Hannes leit upp og sagði: Afi hjálpaðu okkur núna Óskar Ófeigur Jónsson skrifar 26. desember 2020 11:01 Hannes Þór Halldórsson var fyrsti leikmaðurinn sem var kynntur úr liði áratugarins hjá Stöð 2 Sport. Skjámynd/S2 Sport Hannes Þór Halldórsson og Pétur Viðarsson eru fyrstu tveir mennirnir í úrvalslið áratugarins. Fyrsti þátturinn af „Liði áratugarins“ á Stöð 2 Sport var á Stöð 2 Sport í gær en þar voru kynntir tveir fyrstu leikmenn úrvalsliðs efstu deildar í knattspyrnu frá 2010 til 2020. Lið áratugarins 2010 til 2020 var valið af Stöð 2 Sport en sérfræðingarnir Tómas Þór Þórðarson, Reynir Leósson, Sigurvin Ólafsson og Logi Ólafsson segja álit sitt álit á þeim leikmönnum sem urðu fyrir valinu í þáttum milli jóla og nýárs. Garðar Örn Arnarson leikstýrir þáttunum sem verða sex talsins en í hverjum þætti verða tveir meðlimir úrvalsliðsins kynntir til leiks. Þetta eru ellefu byrjunarliðsmenn og einn þjálfari. Fyrstu tveir leikmenn úrvalsliðsins sem kynntir voru í þættinum í gær voru markvörðurinn Hannes Þór Halldórsson og varnarmaðurinn Pétur Viðarsson. Markvörður liðsins er Hannes Þór Halldórsson Hannes Þór Halldórsson er 36 ára markvörður sem hefur spilað með Valsmönnum undanfarin tvö tímabil eftir sex ár í atvinnumennsku. Hannes spilaði með Fram sumarið 2010 en færði sig svo yfir í KR og vann fjóra stóra titla með liðinu á næstu þremur tímabilum þar af Íslandsmeistaratitilinn 2011 og 2013. Hannes var lykilmaður í Íslandsmeistari Vals síðasta sumar þar sem hann varð Íslandsmeistari í þriðja sinn og vann sinn fimmta stóra titil á Íslandi. Hannes sagði sögu í þættinum frá tíma sínum með KR-liðinu. „Það er annað sem mér þykir vænt um. Við vorum að spila við Keflavík þegar það voru tveir eða þrír leikir eftir af mótinu. Við urðum að vinna leikinn til að koma okkur í kjörstöðu til að verða Íslandsmeistarar,“ sagði Hannes Þór Halldórsson í viðtali sínu í þættinum. „Staðan er 2-2 og ég hafði klikkað eitthvað í leiknum. Við urðum að vinna og það er kominn uppbótatími þegar við fáum hornspyrnu. Afi minn hafði dáið stuttu áður og ég er öllu jöfnu ekki mjög trúaður maður. Maður vill vona að það sé einhver vakandi yfir manni,“ sagði Hannes. „Þarna voru nokkrar sekúndur eftir og rétt áður en hornið var tekið þá leit ég upp og sagði: Afi hjálpaðu okkur núna. Svo sparkar hann í boltann og boltinn var í markinu nokkrum sekúndum seinna. Ég horfði aftur upp og sagði: Hvað var þetta? Mér fannst þetta vera merkileg upplifun og ég var ekkert sérstaklega trúaður en eftir þetta vill maður ekki útiloka neitt,“ sagði Hannes en það má sjá myndbrot með honum hér fyrir neðan. Klippa: Hannes Þór Halldórsson Varnarmaður númer eitt er Pétur Viðarsson Pétur Viðarsson er 33 ára varnarmaður sem hefur spilað allan sinn feril með FH-ingum. Pétur var búinn að leggja skóna á hilluna en tók þá aftur niður í sumar og var fljótlega aftur orðinn fastamaður í FH-liðinu. Pétur hefur unnið sjö stóra titla með FH-ingum á ferlinum þar af varð hann Íslandsmeistari í fimmta sinn sumarið 2016. Eftir tólf leiki í Pepsi Max deild karla í sumar þá er Pétur kominn upp í fimmta sæti yfir leikjahæstu FH-inga í