Aðgerðir í þágu viðkvæmra hópa, fyrirtækja og einkarekinna fjölmiðla meðal annars til skoðunar í næsta aðgerðapakka Elín Margrét Böðvarsdóttir skrifar 18. apríl 2020 20:06 Aðgerðir í þágu viðkvæmra hópa, fyrirtækja og einkarekinna fjölmiðla eru meðal þess sem er til skoðunar í næsta aðgerðapakka ríkisstjórnarinnar. Seðlabankastjóri segir tíðinda að vænta frá bankanum á næstunni. Stjórnarandstaðan kallar eftir auknu samráði. Stjórnvöld hafa lítið viljað gefa upp um hvað nákvæmlega muni felast í næsta aðgerðapakka sem til stendur að kynna á þriðjudaginn. Samkvæmt heimildum fréttastofu, og með tilliti til þess sem þegar hefur komið fram, má vænta þess að næsti pakki muni meðal annars fela í sér aðgerðir í þágu nýsköpunar, lítilla- og meðalstórra fyrirtækja, og aðgerðir til að mæta tekjufalli þeirra sem ekki hafa mátt sinna starfsemi vegna samkomubanns. Þá munu vera til skoðunar sértækar aðgerðir í þágu einkarekinna fjölmiðla. Hafa ber þó í huga að margt kann að breytast á næstu dögum þar til næstu aðgerðir verða kynntar enda vinna við aðgerðirnar enn í fullum gangi. Bjarni Benediktsson, fjármála- og efnahagsráðherra.Vísir/Vilhelm „Það sem að hentar þeim aðstæðum sem eru að birtast okkur. Það eru alls konar fyrirtæki sem að geta ekki treyst á úrræðin sem að þegar hafa verið kynnt og við þurfum þá að fylla upp í skörðin sem að eru í aðgerðaáætlun okkar fyrri og það var alveg fyrirséð,“ segir Bjarni Benediksson, fjármála- og efnahagsráðherra. „Svo erum við að reyna að horfa til framtíðar og halda áfram með þá hugsun sem var í fyrsta aðgerðapakkanum og spyrja okkur hvað viljum við efla í landinu okkar á svona tímum, hvað er það sem getur skotið rótum til framtíðar og reynst mikilvægt í verðmætasköpun fyrir þjóðarbúið.“ Ásmundur Einar Daðason, félags- og barnamálaráðherra, segir að jafnframt sé verið að horfa til ýmissa viðkvæmra hópa. „Það er verið að fara yfir svona félagslegar áherslur, hvað lýtur að viðkvæmum hópum, málefnum barna í viðkvæmri stöðu. Við höfum verið líka verið að skoða hópa sem hafa verið að einhverju leyti að falla á milli kerfa þannig að það verður svona eitt og annað,“ segir Ásmundur. Ásmundur Einar Daðason, félags- og barnamálaráðherra.Vísir/Egill „Ég ítreka þó að þetta verður ekki, þó að þetta sé pakki númer tvö þá verður þetta ekki seinasti pakkinn, það mun þurfa fleiri félagslegar aðgerðir í málefnum heimilanna sérstaklega þegar við sjáum núna atvinnuleysi vera að aukast.“ Seðlabankinn kemur hugsanlega að næstu aðgerðum Í gær var gengið frá samkomulagi milli Seðlabankans og fjármála- og efnahagsráðuneytisins hvað lýtur að viðbótarlánum lánastofnana til fyrirtækja. Þá verður líklega tíðinda að vænta frá Seðlabankanum á næstunni. „Þetta er í rauninni samkomulag sem að Seðlabankinn gerir við fjármálaráðuneytið um að greiða út pening, allt að 50 milljörðum til bankanna með ríkisábyrgð og bankarnir eiga síðan að verja þessum peningum til lána til fyrirtækja sem að einhverju leyti eru lífvænleg en eiga í einhverjum rekstrarvanda,“ segir Ásgeir Jónsson seðlabankastjóri. Nú þegar samkomulag við ráðuneytið liggur fyrir þarf Seðlabankinn í framhaldinu að semja við viðskiptabankana. „Við þurfum að setja einhverjar skýrar línur við bankana um það hvernig þessum fjármunum verður varið eða