Erlent

Kalla Pompeo rottu og saka hann um að skemma samskipti Kína og Bandaríkjanna

Samúel Karl Ólason skrifar
Mike Pompeo, fyrrverandi utanríkisráðherra Bandaríkjanna.
Mike Pompeo, fyrrverandi utanríkisráðherra Bandaríkjanna. AP/Jacquelyn Martin

Ráðamenn í Kína segja Mike Pompeo, fyrrverandi utanríkisráðherra Bandaríkjanna, hafa lagt stein í götu Kommúnistaflokks Kína og nýrrar ríkisstjórnar Joe Bidens. Það hafi hann gert með því að saka yfirvöld Kína um þjóðarmorð gegn Úígúrum í Xinjianghéraði.

Þann 19. janúar, á síðasta degi ríkisstjórnar Donalds Trump, sakaði Pompeo Kínverja um þjóðarmorð. Anthony Blinken, utanríkisráðherra Bidens, hefur sagst sammála Pompeo.

Sjá einnig: Sakar Kín­verja um þjóðar­morð daginn fyrir stjórnar­skiptin

Kínverjar hafa í nokkur ár verið sakaðir af mannréttindasamtökum og Sameinuðu þjóðunum um að reka fangabúðir í Xinjiang héraði og að þar hafi hundruð þúsunda Úígúra og aðrir múslimar sætt pyntingum, þrælkunarvinnu, heilaþvætti og jafnvel geldingum.

Á nokkrum árum hefur héraðið farið úr því að vera með fæðingartíðni sem er með þeim hæstu í Kína, í það að vera meðal þeirra héraða sem eru með lægsta fæðingartíðni.

Ríkið hefur verið sakað um að þvinga konu í fóstureyðingar og ef konur eiga mörg börn eru þær sendar í þessar búðir.

Yfirvöld í Kína hafa þó lýst búðunum sem endurmenntunar- og starfsþjálfunarbúðum.

AP fréttaveitan hefur eftir talsmanni Kommúnistaflokksins í Xinjiang, sem tók nýverið þátt í blaðamannafundi, að með yfirlýsingu sinni hafi Pompeo verið verið að leggja jarðsprengjur í viðræður Kína og Biden-liða. Lýsti hann yfirlýsingu Pompeo sem lygi aldarinnar.

Kallaði hann, og aðrir, Pompeo rottu og versta utanríkisráðherra í sögunni.

Frá blaðamannafundinum umrædda. Embættismenn sem þar komu fram skiptust á að hafna ásökunum um slæma meðferð á Úígúrum, sem Kínverjar hafa lengi verið sakaðir um.AP/ANdy Wong

Samkvæmt fréttaveitunni tók þessi blaðamannafundur um tvær klukkustundir og er honum lýst á þann veg að þétt hafi verið haldið um taumana þar. Talsmaðurinn og aðrir skiptust þar á að neita ásökunum um þrælkunarvinnu, geldingar og annað.

Sjá einnig: Ofsóttir Úígúrar sagðir í nauðungarvinnu fyrir vestræn vörumerki

AP segir ríkissjórn Bidens vera að móta stefnu gagnvart Kína, sem margir greinendur sjái sem helsta keppinaut Bandaríkjanna um þessar mundir. Útlit sé þó fyrir að Biden muni ekki láta af þeim þrýstingi sem Trump hefur beitt gegn Kína á undanförnum árum.Eftir blaðamannafundinn, neituðu þeir sem tóku þátt í honum að veita frekari upplýsingar um sig eða upplýsingar um hvernig hægt væri að ræða frekar við þau.


Tengdar fréttir

„Sjálfstæði Taívans þýðir stríð“

Yfirvöld Kína hafa hert orðræðu sína gagnvart Taívan töluvert. Í dag varaði talsmaður varnarmálaráðuneytis Kína við því að ef ráðamenn í Taívan lýstu yfir sjálfstæði, þýddi það stríð milli ríkjanna.

Halda heræfingar og vara við köldu stríði

Yfirvöld í Kína opinberuðu í morgun að til stæði að halda heræfingar í Suður-Kínahafi í vikunni. Það er í kjölfar þess að Bandaríkjamenn sigldu flugmóðurskipi og öðrum herskipum í gegnum hafsvæðið umdeilda sem Kínverjar gera tilkall til. Þá varar Xi Jinping, forseti Kína, við nýju köldu stríði.

Ný átök á landa­mærum Kína og Ind­lands

Aftur hefur komið til átaka milli indverskra og kínverskra hersveita við landamæri ríkjanna. Bæði indverskir og kínverskir hermenn eru sagðir hafa særst í átökunum að því er fram kemur í indverskum fjölmiðlum.

Beita óhefðbundnum hernaði gegn Taívan

Í október höfðu hernaðaryfirvöld Taívan sent orrustuþotur til móts við kínverskar orrustuþotur og sprengjuflugvélar alls 2.972 sinnum á árinu. Frá október 2019 til október í ár hefur flugherinn þurft að sinna alls 4.132 verkefnum, séu þjálfunarflug talin með. Þetta er 129 prósenta aukning miðað við sama tímabil 2018-2019.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.