Handagangur í öskjunni á hárgreiðslustofum Jakob Bjarnar skrifar 18. nóvember 2020 10:40 Lilja lætur skærin dansa yfir hausamótum blaðamannsins. visir/vilhelm Örtröð er nú á öllum rakara- og hárgreiðslustofum höfuðborgarsvæðisins en í dag var aflétt banni við starfsemi þeirra. Eins og kunnugt er var þeim, ásamt ýmsum öðrum rekstri gert að loka í sóttvarnarskini vegna Covid-19 faraldursins. Ljósmyndari og blaðamaður Vísis fóru í morgunsárið á hina sögufrægu stofu Hárhornið við Hlemm nú í morgun til að taka púlsinn og þar gekk mikið á. Opnað var klukkan tíu en þá þegar var komin röð fyrir utan þó kalt væri í veðri; stillt en hartnær tíu stiga frost. Á Hárhorninu ræður Lilja Torfadóttir ríkjum en hún tók við rekstrinum eftir dag föður hennar, hins þjóðþekkta Torfa rakara Geirmundssonar. En Lilja starfaði með föður sínum þar áður en hann féll frá og hún saknar hans. Torfi kunni að koma orðum að hlutunum og ekkert vantar uppá að Lilja hafi munninn fyrir neðan nefið. Lilja Torfadóttir ræður ríkjum á Hárhorninu. Hún og allt hennar lið, en á stofunni eru fjórir stólar, eru þess albúin að klippa tugi manna í dag og næstu daga.visir/vilhelm „Ég get alveg sagt þér það að Torfi hefði haft sitthvað við þetta að athuga. Hann hefði talið að gríman veitti falskt öryggi og honum hefði fundist þessi lokun alveg fáránleg,“ segir Lilja og glottir. Tvisvar sinnum sex vikna frí heldur mikið Blaðamaður misnotaði aðstöðu sína án þess að depla auga, smokraði sér í einn af fjórum stólum stofunnar og ræddi við Lilju meðan hún lét skærin dansa yfir hausamótum blaðamannsins og snyrti úfinn kollinn. Þá þegar voru ýmsir fastakúnnar mættir og úti norpuðu nokkrir sem þurftu sárlega á klippingu að halda. Á Hárhorninu er fyrirkomulagið þannig að þar eru ekki tímapantanir heldur mæta menn bara. Allar hárgreiðslu- og rakarastofur eru smekkfullar núna, verða í dag og næstu daga. Hárgreiðslumeisturum Hárhornsins þótti erfitt að vita af fjölda manns úti í frostinu en það má ekki taka inn nema tiltekinn fjölda í senn.visir/vilhelm „Ég hef bara aldrei lent í öðru eins. Bara ekki síðan ég byrjaði að vinna 16 ára gömul,“ segir Lilja en henni þótti það verra að vera gert að taka sér 6 vikna frí öðru sinni á þessu ári. En í mars var einnig gripið til þess ráðs að loka hárgreiðslustofum. Lilju finnst þetta harðar aðgerðir í ljósi þess að fá dæmi eru um að smit hafi komið upp á hárgreiðslu- og rakarastofum. Og líklega engin eftir að grímuskylda var tekin upp. „Mér sýndist það þegar ég var að þæfa mig í gegnum smáa letrið. En maður skilur þetta svo sem. Það var komið upp eitthvað fár. Og kúnnarnir okkar hafa ekki verið með neina stæla. Þeir hafa tekið þessu vel. Einn eða tveir með kjaft þegar grímuskyldan var tekin upp en þetta hefur gengið vel,“ segir Lilja. Telur ekki marga hafa stolist til að klippa heima Hún gerir ráð fyrir því að klippa í allan dag, sennilega til klukkan sex. Hún tekur að jafnaði fjóra til fimm á klukkutíma þegar mikið er að gera þannig að þeir verða margir hausarnir klipptir í dag. „Í mars, í lokuninni þá, var ég fram á kvöld. Margir voru