Innlent

Ellefu greindust innan­­lands og að­eins þrír í sótt­kví

Atli Ísleifsson skrifar
Einungis þrír af þeim ellefu sem greindust voru í sóttkví við greiningu.
Einungis þrír af þeim ellefu sem greindust voru í sóttkví við greiningu. Vísir/Vilhelm

Ellefu greindust með veiruna innan­lands í gær og voru aðeins þrír þeirra sem greindust í sóttkví.

Ellefu greindust með veiruna innan­lands í gær. Þrír af þeim sem greindust í gær voru í sóttkví, eða um 27 prósent. Átta þeirra sem greindust í gær voru utan sóttkvíar, eða 73 prósent.

Þetta kemur fram í uppfærðum tölum á vefnum covid.is. Líkt og í gær eru 45 á sjúkrahúsi vegna Covid-19, þar af tveir á gjörgæslu.

Á upplýsingafundi almannavarna kom fram að allir þeir ellefu sem greindust í gær hafi verið á höfuðborgarsvæðinu. 

Fjórir greindust smitaðir á landamærum þar sem niðurstöðu mótefnamælingar er beðið í öllum tilvikum.

166 manns eru nú í einangrun, samanborið við 176 í gær. Þá eru 446 í sóttkví í dag, samanborið við 291 í gær.

Þriðja bylgjan.

Af þeim ellefu sem greindust í gær, greindust níu eftir svokallaða einkennasýnatöku en tveir í sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 32,5 en var 34,4 í gær. Þá er nýgengi landamærasmita nú 12,8 líkt og í gær.

Sé litið til einstakra landshluta má sjá að fólki í sóttkví fjölgar mikið mikið milli daga á höfuðborgarsvæðinu, fer úr 235 í 386. Hér má sjá stöðuna eins og hún var í gær.

Nú hafa 5.323 manns greinst smitaðir af kórónuveiru frá upphafi faraldursins. Á síðunni segir að af þeim veikst hafa af Covid-19 eru 26 nú látnir.

Alls voru tekin 653 einkennasýni hjá sýkla- og veirufræðideild Landspítalans og Íslenskri erfðagreiningu í gær og 204 sýni á landamærunum eða í seinni landamæraskimun. Þá voru 29 sýni tekin í annarri skimun hjá Íslenskri erfðagreiningu og 24 í svokallaðri sóttkvíar- og handahófsskimun

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.