Sport

Þakkaði fyrir að gera æfinguna erfiðari og rúllaði henni síðan upp

Óskar Ófeigur Jónsson skrifar
Katrín Tanja Davíðsdóttir með fólkinu sem komst á pall á heimsleikunum í CrossFit. Dave Castro er þarna að taka sjálfu af sér og verðlaunahópnun. Katrín Tanja þakkaði Dave einmitt fyrir þegar hann tvöfaldaði lokaæfingu fyrsta dagsins í miðri æfingu en íslenska CrossFit konan stakk allar stelpurnar af eftir það.
Katrín Tanja Davíðsdóttir með fólkinu sem komst á pall á heimsleikunum í CrossFit. Dave Castro er þarna að taka sjálfu af sér og verðlaunahópnun. Katrín Tanja þakkaði Dave einmitt fyrir þegar hann tvöfaldaði lokaæfingu fyrsta dagsins í miðri æfingu en íslenska CrossFit konan stakk allar stelpurnar af eftir það. Instagram/@crossfitgames

Þjálfari Katrínar Tönju Davíðsdóttur,  Ben Bergeron, var ekki í neinum vafa um hver var uppáhaldsæfingin hans var á nýloknum heimsleikum í CrossFit.

Íslenska CrossFit konan Katrín Tanja Davíðsdóttir vann enn á ný hug og hjörtu fólks á heimsleikunum með jákvæðu hugarfari og einstöku keppnisskapi. Hvergi kom þetta betur fram en í æfingu þegar flestir keppendur misstu móðinn.

Katrín Tanja Davíðsdóttir leit ekki til baka á heimsleikunum á dögunum eftir sigur sinn í lokagrein fyrsta dagsins. Æfingin var Ranch Loop eða Búgarðshlaupið í beinni þýðingu.

Þetta var þriggja mílu víðavangshlaup upp um holt, hæðir og dali CrossFit búgarðsins. Eða þetta þátti að vera þriggja mílna hlaup. Það breyttist skyndilega í miðri keppni.

Katrín Tanja og hinar keppendurnir í karla- og kvennaflokki voru þarna að klára fimmtu greinina á svakalega krefjandi degi.

Þegar keppendurnir komu í markið eftir þessar þrjár mílur (4,8 kílómetrar) og héldu að þessi hrikalega erfiði keppnisdagur væri loksins á enda þá fengu þeir sjokkerandi fréttir. Jú þau voru bara hálfnuð.

Katrín Tanja Davíðsdóttir var ekki meðal þeirra fyrstu eftir fyrri hringinn en efldist öll við fréttirnar og stakk síðan allar stelpurnar af.

Þegar þjálfari hennar Ben Bergeron var beðinn um að velja uppáhaldsgreinina sína á heimsleikunum þá var hann fljótur að velja víðavangshlaupið þar sem Katrín Tanja sýndi svona svakalegan mikinn andlegan styrk.

„Uppáhaldsmómentið mitt var þegar Dave Castro kom öllum á óvart með því að bæta þremur mílum við víðavangshlaupið og hvernig Katrín Tanja sá það mótlæti sem tækifæri sem það auðvitað var. Hún gerði meira en það því hún þakkaði Dave fyrir þegar hann sagði henni frá þessu. Hún fór síðan af stað og rústaði seinni hringnum. Þetta voru þáttaskil hjá henni á heimsleikunum,“ sagði Ben Bergeron en orðin hans voru birt á Instagram síðu CompTrain.

Eins og við höfum fjallað vel um hér á Vísi þá hefur þjálfari Katrínar Tönju unnið mikið með andlega þáttinn á æfingum hennar í sumar. Hann reyndi oft að gera hlutina erfiðari fyrir hana eins og sem dæmi að henda yfir hana ryki og drullu þegar hún var í miðri þolæfingu.

Það er auðvitað erfitt að búa til magnað hugarfar eins og Katrín Tanja er með en það er ljóst að Ben Bergeron hefur gert vel í að rækta það upp.

Það má sjá færsluna hér fyrir ofan og hér fyrir neðan má síðan sjá upptökuna frá þessari fimmtu og síðustu grein á degi eitt.

Fram að þessari fimmtu grein þá hafði Katrín Tanja Davíðsdóttir endaði í fimmta og fjórða sæti í greinunum á undan. Hún þurfti að gera eitthvað sérstakt og hún gerði það. Eftir þessa frábæru frammistöðu endaði Katrín Tanja bara einu sinni neðar en í þriðja sætið í síðustu sjö greinum keppninnar.

Katrín Tanja endaði á að tryggja sér annað sætið í lokagreininni sem var önnur martraðargrein í lok erfiðs dags. Katrín fékk á endanum 665 stig, vann silfurverðlaun og endaði 80 stigum á undan þriðja sætinu.


Tengdar fréttir




Fleiri fréttir

Sjá meira


×