Tíska og hönnun

Notar alltaf primer svo förðunin endist út daginn

Sylvía Rut Sigfúsdóttir skrifar
Áslaug Arna Sigurbjörnsdóttir dómsmálaráðherra er gestur í nýjasta þættinum af Snyrtiborðið með HI beauty. Þættirnir eru sýndir hér á Vísi alla miðvikudaga.
Áslaug Arna Sigurbjörnsdóttir dómsmálaráðherra er gestur í nýjasta þættinum af Snyrtiborðið með HI beauty. Þættirnir eru sýndir hér á Vísi alla miðvikudaga. HI beauty

„Venjulega þegar ræktin er opin þá byrja ég þar og kem svo hingað heim og græja mig eldsnöggt út og fer á fyrsta fund dagsins sem byrjar oftast ekki seinna en níu, stundum aðeins fyrr.“

Áslaug Arna Sigurbjörnsdóttir dómsmálaráðherra sparar sér tíma á morgnanna með því að nota hárblásara sem þurrkar hárið gerir liði og krullur í það á sama tíma. Áslaug sýndi frá þessu og sagði frá sínum uppáhalds hárvörum og förðunarvörum í nýjasta þættinum af Snyrtiborðið með HI beauty.

Ingunn Sig og Heiður Ósk heimsóttu Áslaugu Örnu á heimili hennar fyrir vinnu og fylgdust með henni gera sig til fyrir daginn. Í þættinum gefur dómsmálaráðherrann innsýn í hefðbundinn dag í starfinu.

„Dagarnir eru mjög fjölbreyttir og enginn dagur eins.“

Hún viðurkennir að vinnudagarnir séu flestir langir en samt skemmtilegir.

Hægt er að horfa á þáttinn í heild sinni í spilaranum hér fyrir neðan.

Klippa: Snyrtiborðið - Áslaug Arna

Sólarpúður á augun

Lykillinn á bakvið förðun Áslaugar, er að hún þarf að endast vel yfir allan daginn.

„Þetta er yfirleitt ekki mjög flókið hjá mér. Ég byrja á að nota einhvern primer undir meikið svo það haldist nú á til kvölds þar sem maður er oft í vinnunni eitthvað fram eftir.“

Áslaug notar olíulausan farða og hyljara þar sem hún á það til að verða glansandi í framan.

„Ég nota sólarpúður frá Bobby Brown og þegar ég er að flýta mér mjög mikið þá nota ég það líka sem augnskugga,“ viðurkennir Áslaug. Púðrið er matt og hentar því líka einstaklega vel til að skyggja aðeins augnsvæðið.

Reynir að bæta húðumhirðuna

„Ég er að reyna að bæta mig í því,“ segir Áslaug þegar hún er spurð út í húðumhirðu.

„Ég var ekkert mjög dugleg við það framan af en ég er að reyna að bæta mig, hreinsa hana betur áður en ég fer að sofa og passa að halda rakanum. Ég er með svolítið blandaða húð svo hún verður þurr í kuldanum.“

Áslaug Arna notar meðal annars maska, rakagel og næturserum til að dekra við húðina. Hún upplifir ekki pressu varðandi útlitið sem opinber persóna, en segist vilja vera vel til höfð og bera virðingu fyrir því sem hún er að gera.

Krullar hárið daglega

Dómsmálaráðherran er með þykkt hár en er einstaklega hársár.

„Það sem bjargar mér er að nota góða olíu þegar það er blautt.“

Hún krullar hárið nánast alla daga, sem getur tekið tímann sinn svo hún fann leið til þess að minnka fyrirhöfnina og flýta fyrir sér.

„Ég á geggjaðasta tæki sem ég hef kynnst og það er Dyson hárgræja. Það hefur sparað mér mjög mikinn tíma því þá get ég þurrkað það og krullað það á sama tíma.“


Tengdar fréttir

Elskar góðan blástur enda níræð inn við beinið

„Það er rosalega gaman ef það eru förðunarfræðingar á setti og svona en alla jafna þá geri ég þetta mjög mikið sjálf,“ segir matgæðingurinn og fjölmiðlakonan Eva Laufey Kjaran.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.