mættir og klárir í klippinguna áður en opnað var. Í mars, þegar opnað var eftir sex vikna lokun, var veður betra og þá var röð sem lá langt upp Laugaveginn.visir/vilhelm Þá var betra veður og þá var stanslaus röð hér langt upp Laugaveginn. Ég nenni því ekki núna. En þá komu margir sem voru komnir með afar skrýtna hárgreiðslu,“ segir Lilja og hlær. Hún vísar þá til þess að einhverjir höfðu reynt að klippa sig sjálfir eða fengið einhvern til þess. Aðspurð þverneitar Lilja því að hafa verið að klippa og lita í heimahúsum. Og henni er til efs að margir hárgreiðslumenn hafi laumast til þess. „Menn vilja ekki rjúfa samstöðuna.“ En síminn hefur ekki stoppað og margir leitað eftir leiðum til þess að vera sæmilega til hafðir um hausinn. Nú stefnir allt í að menn geti verið sómasamlegir og með greiðsluna í lagi yfir hátíðarnar sem eru á næsta leyti. En víst er að það þarf að vinna upp glataðan tíma og vinna á úr sér vöxnu hárstrýinu. Vinnumarkaður Samkomubann á Íslandi Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir yfirlýsingar um að FBI hafi mátt skjóta Trump stórhættulegar Erlent Augljóst að fylgið er enn á verulegri hreyfingu Innlent Ósátt með skýringar á andláti: „Dæmigert kveisubarn“ voru svörin Innlent Fjórir látnir eftir að bygging hrundi á Majorku Erlent Forsetavaktin 2024: Hver verður sjöundi forseti lýðveldisins? Innlent Halla T skýst upp í annað sæti en Katrín leiðir Innlent „Ef ekkert breytist þá erum við að fara á hausinn“ Innlent Segir samstöðu lykilinn að jarðgangagerð Færeyinga Erlent Ók af vettvangi banaslyss og hefur aldrei fundist Innlent Halla orðin vinsælasta plan B Innlent Fleiri fréttir Augljóst að fylgið er enn á verulegri hreyfingu Ósátt með skýringar á andláti: „Dæmigert kveisubarn“ voru svörin Áfram í fangelsi þótt gæsluvarðhaldskröfu hafi verið hafnað Engin hlutdeildarlán fyrr en þingið afgreiðir fjáraukalög Mál Alberts sýni að skýra þurfi reglurnar Halla T skýst upp í annað sæti en Katrín leiðir Halla orðin vinsælasta plan B Vendingar í nýrri könnun og köttur heiðraður með styttu Þarf að endurgreiða sinni fyrrverandi eftir allt saman Fjöldi nefnda ríkisins kemur á óvart Parísarhjól á Miðbakka í sumar Krefst svara vegna andláts sjö vikna dóttur sinnar Ók af vettvangi banaslyss og hefur aldrei fundist Lögregla herðir leitina að karlmanni sem veitist að börnum Snurvoðarbátur lenti í vanda við Melrakkaey Talsvert í að kíghóstinn gangi niður Rýna í aðgerðir almannavarna síðustu sex mánuði á Reykjanesi Fjóla felldi hreinan meirihluta Hvalveiðar og húsnæðismál í hádegisfréttum „Ég skil vel að einhverjir séu óþolinmóðir“ Enginn axli ábyrgð á mistökum sem leiddu til andláts ungra barna Fjármálastjórinn orðinn sveitarstjóri Nemandinn ákærður fyrir tilraun til manndráps Jón sendir valgreiðslukröfur í heimabanka stuðningsmanna sinna „Ef ekkert breytist þá erum við að fara á hausinn“ Tveir handteknir í tveimur aðskildum málum vegna ofbeldis í heimahúsi Niðurskurður skerðir þjónustu og ógnar öryggi Skipsbrak varpar ljósi á harmleik undan Vestfjörðum fyrir 72 árum Afhentu ráðherra 46 þúsund undirskriftir á eldislöxum Hitafundur í Laugarnesskóla vegna skólauppbyggingar Sjá meira
