75 leik- og grunnskólabörn í Reykjavík smituð

Lillý Valgerður Pétursdóttir skrifar 30. október 2020 11:08

Tekist hefur að halda skólastarfi að mestu óbreyttu síðustu vikurnar þrátt fyrir kórónuveirufaraldurinn. Vísir/Sigurjón

Fjórtán börn í leikskólum Reykjavíkur eru með staðfest kórónuveirusmit og sextíu og eitt barn í grunnskóla. Þetta er þó aðeins lítill minnihluti barna í skólunum eða 0,22% allra leikskólabarna og 0,4% allra grunnskólabarna.

Hingað til hafa börn fædd 2005 og síðar verið undanskilin að mestu undan þeim reglum sem í gildi eru vegna sóttvarnaraðgerða. Skólastarf í grunn- og leikskólum hefur því að miklu leyti getað farið fram með óbreyttu sniði. Þórólfur Guðnason sóttvarnalæknir hefur þó sagt að til greina komi að herða reglurnar gagnvart skólastarfi.

Hópsýking kom upp í Ölduselsskóla í síðustu viku en um þrjátíu nemendur og starfsmenn skólans hafa smitast af veirunni.

Nú eru 47 börn á leikskólum í Reykjavík í sóttkví eða 0,72% allra leikskólabarna í Reykjavík. Þá eru 98 börn í grunnskólum í sóttkví eða 0,64% allra grunnskólabarna í Reykjavík.

Faraldur kórónuveiru (COVID-19) Skóla - og menntamál Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.