Innlent

John Snorri leggur af stað á toppinn

Elín Margrét Böðvarsdóttir skrifar
John Snorri og samferðamenn hans stefna á að ná toppi K2 á mánudaginn.
John Snorri og samferðamenn hans stefna á að ná toppi K2 á mánudaginn. Facebook

Fjallgöngugarpurinn John Snorri Sigurjónsson er að leggja af stað á K2 í dag og er stefnan sett á toppinn. John Snorri greinir frá því á Facebook í dag að hann stefni á að leggja af stað klukkan níu að kvöldi að staðartíma í Pakistan, eða núna klukkan fjögur að íslenskum tíma.

Hópurinn frestaði för sinni lengra upp fjallið um síðustu helgi þegar Bandaríkjamaðurinn Alex Goldfarb týndist og fannst síðar látinn.

John Snorri og föruneyti hans stefnir að því að ná toppnum um klukkan níu á mánudagsmorgun, 25. Janúar. „Leiðin upp verður gríðarlega mikil áskorun, við stefnum á að ná C3 um hádegi á sunnudag, hvíla okkur í smá stund og halda svo áfram leið okkar á toppinn klukkan 18:00,“ segir í færslunni sem birtist á Facebook-síðu hans nú síðdegis.

„Vonandi gengur allt samkvæmt áætlun og að förin á toppinn verði árangursrík. Við erum öll spennt og tilbúin þetta verkefni.“



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.