Fjörutíu í sóttkví eftir smit á Fífuborg

Kristín Ólafsdóttir skrifar 13. október 2020 14:46

Leikskólinn Fífuborg í Grafarvogi. Reykjavíkurborg

Um þrjátíu börn og níu starfsmenn á leikskólanum Fífuborg í Grafarvogi eru í sóttkví eftir að starfsmaður leikskólans greindist með kórónuveiruna.

Þetta kemur fram í svari Sigrúnar Björnsdóttur upplýsingafulltrúa skóla- og frístundasviðs Reykjavíkurborgar í svari við fyrirspurn Vísis. Börnin sem eru í sóttkví eru á aldrinum þriggja til sex ára.

Samkvæmt upplýsingum frá leikskólanum þurftu tvær tvær deildir að fara í úrvinnslusóttkví. Þá fari tvær deildir í skimun á föstudag.

Þá hafa tveir nemendur í Háteigsskóla greinst með kórónuveiruna. Enginn starfsmaður eða nemandi í skólanum er þó lengur í sóttkví.

Fram kemur í frétt Ríkisútvarpsins í dag að hátt í 900 börn í leik- og grunnskólum Reykjavíkur séu nú í sóttkví. Sjö leikskólabörn hafi greinst með veiruna og 34 grunnskólabörn. Þá hafi smit komið upp í 25 af 44 grunnskólum borgarinnar og í tíu af 88 leikskólum.

Fréttin hefur verið uppfærð.

Faraldur kórónuveiru (COVID-19) Skóla - og menntamál Reykjavík

Tengdar fréttir

Þrír árgangar í Árbæjarskóla sendir heim

Um 160 börn í Árbæjarskóla eru komin í úrvinnslusóttkví eftir að nemandi í skólanum greindist með Covid-19 smit.

13. október 2020 13:04

Hamrén og allt starfslið landsliðsins í sóttkví

Starfslið íslenska karlalandsliðsins í fótbolta er komið í sóttkví.

13. október 2020 14:31

Á annað hundrað í sóttkví í Garðabæ eftir smit

Nemendur í 1. og 2. bekk í Hofsstaðaskóla í Garðabæ eru komnir í sóttkví eftir að kórónuveirusmit sem veldur Covid-19 kom upp hjá nemanda. Þá eru starfsmenn í Regnboganum, Frístundaheimili skólans, sömuleiðis komnir í sóttkví af sömu ástæðu.

13. október 2020 11:19

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.