Örtröð er nú á öllum rakara- og hárgreiðslustofum höfuðborgarsvæðisins en í dag var aflétt banni við starfsemi þeirra. Eins og kunnugt er var þeim, ásamt ýmsum öðrum rekstri gert að loka í sóttvarnarskini vegna Covid-19 faraldursins. Ljósmyndari og blaðamaður Vísis fóru í morgunsárið á hina sögufrægu stofu Hárhornið við Hlemm nú í morgun til að taka púlsinn og þar gekk mikið á. Opnað var klukkan tíu en þá þegar var komin röð fyrir utan þó kalt væri í veðri; stillt en hartnær tíu stiga frost. Á Hárhorninu ræður Lilja Torfadóttir ríkjum en hún tók við rekstrinum eftir dag föður hennar, hins þjóðþekkta Torfa rakara Geirmundssonar. En Lilja starfaði með föður sínum þar áður en hann féll frá og hún saknar hans. Torfi kunni að koma orðum að hlutunum og ekkert vantar uppá að Lilja hafi munninn fyrir neðan nefið. Lilja Torfadóttir ræður ríkjum á Hárhorninu. Hún og allt hennar lið, en á stofunni eru fjórir stólar, eru þess albúin að klippa tugi manna í dag og næstu daga.visir/vilhelm „Ég get alveg sagt þér það að Torfi hefði haft sitthvað við þetta að athuga. Hann hefði talið að gríman veitti falskt öryggi og honum hefði fundist þessi lokun alveg fáránleg,“ segir Lilja og glottir. Tvisvar sinnum sex vikna frí heldur mikið Blaðamaður misnotaði aðstöðu sína án þess að depla auga, smokraði sér í einn af fjórum stólum stofunnar og ræddi við Lilju meðan hún lét skærin dansa yfir hausamótum blaðamannsins og snyrti úfinn kollinn. Þá þegar voru ýmsir fastakúnnar mættir og úti norpuðu nokkrir sem þurftu sárlega á klippingu að halda. Á Hárhorninu er fyrirkomulagið þannig að þar eru ekki tímapantanir heldur mæta menn bara. Allar hárgreiðslu- og rakarastofur eru smekkfullar núna, verða í dag og næstu daga. Hárgreiðslumeisturum Hárhornsins þótti erfitt að vita af fjölda manns úti í frostinu en það má ekki taka inn nema tiltekinn fjölda í senn.visir/vilhelm „Ég hef bara aldrei lent í öðru eins. Bara ekki síðan ég byrjaði að vinna 16 ára gömul,“ segir Lilja en henni þótti það verra að vera gert að taka sér 6 vikna frí öðru sinni á þessu ári. En í mars var einnig gripið til þess ráðs að loka hárgreiðslustofum. Lilju finnst þetta harðar aðgerðir í ljósi þess að fá dæmi eru um að smit hafi komið upp á hárgreiðslu- og rakarastofum. Og líklega engin eftir að grímuskylda var tekin upp. „Mér sýndist það þegar ég var að þæfa mig í gegnum smáa letrið. En maður skilur þetta svo sem. Það var komið upp eitthvað fár. Og kúnnarnir okkar hafa ekki verið með neina stæla. Þeir hafa tekið þessu vel. Einn eða tveir með kjaft þegar grímuskyldan var tekin upp en þetta hefur gengið vel,“ segir Lilja. Telur ekki marga hafa stolist til að klippa heima Hún gerir ráð fyrir því að klippa í allan dag, sennilega til klukkan sex. Hún tekur að jafnaði fjóra til fimm á klukkutíma þegar mikið er að gera þannig að þeir verða margir hausarnir klipptir í dag. „Í mars, í lokuninni þá, var ég fram á kvöld. Margir voru mættir og klárir í klippinguna áður en opnað var. Í mars, þegar opnað var eftir