Snæfell hættir rétt fyrir mót | Erfiðleikar í rekstri og mönnun

Sindri Sverrisson skrifar 28. september 2020 08:00

Snæfell var besta lið landsins fyrir áratug en hefur leikið í næstefstu deild síðustu þrjú tímabil. Mynd/Daníel

Karlalið Snæfells, sem varð Íslands- og bikarmeistari í körfubolta fyrir tíu árum, hefur dregið lið sitt úr keppni í 1. deild en leiktíðin þar hefst á föstudagskvöld.

Þetta kemur fram í yfirlýsingu körfuknattleiksdeildar Snæfells þar sem einnig kemur fram að ákvörðunin hafi ekki áhrif á kvennalið félagsins sem byrjaði í síðustu viku leiktíð sína í Dominos-deildinni.

Karlalið Snæfells féll úr Dominos-deildinni árið 2017. Í yfirlýsingu körfuknattleiksdeildar félagsins segir að ákvörðunin um að leggja liðið niður tímabundið sé tekin með sorg í hjarta:

„Ákvörðunin var erfið, eins og gefur að skilja, en við höfum átt í miklum erfiðleikum með að manna liðið og erfiðleikar í rekstri hjálpa ekki. KKD. Snæfells á því engra annara kosta völ en að draga liðið úr keppni,“ segir í yfirlýsingunni.

Ko rfuknattleiksdeild Snæfells tilkynnir, með sorg i hjarta en hag fe lagsins i huga, að a kveðið hefur verið að...
Posted by Körfuknattleiksdeild Snæfells on Sunnudagur, 27. september 2020

Íslenski körfuboltinn Snæfell Stykkishólmur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.