Aftur logar í þaki hússins við Kaldasel

Sylvía Hall skrifar 25. janúar 2021 20:28

Eldur er aftur kominn upp í þaki hússins sem varð alelda í morgun. Húsið er í Kaldaseli í Seljahverfi í Breiðholti, en mikill eldur kom upp í húsinu í morgun og varð altjón eftir brunann.

„Það logar vel úr þakinu,“ segir varðstjóri hjá slökkviliðinu á höfuðborgarsvæðinu í samtali við Vísi. Allar stöðvar voru sendar á vettvang eftir að eldurinn kom upp.

Slökkvilið þurfti að rjúfa þakið á nokkrum stöðum og voru reykkafarar að störfum inni í húsinu í morgun.

Hér að neðan má sjá myndband frá vettvangi í kvöld.

Klippa: Eldur í húsi við Kaldasel

Einn var í húsinu þegar eldurinn kom upp snemma í morgun, en honum tókst að komast út og var fluttur á slysadeild. Hann var svo útskrifaður af slysadeild í morgun.

Uppfært klukkan 21:09: Slökkvistarf stendur enn yfir og er búist við því að það geti tekið allt að klukkustund til viðbótar.

Slökkvilið Reykjavík

Tengdar fréttir

Íbúinn útskrifaður af slysadeild

Altjón varð þegar eldur kom upp í einbýlishúsi við Kaldasel snemma í morgun. Varðstjóri telur að eldurinn hafi verið búinn að malla lengi því efri hluti hússins hafi verið nánast alelda. Einn íbúi var fluttur á slysadeild með reykeitrun. Hann hefur verið útskrifaður.

25. janúar 2021 11:48

Svona voru aðstæður í Kaldaseli í morgun

Slökkvistarfi er nú að ljúka við einbýlishús í Kaldaseli sem varð miklum eldi að bráð í morgun. Samkvæmt upplýsingum frá slökkviliði höfuðborgarsvæðisins er dagvaktin nú tekin við af næturvaktinni sem fór fyrst á vettvang í morgun.

25. janúar 2021 10:30

„Húsið var í rauninni alelda þegar við komum“

Slökkvilið höfuðborgarsvæðisins sinnir nú útkalli í Seljahverfi í Breiðholti þar sem einbýlishús í Kaldaseli varð alelda í morgun. Altjón virðist hafa orðið í brunanum. Um er að ræða 240 fermetra einbýlishús.

25. janúar 2021 06:55

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir