Vegagerðin segir lög ekki hafa verið brotin Elín Margrét Böðvarsdóttir skrifar 14. nóvember 2020 13:19 Flugfélagið Ernir hafði kært fyrri ákvörðun Vegagerðarinnar um að semja við Norlandair um þá leggi sem boðnir voru út með vísan til þess að vélar þeirra uppfylli ekki þau skilyrði sem lögð hafi verið til grundvallar í útboðinu. Vísir/Vilhelm Vegagerðin segir að stofnunin hafi ekki brotið lög þegar gengið var frá samningum við Norlandair ehf. um flug til Bíldudals og Gjögurs. Ýmsar rangfærslur hafi þó verið á kreiki um málið. Beðið hafi verið eftir afstöðu kærunefndar útboðsmála áður en gengið hafi verið til samninga. Þetta kemur fram í tilkynningu frá Vegagerðinni í dag þar sem segir að kærunefndin hafi heimilað samningsgerðina og þar af leiðandi séu samningarnir lögmætir. Fram kom í fréttum fyrr í vikunni að kærunefnd útboðsmála telji að Vegagerðin hafi brotið gegn lögum um opinber innkaup með samningum sínum við Norlandair um flugleiðir til og frá Bíldudal. Bæjarstjóri Vesturbyggðar lýsti jafnframt áhyggjum af því að verið sé að skerða þjónustu á Vestfjörðum. Flugfélagið Ernir hafði kært fyrri ákvörðun Vegagerðarinnar um að semja við Norlandair um þá leggi sem boðnir voru út með vísan til þess að vélar þeirra uppfylli ekki þau skilyrði sem lögð hafi verið til grundvallar í útboðinu. Þessu mótmælir Norlandair í tilkynningu sem félagið sendi frá sér í gær. „Flugvélakostur Norlandair og fjárhagshæfi uppfyllir öll skilyrði útboðsins og er hafið yfir vafa,“ segir í tilkynningu Norlandair. „Það er sorglegt að þurfa að bera til baka ítrekaðar rangfærslur eftir þátttöku í opinberu útboði. Til þess er stjórnsýslufarvegur og treystum við því að þar sé allt gert á eðlilegan og faglegan hátt. Að endingu óskum við Herði Guðmundssyni og starfsfólki flugfélagsins Ernis velfarnaðar og friðar,“ segir ennfremur í tilkynningunni. Vegagerðin sendi aftur á móti frá sér tilkynningu vegna málsins í dag. „Ýmsar rangfærslur hafa komið fram um útboðið og halda áfram og því rétt að árétta að flugvélar Norlandair ehf. sem notaðar verða til að sinna þeirri þjónustu sem boðin var út standast allar kröfur útboðsins,“ segir í tilkynningu Vegagerðarinnar. Vegagerðinni sé skylt að bjóða flugþjónustu út reglulega og tilgangurinn með opinberum innkaupum af því tagi sé að auka samkeppni með hag almennings að leiðarljósi. „Augljóslega er einnig skylt að taka hagstæðustu tilboðum hverju sinni sem standast þær kröfur sem gerðar eru í útboði og óheimilt er að velja fyrirtæki á þeirri forsendu að það hafi sinnt þjónustunni lengi,“ segir í tilkynningunni. Vegagerðin hafi upphaflega fengið Ríkiskaup til að annast útboðið sem hafi komist að þeirri niðurstöðu að tilboð flugfélagsins Ernis ehf. hafi ekki uppfyllt skilyrði útboðsins og væri því ógilt. Því hafi Ríkiskaup talið rétt að semja við Norlandair um alla leggina sem boðnir voru út. „Flugfélag Austurlands ehf. stóðst ekki útboðskröfur og gat aldrei komið til álita. Vegagerðin tók við útboðinu og nýtti heimildir til þess að heimila bjóðendum að leggja fram viðbótargögn og frekari skýringar. Erni var ítrekað gefið slíkt tækifæri,“ segir í tilkynningu Vegagerðarinnar. Að fengnum viðbótarupplýsingum frá Erni hafi tilboð fyrirtækisins verið