Albert æfir með Arsenal

Knattspyrnumaðurinn ungi, Albert Guðmundsson, er mættur til æfinga hjá enska stórliðinu Arsenal. Albert er aðeins fimmtán ára gamall og æfir hjá KR.

Hann er af miklu knattspyrnukyni í báðar ættir, en foreldrar hans eru Guðmundur Benediktsson og Kristbjörg Ingadóttir, og fylgdi pabbinn syninum út.

Þrátt fyrir ungan aldur er þetta í annað skiptið sem Alberti er boðið til æfinga hjá Arsenal. Hann er ekki sá fyrsti í fjölskyldunni til að tengjast stórliðinu því langafi hans og nafni, Albert Guðmundsson, lék tvo leiki með Arsenal haustið 1946.