Úrkomuviðvörun á Suðausturlandi og Austfjörðum

Margrét Helga Erlingsdóttir skrifar 29. september 2020 17:22

Búast má við auknu afrennsli og vatnavöxtum í ám og lækjum sem eykur hættu á flóðum og skriðuföllum. Slíkt getur valdið tjóni og raskað samgöngum. Vísir/Getty

Veðurstofa Íslands hefur gefið út gula viðvörun vegna talsverðrar úrkomu sem spáð er á Suðausturlandi og á Austfjörðum í kvöld.

Búast má við auknu afrennsli og vatnavöxtum í ám og lækjum sem eykur hættu á flóðum og skriðuföllum og getur valdið tjóni og raskað samgöngum. Einnig er aukið álag á fráveitukerfi. Fólk er hvatt til að huga að niðurföllum til að forðast vatnstjón.

Ferðafólk er beðið um að sýna sérstaka aðgát við vatnsföll og undir bröttum hlíðum.

Viðvörunin tekur gildi klukkan 18.00 á Suðausturlandi í kvöld en klukkan 21.00 á Austfjörðum. Þær renna báðar út síðdegis á morgun.

Veður

Tengdar fréttir

„Ekkert lát á lægðum í dag og á morgun“

Það eru þrjár lægðir á leiðinni til okkar að því er fram kemur í hugleiðingum veðurfræðings á vef Veðurstofu Íslands nú í morgunsárið.

29. september 2020 07:30

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.