metið gilt og Erni þá boðinn samningur um annan af tveimur hlutum útboðsins enda hafi fyrirtækið boðið lægst í þeim hluta útboðsins, rétt eins og Norlandair hafi verið lægstbjóðandi að hinum hlutanum, en flugleiðirnar um Bíldudal og Gjögur voru boðnar út saman en flugleiðin á Hornafjörð sér. Þrátt fyrir yfirlýsingu Vegagerðarinnar stendur Flugfélagið Ernir óhaggað við þá afstöðu sína að lög hafi verið brotin. Vegagerðin reyni að túlka niðurstöðu kærunefndar sér í hag en fullyrðingar Vegagerðarinnar standist ekki, að því er haldið fram í fréttatilkynningu frá Erni. „Næstkomandi mánudag, 16. nóvember 2020, lýkur þjónustu Ernis ehf. á flugleiðinni á milli Reykjavíkur og Gjögurs og milli Reykjavíkur og Bíldudals samkvæmt ákvörðun Vegagerðarinnar. Það ríkir sorg og eftirsjá í félaginu við þessi þáttaskil, sem eru tilkomin vegna ógildrar stjórnsýslu, en um leið er Vestfirðingum þakkað fyrir samstarfið og óskað alls hins besta með vonum um að úr rætist,“ að því er segir í tilkynningu Ernis í gær. Fréttin hefur verið uppfærð með viðbrögðum flugfélagsins Ernis og Norlandair við tilkynningu Vegagerðarinnar. Samgöngur Fréttir af flugi Vesturbyggð Árneshreppur Byggðamál Mest lesið Óttast að áætlanir ráðherra muni fækka leigubílstjórum Innlent Fundu Guð í App store Erlent Eiga eftir að ráða tólf starfsmenn svo hægt sé að opna allar deildir Innlent Segja áform ráðherra grafa undan þjónustu Innlent Sumarfríið allt of langt fyrir þau börn sem eingangra sig félagslega Innlent Skorast ekki undan ábyrgð vilji flokksmenn nýjan oddvita Innlent Nýburar fæðast í nikótínfráhvörfum Innlent Aðalsteinn volgur og Björg orðuð við oddvitann Innlent SUS gefur fundarmönnum bol í anda Charlies Kirk Innlent „Fólk hefur hætt eða nánast verið bolað úr starfi síðan hún tók við“ Innlent Fleiri fréttir Sumarfríið allt of langt fyrir þau börn sem eingangra sig félagslega Segja áform ráðherra grafa undan þjónustu Óttast að áætlanir ráðherra muni fækka leigubílstjórum Ekki eigi að stjórna borginni út frá „pólitískri kreddu“ Eiga eftir að ráða tólf starfsmenn svo hægt sé að opna allar deildir Skorast ekki undan ábyrgð vilji flokksmenn nýjan oddvita Nýburar fæðast í nikótínfráhvörfum Skipulagsbreytingar á framhaldsskólastigi í vændum Mæður sem taka í vörina á meðgöngu og missáttir leigubílstjórar Björn strax hættur í íþróttaráði: „Þetta var bara prinsippmál“ SUS gefur fundarmönnum bol í anda Charlies Kirk Eins og löglærður forstjóri spítala væri að skera upp sjúklinga Aðalsteinn volgur og Björg orðuð við oddvitann Eldur í ruslageymslu á Selfossi Segist hafa flækst í umfangsmikið fíkniefnamál fyrir hreina tilviljun Annar oddviti L-listans á Akureyri hættir í bæjarstjórn Ók á fimm til sex kyrrstæða bíla Næsta skref að tryggja að próf leigubílstjóra verði alfarið á íslensku „Fólk hefur hætt eða nánast verið bolað úr starfi síðan hún tók við“ Tilkynntur til lögreglu Flóamenn taka fálega í þreifingar Árborgara Óveðurský yfir Sólheimum og deilt á ríkisendurskoðanda Meirihluti vill flugvöllinn áfram í Vatnsmýri Táningar reka veitingastað: „Maður verður að hafa fyrir lífinu“ Stöðvarskyldan snýr aftur: Eykur öryggi farþega og neytendavernd Hildur vill leiða áfram en Guðlaugur loðinn í svörum „Þegar þú verður ráðherra verður þú að tala af ábyrgð“ Ekkert bólaði á ræðumanni Biðin eftir leikskólaplássi kostaði móður vinnuna Lýsti sjálfsvígshugsunum í pontu Alþingis Sjá meira
