Leiðtogar ólíkra sjónarmiða í Víglínunni

Fyrsta Víglína vetrarins verður í opinni dagskrá á Stöð 2 og Vísi klukkan 17:40. Heimir Már Pétursson, fréttamaður, fær til sín Katrínu Jakobsdóttur, forsætisráðherra, í fyrri hluta þáttarins. Þorgerður Katrín Gunnarsdóttir, formaður Viðreisnar, og Sigmundur Davíð Gunnlaugsson, formaður Miðflokksins, takast á í seinni hlutanum.

Það stefnir í átakameira þing á komandi vetri en síðastliðinn vetur og vor enda síðustu forvöð að koma stórum málum á dagskrá fyrir alþingiskosningarnar næsta haust. Viðreisn og Miðflokkurinn héldu stóra fundi um helgina. Viðreisn fyrri hluta landsþings og Miðflokkurinn flokksráðsfund þar sem mjög ólík framtíðarsýn flokkanna kom skýrt fram.

Víglínan er í opinni dagskrá á Stöð 2 og Vísi klukkan 17:40.