sex vikna lokun, var veður betra og þá var röð sem lá langt upp Laugaveginn.visir/vilhelm Þá var betra veður og þá var stanslaus röð hér langt upp Laugaveginn. Ég nenni því ekki núna. En þá komu margir sem voru komnir með afar skrýtna hárgreiðslu,“ segir Lilja og hlær. Hún vísar þá til þess að einhverjir höfðu reynt að klippa sig sjálfir eða fengið einhvern til þess. Aðspurð þverneitar Lilja því að hafa verið að klippa og lita í heimahúsum. Og henni er til efs að margir hárgreiðslumenn hafi laumast til þess. „Menn vilja ekki rjúfa samstöðuna.“ En síminn hefur ekki stoppað og margir leitað eftir leiðum til þess að vera sæmilega til hafðir um hausinn. Nú stefnir allt í að menn geti verið sómasamlegir og með greiðsluna í lagi yfir hátíðarnar sem eru á næsta leyti. En víst er að það þarf að vinna upp glataðan tíma og vinna á úr sér vöxnu hárstrýinu.
Vinnumarkaður Samkomubann á Íslandi Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Segir yfirlýsingar um að FBI hafi mátt skjóta Trump stórhættulegar Erlent Augljóst að fylgið er enn á verulegri hreyfingu Innlent Ósátt með skýringar á andláti: „Dæmigert kveisubarn“ voru svörin Innlent Fjórir látnir eftir að bygging hrundi á Majorku Erlent Forsetavaktin 2024: Hver verður sjöundi forseti lýðveldisins? Innlent Halla T skýst upp í annað sæti en Katrín leiðir Innlent „Ef ekkert breytist þá erum við að fara á hausinn“ Innlent Segir samstöðu lykilinn að jarðgangagerð Færeyinga Erlent Ók af vettvangi banaslyss og hefur aldrei fundist Innlent Halla orðin vinsælasta plan B Innlent Fleiri fréttir Augljóst að fylgið er enn á verulegri hreyfingu Ósátt með skýringar á andláti: „Dæmigert kveisubarn“ voru svörin Áfram í fangelsi þótt gæsluvarðhaldskröfu hafi verið hafnað Engin hlutdeildarlán fyrr en þingið afgreiðir fjáraukalög Mál Alberts sýni að skýra þurfi reglurnar Halla T skýst upp í annað sæti en Katrín leiðir Halla orðin vinsælasta plan B Vendingar í nýrri könnun og köttur heiðraður með styttu Þarf að endurgreiða sinni fyrrverandi eftir allt saman Fjöldi nefnda ríkisins kemur á óvart Parísarhjól á Miðbakka í sumar Krefst svara vegna andláts sjö vikna dóttur sinnar Ók af vettvangi banaslyss og hefur aldrei fundist Lögregla herðir leitina að karlmanni sem veitist að börnum Snurvoðarbátur lenti í vanda við Melrakkaey Talsvert í að kíghóstinn gangi niður Rýna í aðgerðir almannavarna síðustu sex mánuði á Reykjanesi Fjóla felldi hreinan meirihluta Hvalveiðar og húsnæðismál í hádegisfréttum „Ég skil vel að einhverjir séu óþolinmóðir“ Enginn axli ábyrgð á mistökum sem leiddu til andláts ungra barna Fjármálastjórinn orðinn sveitarstjóri Nemandinn ákærður fyrir tilraun til manndráps Jón sendir valgreiðslukröfur í heimabanka stuðningsmanna sinna „Ef ekkert breytist þá erum við að fara á hausinn“ Tveir handteknir í tveimur aðskildum málum vegna ofbeldis í heimahúsi Niðurskurður skerðir þjónustu og ógnar öryggi Skipsbrak varpar ljósi á harmleik undan Vestfjörðum fyrir 72 árum Afhentu ráðherra 46 þúsund undirskriftir á eldislöxum Hitafundur í Laugarnesskóla vegna skólauppbyggingar Sjá meira