efstu deild en Pétur hefur alls spilað 188 deildarleiki fyrir FH. „Ég er mjög ánægður með ferilinn í heild sinni og það er ekkert þannig sem ég sé eftir. Það er ekkert sem ég hefði viljað breyta eða eitthvað móment þar sem ég tel að ég hafi átt að gera öðruvísi. Ég þakklátur fyrir og auðmjúkur að hafa fengið að taka þátt í þessum sigursæla tíma í Kaplakrika,“ sagði Pétur Viðarsson. „Þetta er búinn að vera risastór partur af mínu lífi að vera í fótbolta og það hefur verið ótrúlega skemmtilegt að vera í þessu liðið. Það hefur gengið mjög vel og ég hef sem betur fer fengið að vera stór hluti af liðinu. Ég hef eiginlega öll árin verið í stóru hlutverki og er mjög þakklátur fyrir það,“ sagði Pétur. Sérfræðingar segja sína skoðun á leikmönnum úrvalsliðsins og Tómas Þór Þórðarson talaði meðal annars um Pétur. „Bara stríðsvilji og svakalega mikil barátta en líka rosalega mikið stolt fyrir félaginu sínu og að FH myndi vinna fótboltaleiki. Vinna leik, vinna titil, það í rassvasann og svo áfram gakk. Við fögnum seinna,“ sagði Tómas. Pétur er heldur ekkert hættur. „Ég á pottþétt einn titil inni og ég held að hann gæti komið á næsta ári því við erum með frábært lið,“ sagði Pétur en það má sjá myndbrot með honum hér fyrir neðan. Klippa: Pétur Viðarsson Í kvöld verður sýndur næsti þáttur af „Liði áratugarins“ en þá verða tveir aðrir leikmenn úrvalsliðsins kynntir til leiks. Þátturinn hefst klukkan 19.15 á Stöð 2 Sport. Pepsi Max-deild karla Mest lesið Birti myndir af fólki, kalli það illum nöfnum og saki um einelti á meðan Körfubolti Kenndi dómaranum um eftir tap Athletic Bilbao fyrir United Fótbolti Fagnaðarlæti Púlara mældust á jarðskjálftamælum Enski boltinn Draumaendir Bjarka á ferlinum: „Loksins fann ég þjálfara sem virkilega skildi mig“ Íslenski boltinn Sjáðu sigurmark Gísla gegn Veszprém Handbolti Gleðin við völd í Grindavík: „Áður en við vitum af verður allt komið á fullt aftur“ Sport Juventus-parið hætt saman Fótbolti Glódís Perla eftir að tvennan var tryggð: „Langt síðan síðast“ Fótbolti Beckham fimmtugur í dag Enski boltinn Faðir Haliburton fær ekki að mæta á leiki hjá Pacers Körfubolti Fleiri fréttir Draumaendir Bjarka á ferlinum: „Loksins fann ég þjálfara sem virkilega skildi mig“ „Fannst ekkert gerast nema Fanndís væri að gera eitthvað“ „Hvað eru menn búnir að láta fífla sig út í?“ Vilja að Arna elti stóru systur: „Þær eru svakalegir íþróttamenn“ Sjáðu sjálfsmarkið sem skipti sköpum og fyrstu mörk Lífar Fylki og Keflavík spáð sigri í Lengjudeildunum Stokke í raðir Aftureldingar Bikarvörnin hefst gegn Fram „Held að Víkingar hafi keypt rangan framherja úr HK“ Bjarki um gjaldþrotið: „Þú ert niðurlægður á ákveðinn hátt“ Stúkan um Stjörnuna: „Er algjört kjaftæði“ Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Uppgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Fagnaði tvítugsafmæli í gær og lánaður til FH í dag Stærsti sigur KR á ÍA í deildarleik Sannfærðir um að FH verði í fallbaráttu „Jæja Heimir, þú verður að hjálpa mér að enda þetta vel“ Sjáðu vítin á Hlíðarenda, skrautleg mörk í Garðabæ og umdeilt mark Fram TikTok-stjarna ÍBV dælir út efni frá Eyjum „Þetta var erfitt og maður var aldrei rólegur“ Vilja Gylfa Þór ekki til baka: „Enginn skilaréttur“ „Ekki áhyggjuefni, þetta var bara hörkuleikur“ Sjá meira
