Víðir segir að ekkert gangi að rekja smit hans og konunnar

Kolbeinn Tumi Daðason skrifar 25. nóvember 2020 15:42

Víðir Reynisson verður í einangrun næstu fjórtán dagana eða svo. Honum líður ágætlega eftir því sem fram kemur í tilkynningu almannavarna. vísir

Víðir Reynisson, yfirlögregluþjónn almannavarnasviðs ríkislögreglustjóra hefur greinst með COVID-19. Hann segist í samtali við fréttastofu að smit hafi verið viðbúið eftir að eiginkona hans greindist með smit á mánudaginn..

Sjálfur segist Víðir einkennalaus en kona hans sé aðeins slöpp. Ekkert gangi hins vegar að rekja hvernig kona hans smitaðist. Stór hluti smita sé þó þannig að hægt gangi að rekja uppruna þeirra.

Viðtal Berghildar Erlu Bernharðsdóttur við Víði má sjá hér að neðan.

Í tilkynningu frá almannavörnum segir að Víðir og hans nánasta samstarfsfólk auk Ölmu Möller landlæknis og Þórólfs Guðnasonar sóttvarnalæknis hafi farið í sýnatöku á mánudag. Sýni þeirra allra reyndust neikvæð á mánudagskvöld.

Víðir fór aftur í sýnatöku í dag og reyndist sýni frá honum jákvætt. Hann finnur ekki fyrir einkennum og er kominn í einangrun.

„Í ljósi þess að sýni frá Víði reyndist neikvætt á mánudag þykir ekki ástæða til þess að hans nánasta samstarfsfólk fari í sóttkví,“ segir í tilkynningu frá almannavörnum.

Faraldur kórónuveiru (COVID-19)

Tengdar fréttir

Víðir í sóttkví vegna smits í nærumhverfi

Víðir Reynisson, yfirlögregluþjónn hjá almannavarnasviði ríkislögreglustjóra, er kominn í sjö daga sóttkví eftir að kórónuveirusmit greindist í nærumhverfi hans.

23. nóvember 2020 20:56

„Þetta læðist greinilega að öllum“

Víðir Reynisson yfirlögregluþjónn hjá almannavörnum hefur komið sér fyrir á hóteli þar sem hann mun verja næstu viku í sóttkví.

24. nóvember 2020 11:11

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.