Stórleikir í handboltanum í dag

Þrír leikir eru á dagskrá í Norður-riðli DHL deildarinnar í handbolta karla í dag og eru línur að skýrast með hvaða lið tryggja sér sæti í úrvalsdeildinni. Fram sem er í mikilli baráttu við Þór Ak. um fjórða sætið fer í heimsókn til HK í Digranesi. HK er í 3. sæti, þremur stigum á undan Fram þegar bæði lið eiga tvo leiki eftir. Topplið Hauka fær Þór Ak í heimsókn í Hafnarfjörðinn og botnlið FH og Aftureldingar eigast við í Hafnarfirði en hvorugt liðanna á möguleika á að komast áfram. Allir leikirnir hefjast kl 16.15. Í körfunni eru tveir leikir á dagskrá í 1. deild karla. Breiðablik tekur á móti Þór Ak og Stjarnan mætir Hetti. Báðir leikirnir hefjast kl. 16.00.