Lífið

Fimmtíu þúsund lítrar af rauðvíni til spillis á Spáni

Stefán Árni Pálsson skrifar
Rosalegt myndband sem gengur eins og eldur í sinu um netheima. 
Rosalegt myndband sem gengur eins og eldur í sinu um netheima. 

Töluverð hætta skapaðist í brugghúsinu Vitivinos á dögunum en starfsemin er staðsett í borginni Villamalea á Spáni, um 150 kílómetra vestan af Valencia.

Þar er rauðvín bruggað í tonnavís og það í risastórum tönkum. Á dögunum sprakk einn tankurinn með þeim afleiðingum að fimmtíu þúsund lítrar af rauðvíni flæddu út um allt.

Myndband af atvikinu er heldur betur vinsælt á samfélagsmiðlum og tala þar margir um að atvikið sé mikil synd, að sjá svo mikið rauðvín fara til spillis.

Það var útvarpsstöðin Radio Albacete sem deildi fyrst myndbandi af atvikinu en síðan þá hafa margar milljónir horft á myndbandið út um allt á veraldarvefnum.

Hér að neðan má sjá myndbandið.

 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.