hvernig þeir verða lánaðir út,“ segir Ásgeir. Sjá einnig: Seðlabankinn eykur aðgang fjármálafyrirtækja að lausafé Bankarnir koma síðan með peninga á móti en gert er ráð fyrir að bankarnir fjármagni um 70% og ríkið 30%. „Við munum þá sameiginlega með bönkunum setja þá upp skilyrði um hvernig þessum peningum verður varið. Af því að við viljum í sjálfu sér setja fremur stíf skilyrði um það að það sé alveg öruggt að þessir fjármunir fari á rétta staði. Ég geri ráð fyrir að við reynum að ljúka þessu í þessum mánuði,“ segir Ásgeir. Ásgeir Jónsson seðlabankastjóri.Vísir/Vilhelm Spurður hvort frekari tíðinda sé að vænta frá Seðlabankanum á næstunni segir Ásgeir svo vera. Líkt og áður hafi komið fram muni bankinn bregðast við ástandinu og nýta þau stjórntæki sem hann býr yfir eftir því sem þykir henta hverju sinni. „Það sem við erum að fara að gera er að við erum að fara að útfæra kaup á ríkisskuldabréfum sem við í rauninni lýstum yfir fyrir páska en við erum þá að fara að koma með nánari útfærslu á hvernig við förum að því. Það getur líka verið að Seðlabankinn taki þátt í þessum seinni aðgerðapakka líka hjá ríkisstjórninni,“ nefnir Ásgeir sem dæmi. „Það er mjög mikilvægt í svona aðgerðum að taka ekki of mikið í einu, reyna fyrst að koma þeim hlutum í framkvæmd sem hefur verið lýst yfir og athuga hvernig þeir ganga áður en við stígum næstu skref. Eins og ég hef sagt að þá höfum við ennþá mjög mörg spil uppi í erminni,“ segir Ásgeir. Frekari vaxtalækkun sé til dæmis eitt af þeim spilum sem bankinn eigi uppi í erminni. Segir vont að stjórnarandstöðunni sé ekki hleypt að Stjórnarandstaðan hefur kallað eftir því að aukið samráð sé haft við hana við undirbúning aðgerða stjórnvalda. Logi Einarsson, formaður Samfylkingarinnar, segir miður að stjórnarandstaðan fái ekki tækifæri til að koma að undirbúningi aðgerða. Logi Einarsson, formaður Samfylkingarinnar.Vísir/Vilhelm „Við hefðum talið að við þessar ótrúlega skrýtnu aðstæður að þá þyrftu öll öfl og allir þingmenn og stjórnmálaflokkar að koma að til að við tryggjum að aðgerðirnar nái til allra og að við getum líka farið að móta einhvers konar viðspyrnu til lengri framtíðar, líka eftir að þessu kjörtímabili lýkur,“ segir Logi. „Það hefur ekki verið vilji ríkisstjórnarinnar og við það verðum við að búa en það er hins vegar ótrúlega vont vegna þess að við munum taka við málunum inni í þinginu og í nefndum og þá er bara vont að sjá ekki heildarmyndina og þekkja ekki bakgrunninn.“ Efnahagsmál Seðlabankinn Faraldur kórónuveiru (COVID-19) Alþingi Ríkisstjórn Katrínar Jakobsdóttur Félagsmál Fjölmiðlar Mest lesið Ekki séð neitt þessu líkt á sínum fjörutíu ára ferli Innlent Er við góða líkamlega heilsu en heilinn að „bregðast honum“ Erlent Kynna drög að nýrri stefnu í heilbrigðismálum Innlent Málafjöldi tvöfaldast milli ára: „Hálfur milljarður farinn nú þegar“ Innlent Málverk stolið af nasistum fannst í argentínskri fasteignaauglýsingu Erlent Kallar bandarískan erindreka á teppið vegna Grænlandsmála Erlent Fundu steinaldarbyggð í Árósaflóa sem fór undir sjó eftir ísöld Erlent Minntust þess ekki að hafa brennt tösku fyrir Stefán Blackburn Innlent 50 prósenta tollar á indverskar vörur taka gildi í Bandaríkjunum Erlent Vilja halda leiðbeinandanum áfram bak við lás og slá Innlent Fleiri fréttir Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Sjá meira
