Innlent

Átta greindust innanlands

Atli Ísleifsson skrifar
Alls hafa um 5.400 manns nú greinst með kórónuveiruna hér á landi frá upphafi faraldursins.
Alls hafa um 5.400 manns nú greinst með kórónuveiruna hér á landi frá upphafi faraldursins. Vísir/Vilhelm

Átta greindust með kórónuveiruna innan­lands í gær. Af þeim sem greindust voru þrír í sóttkví, en fimm ekki. Þetta kemur fram í uppfærðum tölum á vefnum covid.is. 41 er nú á sjúkrahúsi vegna Covid-19 og þar af tveir á gjörgæslu. Í gær voru 42 á sjúkrahúsi, þar af tveir á gjörgæslu.

Sjö af þeim átta sem greindust innanlands í gær eru með lögheimili á höfuðborgarsvæðinu.

Einn greindist smitaður á landamærum þar sem niðurstöðu mótefnamælingar er beðið.

187 manns eru nú í einangrun, líkt og í gær. Þá eru 716 í sóttkví í dag, samanborið við 667 í gær.

Af þeim átta sem greindust í gær, greindust sjö eftir svokallaða einkennasýnatöku en einn eftir sóttkvíar- og handahófsskimun.

Nú hafa 5.392 manns greinst smitaðir af kórónuveiru frá upphafi faraldursins. Á síðunni segir að af þeim veikst hafa af Covid-19 eru 26 nú látnir.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 38,5 en var 38,7 í gær. Þá er nýgengi landamærasmita nú 13,1, en var 14,2 í gær.

Alls voru tekin 510 einkennasýni hjá sýkla- og veirufræðideild Landspítalans og Íslenskri erfðagreiningu í gær og 186 sýni á landamærunum eða í seinni landamæraskimun. Þá var tekið 31 sýni í svokallaðri sóttkvíar- og handahófsskimun.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×