Fyrsti þátturinn af „Liði áratugarins“ á Stöð 2 Sport var á Stöð 2 Sport í gær en þar voru kynntir tveir fyrstu leikmenn úrvalsliðs efstu deildar í knattspyrnu frá 2010 til 2020. Lið áratugarins 2010 til 2020 var valið af Stöð 2 Sport en sérfræðingarnir Tómas Þór Þórðarson, Reynir Leósson, Sigurvin Ólafsson og Logi Ólafsson segja álit sitt álit á þeim leikmönnum sem urðu fyrir valinu í þáttum milli jóla og nýárs. Garðar Örn Arnarson leikstýrir þáttunum sem verða sex talsins en í hverjum þætti verða tveir meðlimir úrvalsliðsins kynntir til leiks. Þetta eru ellefu byrjunarliðsmenn og einn þjálfari. Fyrstu tveir leikmenn úrvalsliðsins sem kynntir voru í þættinum í gær voru markvörðurinn Hannes Þór Halldórsson og varnarmaðurinn Pétur Viðarsson. Markvörður liðsins er Hannes Þór Halldórsson Hannes Þór Halldórsson er 36 ára markvörður sem hefur spilað með Valsmönnum undanfarin tvö tímabil eftir sex ár í atvinnumennsku. Hannes spilaði með Fram sumarið 2010 en færði sig svo yfir í KR og vann fjóra stóra titla með liðinu á næstu þremur tímabilum þar af Íslandsmeistaratitilinn 2011 og 2013. Hannes var lykilmaður í Íslandsmeistari Vals síðasta sumar þar sem hann varð Íslandsmeistari í þriðja sinn og vann sinn fimmta stóra titil á Íslandi. Hannes sagði sögu í þættinum frá tíma sínum með KR-liðinu. „Það er annað sem mér þykir vænt um. Við vorum að spila við Keflavík þegar það voru tveir eða þrír leikir eftir af mótinu. Við urðum að vinna leikinn til að koma okkur í kjörstöðu til að verða Íslandsmeistarar,“ sagði Hannes Þór Halldórsson í viðtali sínu í þættinum. „Staðan er 2-2 og ég hafði klikkað eitthvað í leiknum. Við urðum að vinna og það er kominn uppbótatími þegar við fáum hornspyrnu. Afi minn hafði dáið stuttu áður og ég er öllu jöfnu ekki mjög trúaður maður. Maður vill vona að það sé einhver vakandi yfir manni,“ sagði Hannes. „Þarna voru nokkrar sekúndur eftir og rétt áður en hornið var tekið þá leit ég upp og sagði: Afi hjálpaðu okkur núna. Svo sparkar hann í boltann og boltinn var í markinu nokkrum sekúndum seinna. Ég horfði aftur upp og sagði: Hvað var þetta? Mér fannst þetta vera merkileg upplifun og ég var ekkert sérstaklega trúaður en eftir þetta vill maður ekki útiloka neitt,“ sagði Hannes en það má sjá myndbrot með honum hér fyrir neðan. Klippa: Hannes Þór Halldórsson Varnarmaður númer eitt er Pétur Viðarsson Pétur Viðarsson er 33 ára varnarmaður sem hefur spilað allan sinn feril með FH-ingum. Pétur var búinn að leggja skóna á hilluna en tók þá aftur niður í sumar og var fljótlega aftur orðinn fastamaður í FH-liðinu. Pétur hefur unnið sjö stóra titla með FH-ingum á ferlinum þar af varð hann Íslandsmeistari í fimmta sinn sumarið 2016. Eftir tólf leiki í Pepsi Max deild karla í sumar þá er Pétur kominn upp í fimmta sæti yfir leikjahæstu FH-inga í efstu deild en Pétur hefur alls spilað 188 deildarleiki fyrir FH. „Ég er mjög ánægður með ferilinn í heild sinni og það er ekkert þannig sem ég sé eftir. Það