Aðgerðir í þágu viðkvæmra hópa, fyrirtækja og einkarekinna fjölmiðla eru meðal þess sem er til skoðunar í næsta aðgerðapakka ríkisstjórnarinnar. Seðlabankastjóri segir tíðinda að vænta frá bankanum á næstunni. Stjórnarandstaðan kallar eftir auknu samráði. Stjórnvöld hafa lítið viljað gefa upp um hvað nákvæmlega muni felast í næsta aðgerðapakka sem til stendur að kynna á þriðjudaginn. Samkvæmt heimildum fréttastofu, og með tilliti til þess sem þegar hefur komið fram, má vænta þess að næsti pakki muni meðal annars fela í sér aðgerðir í þágu nýsköpunar, lítilla- og meðalstórra fyrirtækja, og aðgerðir til að mæta tekjufalli þeirra sem ekki hafa mátt sinna starfsemi vegna samkomubanns. Þá munu vera til skoðunar sértækar aðgerðir í þágu einkarekinna fjölmiðla. Hafa ber þó í huga að margt kann að breytast á næstu dögum þar til næstu aðgerðir verða kynntar enda vinna við aðgerðirnar enn í fullum gangi. Bjarni Benediktsson, fjármála- og efnahagsráðherra.Vísir/Vilhelm „Það sem að hentar þeim aðstæðum sem eru að birtast okkur. Það eru alls konar fyrirtæki sem að geta ekki treyst á úrræðin sem að þegar hafa verið kynnt og við þurfum þá að fylla upp í skörðin sem að eru í aðgerðaáætlun okkar fyrri og það var alveg fyrirséð,“ segir Bjarni Benediksson, fjármála- og efnahagsráðherra. „Svo erum við að reyna að horfa til framtíðar og halda áfram með þá hugsun sem var í fyrsta aðgerðapakkanum og spyrja okkur hvað viljum við efla í landinu okkar á svona tímum, hvað er það sem getur skotið rótum til framtíðar og reynst mikilvægt í verðmætasköpun fyrir þjóðarbúið.“ Ásmundur Einar Daðason, félags- og barnamálaráðherra, segir að jafnframt sé verið að horfa til ýmissa viðkvæmra hópa. „Það er verið að fara yfir svona félagslegar áherslur, hvað lýtur að viðkvæmum hópum, málefnum barna í viðkvæmri stöðu. Við höfum verið líka verið að skoða hópa sem hafa verið að einhverju leyti að falla á milli kerfa þannig að það verður svona eitt og annað,“ segir Ásmundur. Ásmundur Einar Daðason, félags- og barnamálaráðherra.Vísir/Egill „Ég ítreka þó að þetta verður ekki, þó að þetta sé pakki númer tvö þá verður þetta ekki seinasti pakkinn, það mun þurfa fleiri félagslegar aðgerðir í málefnum heimilanna sérstaklega þegar við sjáum núna atvinnuleysi vera að aukast.“ Seðlabankinn kemur hugsanlega að næstu aðgerðum Í gær var gengið frá samkomulagi milli Seðlabankans og fjármála- og efnahagsráðuneytisins hvað lýtur að viðbótarlánum lánastofnana til fyrirtækja. Þá verður líklega tíðinda að vænta frá Seðlabankanum á næstunni. „Þetta er í rauninni samkomulag sem að Seðlabankinn gerir við fjármálaráðuneytið um að greiða út pening, allt að 50 milljörðum til bankanna með ríkisábyrgð og bankarnir eiga síðan að verja þessum peningum til lána til fyrirtækja sem að einhverju leyti eru lífvænleg en eiga í einhverjum rekstrarvanda,“ segir Ásgeir Jónsson seðlabankastjóri. Nú þegar samkomulag við ráðuneytið liggur fyrir þarf Seðlabankinn í framhaldinu að semja við viðskiptabankana. „Við þurfum að setja einhverjar skýrar línur við bankana um það hvernig þessum fjármunum verður varið eða hvernig þeir verða lánaðir út,“ segir Ásgeir. Sjá einnig: Seðlabankinn eykur aðgang