Innlent

Sex­tán greindust innan­lands

Atli Ísleifsson skrifar
Ellefu af þeim sextán sem greindust innanlands í gær voru í sóttkví.
Ellefu af þeim sextán sem greindust innanlands í gær voru í sóttkví. Vísir/Vilhelm

Sex­tán manns greindust með kórónuveiruna innanlands í gær. Af þeim sem greindust voru ellefu í sóttkví, eða um 69 prósent.

Þetta kemur fram í uppfærðum tölum á vefnum covid.is. 39 eru nú á sjúkrahúsi vegna Covid-19 og þar af tveir á gjörgæslu. Í gær voru 40 á sjúkrahúsi, þar af tveir á gjörgæslu.

Einn greindist með virkt smit á landamærum.

Þriðja bylgjan.

204 manns eru nú í einangrun, en fjöldinn var 199 í gær. Þá eru 637 í sóttkví í dag, samanborið við 689 í gær.

Af þeim sexán sem greindust í gær greindust fjórtán eftir svokallaða einkennasýnatöku en tveir eftir sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 42,8 en var 41,5 í gær. Þá er nýgengi landamærasmita nú 12,8 líkt og í gær.

Sé litið til einstakra landshluta má sjá að fólki í einangrun fjölgar milli daga á höfuðborgarsvæðinu úr 167 í 172 og á Suðurnesjum úr níu í þrettán. Á Norðurlandi eystra fækkar fólki í einangrun úr tíu í sex. Hér má sjá stöðuna eins og hún var í gær. 

Alls voru tekin 1.166 einkennasýni hjá sýkla- og veirufræðideild Landspítalans og Íslenskri erfðagreiningu í gær og 96 sýni á landamærunum eða í seinni landamæraskimun. Þá voru tekin 146 sýni í svokallaðri sóttkvíar- og handahófsskimun.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.