavíkurborgar.

Arnar útskrifaðist úr kennslufræði (B.Ed ) frá Kennaraháskóla Íslands og lauk í framhaldi M.Sc í kennslufræði með áherslu á skilvirkni og stefnumótun frá Háskólanum í Groningen í Hollandi. Hann er einnig með M.Sc í mannauðsstjórnun frá Háskóla Íslands.

Margir haft áhuga á starfinu

„Stjórn Heimilis og skóla býður Arnar velkominn til starfa og þakkar jafnframt Hrefnu fyrir ómetanlegt starf í þágu samtakanna síðastliðinn áratug og óskar henni alls hins besta á nýjum vettvangi,“ segir í tilkynningu.

Þá er haft eftir Sigrúnu Eddu Eðvarðsdóttur, formanni Heimilis og skóla, að margir hafi sýnt starfi framkvæmdastjóra áhuga. Með ráðningu Arnars sé á vissan hátt brotið blað í sögu samtakanna þar sem hann sé fyrsti karlmaðurinn til að gegna stöðu framkvæmdastjóra Heimilis og skóla í tæplega 29 ára sögu þeirra.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.