Erlent

Bóluefni á fleygiferð um Bandaríkin

Þórgnýr Einar Albertsson skrifar
Geyma þarf bóluefnið frá Pfizer við mikið frost.
Geyma þarf bóluefnið frá Pfizer við mikið frost. EPA/BIONTECH SE

Bólusetningar við kórónuveirunni hefjast í Bandaríkjunum í dag. Ekkert land hefur komið verr út úr faraldrinum.

Frá upphafi faraldursins hafa tæpar sautján milljónir smitast í Bandaríkjunum og 306 þúsund látist. Síðustu vikur hafa verið afar slæmar. Fleiri en hundrað þúsund tilfelli greinast á hverjum degi og þúsundir deyja.

Þau tímamót urðu á föstudag að lyfjaeftirlitið gaf græna ljósið á bóluefni Pfizer og Biontech við veirunni. Nú taka við afar umfangsmiklir flutningar enda er útlit fyrir að þetta verði umfangsmestu bólusetningar í sögu landsins.

Fyrstu þrjár milljónir skammta af bóluefninu eru nú á leið á 145 áfangastaði í dag. Hver og einn þarf tvo skammta af efninu. Flutningarnir sjálfir eru ekki eina hindrunin enda þarf að geyma efnið í miklu frosti.

Stjórnvöld áætla að um þrír af hverjum fjórum Bandaríkjamönnum verði búnir að fá bóluefnið eftir fimm til sex mánuði. Í forgangi verður þó að bólusetja 21 milljón heilbrigðisstarfsfólks og þrjár milljónir íbúa dvalarheimila.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.