Afskaplega ástfangin

Angelinu Jolie og Brad Pitt er ætlað að eyða ævinni saman ef marka má orð vinar þeirra, skartgripahönnuðarins Roberts Procop. Hann hannaði trúlofunarhring Jolie og hefur þekkt parið í nokkur ár.

„Þau vissu frá upphafi að þeim var ætlað að eyða ævinni saman. Þó sambandið hafi verið fullt af spennu til að byrja með þá hafa þau þroskast í traust par sem sinnir fjölskyldu sinni fyrst. Það er dásamlegt að sjá hversu ástfangin þau eru. Þau eru yndislegt fólk sem dregur fram það besta í hvort öðru og þegar maður er með þeim finnur maður fyrir þessari sterku ást,“ sagði Procop í viðtali við US Weekly.