Álasund hafði betur í Íslendingaslagnum

Fjórir íslenskir leikmenn komu við sögu þegar Álasund sóttu Molde heim í norsku úrvalsdeildinni í knattspyrnu.

Björn Bergmann Sigurðarson var í byrjunarliði Molde og þeir Adam Örn Arnarson og Daníel Leó Grétarsson voru í byrjunarliði Álasund. Óttar Magnús Karlsson kom inn á sem varamaður hjá Molde á 64. mínútu.

Leikurinn endaði með 1-0 sigri Álasund. Markið skoraði Mostafa Abdellaoue á 45. mínútu.

Álasund fór upp að hlið Molde með sigrinum. Bæði lið eru með 11 stig eftir 7 leiki en markatala Molde er örlítið betri.