er ekkert sem ég hefði viljað breyta eða eitthvað móment þar sem ég tel að ég hafi átt að gera öðruvísi. Ég þakklátur fyrir og auðmjúkur að hafa fengið að taka þátt í þessum sigursæla tíma í Kaplakrika,“ sagði Pétur Viðarsson. „Þetta er búinn að vera risastór partur af mínu lífi að vera í fótbolta og það hefur verið ótrúlega skemmtilegt að vera í þessu liðið. Það hefur gengið mjög vel og ég hef sem betur fer fengið að vera stór hluti af liðinu. Ég hef eiginlega öll árin verið í stóru hlutverki og er mjög þakklátur fyrir það,“ sagði Pétur. Sérfræðingar segja sína skoðun á leikmönnum úrvalsliðsins og Tómas Þór Þórðarson talaði meðal annars um Pétur. „Bara stríðsvilji og svakalega mikil barátta en líka rosalega mikið stolt fyrir félaginu sínu og að FH myndi vinna fótboltaleiki. Vinna leik, vinna titil, það í rassvasann og svo áfram gakk. Við fögnum seinna,“ sagði Tómas. Pétur er heldur ekkert hættur. „Ég á pottþétt einn titil inni og ég held að hann gæti komið á næsta ári því við erum með frábært lið,“ sagði Pétur en það má sjá myndbrot með honum hér fyrir neðan. Klippa: Pétur Viðarsson Í kvöld verður sýndur næsti þáttur af „Liði áratugarins“ en þá verða tveir aðrir leikmenn úrvalsliðsins kynntir til leiks. Þátturinn hefst klukkan 19.15 á Stöð 2 Sport.
Pepsi Max-deild karla Mest lesið Birti myndir af fólki, kalli það illum nöfnum og saki um einelti á meðan Körfubolti Kenndi dómaranum um eftir tap Athletic Bilbao fyrir United Fótbolti Fagnaðarlæti Púlara mældust á jarðskjálftamælum Enski boltinn Draumaendir Bjarka á ferlinum: „Loksins fann ég þjálfara sem virkilega skildi mig“ Íslenski boltinn Sjáðu sigurmark Gísla gegn Veszprém Handbolti Gleðin við völd í Grindavík: „Áður en við vitum af verður allt komið á fullt aftur“ Sport Juventus-parið hætt saman Fótbolti Glódís Perla eftir að tvennan var tryggð: „Langt síðan síðast“ Fótbolti Beckham fimmtugur í dag Enski boltinn Faðir Haliburton fær ekki að mæta á leiki hjá Pacers Körfubolti Fleiri fréttir Draumaendir Bjarka á ferlinum: „Loksins fann ég þjálfara sem virkilega skildi mig“ „Fannst ekkert gerast nema Fanndís væri að gera eitthvað“ „Hvað eru menn búnir að láta fífla sig út í?“ Vilja að Arna elti stóru systur: „Þær eru svakalegir íþróttamenn“ Sjáðu sjálfsmarkið sem skipti sköpum og fyrstu mörk Lífar Fylki og Keflavík spáð sigri í Lengjudeildunum Stokke í raðir Aftureldingar Bikarvörnin hefst gegn Fram „Held að Víkingar hafi keypt rangan framherja úr HK“ Bjarki um gjaldþrotið: „Þú ert niðurlægður á ákveðinn hátt“ Stúkan um Stjörnuna: „Er algjört kjaftæði“ Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Uppgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Fagnaði tvítugsafmæli í gær og lánaður til FH í dag Stærsti sigur KR á ÍA í deildarleik Sannfærðir um að FH verði í fallbaráttu „Jæja Heimir, þú verður að hjálpa mér að enda þetta vel“ Sjáðu vítin á Hlíðarenda, skrautleg mörk í Garðabæ og umdeilt mark Fram TikTok-stjarna ÍBV dælir út efni frá Eyjum „Þetta var erfitt og maður var aldrei rólegur“ Vilja Gylfa Þór ekki til baka: „Enginn skilaréttur“ „Ekki áhyggjuefni, þetta var bara hörkuleikur“ Sjá meira