Tíska og hönnun

Fengu par, vinkonur og mæðgur til að sitja fyrir á myndunum

Sylvía Rut Sigfúsdóttir skrifar
Saga Sig myndaði línuna Kliður og þurftu hönnuðirnir að fá fólk sem væri nú þegar í nánum samskiptum til að sitja fyrir á myndunum. 
Saga Sig myndaði línuna Kliður og þurftu hönnuðirnir að fá fólk sem væri nú þegar í nánum samskiptum til að sitja fyrir á myndunum.  Saga Sig

Skartgripalínan Kliður fæddist í þverfaglegu samstarfi á milli Júlíönnu Óskar Hafberg myndlistarkonu og hönnuðar og Esterar Auðunsdóttur, gullsmiðs. Samstarfskonurnar hafa eytt öllum lausum stundum saman síðustu vikur, en þær kynntust fyrst yfir kaffibolla í Ásmundarsal í byrjun september. Þær kynna línuna með einstökum myndaþætti eftir Sögu Sig ljósmyndara.

Kliður dregur nafn sitt frá litlu ljóði sem Júlíanna hafði skrifað fyrr á árinu; „Innri kliður, líður upp og niður” og kristallast saga og tilgangur skartgripalínunnar í þeirri setningu.

Júlíanna Ósk Hafberg og Ester Auðunsdóttir.Kliður.com

„Mjúkar straumlaga línur skartgripalínunnar eiga sér upptök í hinni flæðandi leið sem líf okkar, hugsanir og tilfinningar renna eftir. Kliður er myndgerving þess að lífið er straumlínulaga, fer upp og niður og út um allt, og fagnar þannig hinu náttúrulega flæði; ófullkomnun. Kliður flæðir þannig mjúklega í kringum fingur og háls, í gegnum eyru og upp við líkamann,“ segir um línuna.

KliðurSaga Sig

Ólíkir styrkleikar 

Allir hlutirnir í línunni eru handgerðir af Ester og Júlíönnu alfarið úr 925 sterling silfri, á litlu verkstæði heima hjá Ester í Laugardalnum, Reykjavík. Hlutirnir koma því í takmörkuðu upplagi og eru sumir þeirra einungis gerðir eftir pöntunum.

Júlíanna Ósk Hafberg er myndlistarkona, hönnuður og nýlega útskrifuð úr skapandi leiðtoga og verkefnastjórnunarskólanum Kaospilot í Árósum, Danmörku. Ester Auðunsdóttir útskrifaðist með sveinspróf í gullsmíði frá Tækniskólanum í vor. Júlíanna hafði áður verið að gefa út eyrnalokka undir nafninu Tears in My Ears og hafði því mikinn áhuga á skartgripasmíði og hönnun.

KliðurSaga Sig

Þær segja að það hafi myndast fullkomið samstarf á milli þeirra tveggja, þar sem Ester hefur mikla færni í tæknilegum útfærslum og smíðum á skartgripum - en Júlíanna er menntaður hönnuður og verkefnastýra og kom því sterk inn í hugmyndavinnu, teikningu, hönnun og umgjörð línunnar.

Þær segja að það sé algjör styrkleiki að byggja eitthvað svona upp með einhverjum sem hefur aðra styrkleika og þekkingu heldur en maður sjálfur og vilja þær meina að það sé grunnurinn af því hversu vel samstarfið hefur gengið á milli þeirra. 

KliðurSaga Sig

Hugsuðu í lausnum

Þær ætluðu í upphafi að hanna tvo til fjóra skartgripi en hugmyndirnar flæddu og það vatt hratt upp á sig þangað til að þær sátu með 16 stykkja línu í höndunum. Skartgripalínan samanstendur af fimm hálsmenum, sex eyrnalokkum og fimm hringum.

Vegna aðstæðna gátu þær ekki haldið opnunarpartý og settu því áhersluna á heimasíðu og fallegan myndaþátt. Saga Sig tók allar myndirnar en Marta Kjartansdóttir leikstjóri tók upp myndefni. Ísak Helgason sá alla förðun.

Málin flæktust aðeins þegar kom að því að finna módel fyrir tökuna, því þær höfðu séð fyrir sér að vera með nokkur módel í einu. Þriðja bylgja var ný skollin á með hertum sóttvarnarreglum og þurftu þær því að hugsa lausnamiðað. Þær höfðu því samband við fólk sem nú þegar voru í nánu sambandi og væru að umgangast hvort annað, sem var líka einkar skemmtileg upplifun fyrir þau. Voru það vinkonurnar Vigdís Perla og Elín, mæðgurnar Þóra og Sunna, og parið Eydís og Camilo, ásamt Chanel Björk, sem mættu því í hollum í myndatöku.

Hægt er að sjá fleiri myndir úr myndaþætti Sögu Sig hér fyrir neðan. 

KliðurSaga Sig
KliðurSaga Sig
KliðurSaga Sig
KliðurSaga Sig
KliðurSaga Sig
KliðurSaga Sig
KliðurSaga Sig
KliðurSaga Sig

Skartgripina er að finna inn á www.klidur.com og hægt er að fylgjast með þeim bæði á Facebook og Instagram undir nafninu @klidur__.






Fleiri fréttir

Sjá meira


×