Innlent

Kom í heiminn á slökkviliðsstöðinni

Kjartan Kjartansson skrifar
Slökkviliðið birti þessa mynd af stúlkunni sem flýtti sér í heiminn í Skógarhlíðinni með leyfi foreldranna.
Slökkviliðið birti þessa mynd af stúlkunni sem flýtti sér í heiminn í Skógarhlíðinni með leyfi foreldranna. Slökkviliðið á höfuðborgarsvæðinu

Lítið stúlkubarn kom í heiminn í bílasal slökkviliðsstöðvarinnar í Skógarhlíð í gærkvöldi. Ljósmóðir hafði ráðlagt foreldrunum að koma þar við þegar þeir sáu ekki fram á að ná í tæka tíð á sjúkrahús.

Slökkviliðsmenn tóku á móti foreldrunum í bílasal slökkviliðsstöðvarinnar og aðstoðuðu móðurina úr bíl sínum og á sjúkrabörur, að því er segir í Facebook-færslu slökkviliðsins á höfuðborgarsvæðinu. Hlutirnir hafi gerst hratt þegar konunni var komið í sjúkrabíl. Tveimur mínútum síðar hafi myndarstúlka fæðst í sjúkrabílnum inni á stöðinni, á slaginu klukkan 20:00.

Móður og dóttur heilsast vel og var fjölskyldan flutt á fæðingardeild.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.