Vegagerðin segir að stofnunin hafi ekki brotið lög þegar gengið var frá samningum við Norlandair ehf. um flug til Bíldudals og Gjögurs. Ýmsar rangfærslur hafi þó verið á kreiki um málið. Beðið hafi verið eftir afstöðu kærunefndar útboðsmála áður en gengið hafi verið til samninga. Þetta kemur fram í tilkynningu frá Vegagerðinni í dag þar sem segir að kærunefndin hafi heimilað samningsgerðina og þar af leiðandi séu samningarnir lögmætir. Fram kom í fréttum fyrr í vikunni að kærunefnd útboðsmála telji að Vegagerðin hafi brotið gegn lögum um opinber innkaup með samningum sínum við Norlandair um flugleiðir til og frá Bíldudal. Bæjarstjóri Vesturbyggðar lýsti jafnframt áhyggjum af því að verið sé að skerða þjónustu á Vestfjörðum. Flugfélagið Ernir hafði kært fyrri ákvörðun Vegagerðarinnar um að semja við Norlandair um þá leggi sem boðnir voru út með vísan til þess að vélar þeirra uppfylli ekki þau skilyrði sem lögð hafi verið til grundvallar í útboðinu. Þessu mótmælir Norlandair í tilkynningu sem félagið sendi frá sér í gær. „Flugvélakostur Norlandair og fjárhagshæfi uppfyllir öll skilyrði útboðsins og er hafið yfir vafa,“ segir í tilkynningu Norlandair. „Það er sorglegt að þurfa að bera til baka ítrekaðar rangfærslur eftir þátttöku í opinberu útboði. Til þess er stjórnsýslufarvegur og treystum við því að þar sé allt gert á eðlilegan og faglegan hátt. Að endingu óskum við Herði Guðmundssyni og starfsfólki flugfélagsins Ernis velfarnaðar og friðar,“ segir ennfremur í tilkynningunni. Vegagerðin sendi aftur á móti frá sér tilkynningu vegna málsins í dag. „Ýmsar rangfærslur hafa komið fram um útboðið og halda áfram og því rétt að árétta að flugvélar Norlandair ehf. sem notaðar verða til að sinna þeirri þjónustu sem boðin var út standast allar kröfur útboðsins,“ segir í tilkynningu Vegagerðarinnar. Vegagerðinni sé skylt að bjóða flugþjónustu út reglulega og tilgangurinn með opinberum innkaupum af því tagi sé að auka samkeppni með hag almennings að leiðarljósi. „Augljóslega er einnig skylt að taka hagstæðustu tilboðum hverju sinni sem standast þær kröfur sem gerðar eru í útboði og óheimilt er að velja fyrirtæki á þeirri forsendu að það hafi sinnt þjónustunni lengi,“ segir í tilkynningunni. Vegagerðin hafi upphaflega fengið Ríkiskaup til að annast útboðið sem hafi komist að þeirri niðurstöðu að tilboð flugfélagsins Ernis ehf. hafi ekki uppfyllt skilyrði útboðsins og væri því ógilt. Því hafi Ríkiskaup talið rétt að semja við Norlandair um alla leggina sem boðnir voru út. „Flugfélag Austurlands ehf. stóðst ekki útboðskröfur og gat aldrei komið til álita. Vegagerðin tók við útboðinu og nýtti heimildir til þess að heimila bjóðendum að leggja fram viðbótargögn og frekari skýringar. Erni var ítrekað gefið slíkt tækifæri,“ segir í tilkynningu Vegagerðarinnar. Að fengnum viðbótarupplýsingum frá Erni hafi tilboð fyrirtækisins verið metið gilt og Erni þá boðinn samningur um annan af tveimur hlutum útboðsins enda hafi fyrirtækið boðið lægst í þeim hluta útboðsins, rétt eins og Norlandair hafi verið