Innlent

Tvö innanlandssmit í gær

Sunna Kristín Hilmarsdóttir skrifar
Bólusetning gegn Covid-19 heldur áfram í þessari viku.
Bólusetning gegn Covid-19 heldur áfram í þessari viku. Vísir/Vilhelm

Alls greindust tveir með kórónuveiruna innanlands í gær. Báðir voru þeir í sóttkví við greiningu.

Þetta kemur fram í uppfærðum tölum á covid.is. Þá greindust fjórir á landamærunum. Einn þeirra reyndist vera með mótefni og beðið er eftir niðurstöðu mótefnamælingar hjá hinum þremur.

Nýgengi innanlandssmita er nú 15,5 og nýgengi landamærasmita 25,4. Alls eru 149 manns í sóttkví og 127 í einangrun. 1.204 eru í skimunarsóttkví og tuttugu manns eru nú á sjúkrahúsi.

713 einkennasýni voru tekin innanlands, 273 sýni voru tekin í landamæraskimun og 39 sýni í sóttkvíar- og handahófsskimun.

Á sunnudag greindust fjórir með veiruna innanlands. Tveir voru í sóttkví og tveir utan sóttkvíar. Þá var nýgengi innanlandssmita 16,1 og nýgengi landamærasmita 26,2.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×