fjármálafyrirtækja að lausafé Bankarnir koma síðan með peninga á móti en gert er ráð fyrir að bankarnir fjármagni um 70% og ríkið 30%. „Við munum þá sameiginlega með bönkunum setja þá upp skilyrði um hvernig þessum peningum verður varið. Af því að við viljum í sjálfu sér setja fremur stíf skilyrði um það að það sé alveg öruggt að þessir fjármunir fari á rétta staði. Ég geri ráð fyrir að við reynum að ljúka þessu í þessum mánuði,“ segir Ásgeir. Ásgeir Jónsson seðlabankastjóri.Vísir/Vilhelm Spurður hvort frekari tíðinda sé að vænta frá Seðlabankanum á næstunni segir Ásgeir svo vera. Líkt og áður hafi komið fram muni bankinn bregðast við ástandinu og nýta þau stjórntæki sem hann býr yfir eftir því sem þykir henta hverju sinni. „Það sem við erum að fara að gera er að við erum að fara að útfæra kaup á ríkisskuldabréfum sem við í rauninni lýstum yfir fyrir páska en við erum þá að fara að koma með nánari útfærslu á hvernig við förum að því. Það getur líka verið að Seðlabankinn taki þátt í þessum seinni aðgerðapakka líka hjá ríkisstjórninni,“ nefnir Ásgeir sem dæmi. „Það er mjög mikilvægt í svona aðgerðum að taka ekki of mikið í einu, reyna fyrst að koma þeim hlutum í framkvæmd sem hefur verið lýst yfir og athuga hvernig þeir ganga áður en við stígum næstu skref. Eins og ég hef sagt að þá höfum við ennþá mjög mörg spil uppi í erminni,“ segir Ásgeir. Frekari vaxtalækkun sé til dæmis eitt af þeim spilum sem bankinn eigi uppi í erminni. Segir vont að stjórnarandstöðunni sé ekki hleypt að Stjórnarandstaðan hefur kallað eftir því að aukið samráð sé haft við hana við undirbúning aðgerða stjórnvalda. Logi Einarsson, formaður Samfylkingarinnar, segir miður að stjórnarandstaðan fái ekki tækifæri til að koma að undirbúningi aðgerða. Logi Einarsson, formaður Samfylkingarinnar.Vísir/Vilhelm „Við hefðum talið að við þessar ótrúlega skrýtnu aðstæður að þá þyrftu öll öfl og allir þingmenn og stjórnmálaflokkar að koma að til að við tryggjum að aðgerðirnar nái til allra og að við getum líka farið að móta einhvers konar viðspyrnu til lengri framtíðar, líka eftir að þessu kjörtímabili lýkur,“ segir Logi. „Það hefur ekki verið vilji ríkisstjórnarinnar og við það verðum við að búa en það er hins vegar ótrúlega vont vegna þess að við munum taka við málunum inni í þinginu og í nefndum og þá er bara vont að sjá ekki heildarmyndina og þekkja ekki bakgrunninn.“
Efnahagsmál Seðlabankinn Faraldur kórónuveiru (COVID-19) Alþingi Ríkisstjórn Katrínar Jakobsdóttur Félagsmál Fjölmiðlar Mest lesið Ekki séð neitt þessu líkt á sínum fjörutíu ára ferli Innlent Er við góða líkamlega heilsu en heilinn að „bregðast honum“ Erlent Kynna drög að nýrri stefnu í heilbrigðismálum Innlent Málafjöldi tvöfaldast milli ára: „Hálfur milljarður farinn nú þegar“ Innlent Málverk stolið af nasistum fannst í argentínskri fasteignaauglýsingu Erlent Kallar bandarískan erindreka á teppið vegna Grænlandsmála Erlent Fundu steinaldarbyggð í Árósaflóa sem fór undir sjó eftir ísöld Erlent Minntust þess ekki að hafa brennt tösku fyrir Stefán Blackburn Innlent 50 prósenta tollar á indverskar vörur taka gildi í Bandaríkjunum Erlent Vilja halda leiðbeinandanum áfram bak við lás og slá Innlent Fleiri fréttir Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Sjá meira