lægstbjóðandi að hinum hlutanum, en flugleiðirnar um Bíldudal og Gjögur voru boðnar út saman en flugleiðin á Hornafjörð sér. Þrátt fyrir yfirlýsingu Vegagerðarinnar stendur Flugfélagið Ernir óhaggað við þá afstöðu sína að lög hafi verið brotin. Vegagerðin reyni að túlka niðurstöðu kærunefndar sér í hag en fullyrðingar Vegagerðarinnar standist ekki, að því er haldið fram í fréttatilkynningu frá Erni. „Næstkomandi mánudag, 16. nóvember 2020, lýkur þjónustu Ernis ehf. á flugleiðinni á milli Reykjavíkur og Gjögurs og milli Reykjavíkur og Bíldudals samkvæmt ákvörðun Vegagerðarinnar. Það ríkir sorg og eftirsjá í félaginu við þessi þáttaskil, sem eru tilkomin vegna ógildrar stjórnsýslu, en um leið er Vestfirðingum þakkað fyrir samstarfið og óskað alls hins besta með vonum um að úr rætist,“ að því er segir í tilkynningu Ernis í gær. Fréttin hefur verið uppfærð með viðbrögðum flugfélagsins Ernis og Norlandair við tilkynningu Vegagerðarinnar.
Samgöngur Fréttir af flugi Vesturbyggð Árneshreppur Byggðamál Mest lesið Óttast að áætlanir ráðherra muni fækka leigubílstjórum Innlent Fundu Guð í App store Erlent Eiga eftir að ráða tólf starfsmenn svo hægt sé að opna allar deildir Innlent Segja áform ráðherra grafa undan þjónustu Innlent Sumarfríið allt of langt fyrir þau börn sem eingangra sig félagslega Innlent Skorast ekki undan ábyrgð vilji flokksmenn nýjan oddvita Innlent Nýburar fæðast í nikótínfráhvörfum Innlent Aðalsteinn volgur og Björg orðuð við oddvitann Innlent SUS gefur fundarmönnum bol í anda Charlies Kirk Innlent „Fólk hefur hætt eða nánast verið bolað úr starfi síðan hún tók við“ Innlent Fleiri fréttir Sumarfríið allt of langt fyrir þau börn sem eingangra sig félagslega Segja áform ráðherra grafa undan þjónustu Óttast að áætlanir ráðherra muni fækka leigubílstjórum Ekki eigi að stjórna borginni út frá „pólitískri kreddu“ Eiga eftir að ráða tólf starfsmenn svo hægt sé að opna allar deildir Skorast ekki undan ábyrgð vilji flokksmenn nýjan oddvita Nýburar fæðast í nikótínfráhvörfum Skipulagsbreytingar á framhaldsskólastigi í vændum Mæður sem taka í vörina á meðgöngu og missáttir leigubílstjórar Björn strax hættur í íþróttaráði: „Þetta var bara prinsippmál“ SUS gefur fundarmönnum bol í anda Charlies Kirk Eins og löglærður forstjóri spítala væri að skera upp sjúklinga Aðalsteinn volgur og Björg orðuð við oddvitann Eldur í ruslageymslu á Selfossi Segist hafa flækst í umfangsmikið fíkniefnamál fyrir hreina tilviljun Annar oddviti L-listans á Akureyri hættir í bæjarstjórn Ók á fimm til sex kyrrstæða bíla Næsta skref að tryggja að próf leigubílstjóra verði alfarið á íslensku „Fólk hefur hætt eða nánast verið bolað úr starfi síðan hún tók við“ Tilkynntur til lögreglu Flóamenn taka fálega í þreifingar Árborgara Óveðurský yfir Sólheimum og deilt á ríkisendurskoðanda Meirihluti vill flugvöllinn áfram í Vatnsmýri Táningar reka veitingastað: „Maður verður að hafa fyrir lífinu“ Stöðvarskyldan snýr aftur: Eykur öryggi farþega og neytendavernd Hildur vill leiða áfram en Guðlaugur loðinn í svörum „Þegar þú verður ráðherra verður þú að tala af ábyrgð“ Ekkert bólaði á ræðumanni Biðin eftir leikskólaplássi kostaði móður vinnuna Lýsti sjálfsvígshugsunum í pontu Alþingis Sjá meira