Banderas búinn að jafna sig á hjartaáfallinu

Spænski leikarinn Antonio Banderas segir að hann sé búinn að ná sér eftir hjartaáfall sem hann fékk í janúar. Í viðtali við spænska fjölmiðla segir hann áfallið ekki hafa verið alvarlegt og ekki valdið varanlegum skaða.

Banderas, sem er 56 ára gamall, fékk hjartaáfall 26. janúar og segist síðan hafa farið í aðgerð þar sem stoðneti var komið fyrir í slagæðum samkvæmt frétt AP-fréttastofunnar.

Spánverjinn hefur leikið í fjölda mynda, þar á meðal „Fíladelfíu“ og „Stígvélaða kettinum“.