Enski boltinn

Grínaðist með að hann þyrfti að koma aftur fram á nærbuxunum ef Leicester yrði meistari

Ingvi Þór Sæmundsson skrifar
Gary Lineker með Englandsmeistarabikarinn sem Leicester City vann fyrir fjórum árum.
Gary Lineker með Englandsmeistarabikarinn sem Leicester City vann fyrir fjórum árum. getty/Plumb Images

Frægt er þegar Gary Lineker kom fram á nærbuxum einum klæða í Match of the Day fyrir fjórum árum.

Lineker lofaði því að koma fram á nærbuxunum ef liðið hans, Leicester City, yrði Englandsmeistari. Refirnir komu öllum á óvart, unnu ensku úrvalsdeildina og Lineker þurfti að standa við stóru orðin.

Leicester hefur unnið báða leiki sína í ensku úrvalsdeildinni til þessa og í Match of the Day í gær grínaðist Lineker með að hann gæti þurft að endurtaka nærbuxnaleikinn frá 2016.

„Leicester er á toppnum, best að þvo nærbuxurnar,“ sagði Lineker og glotti.

Í gær vann Leicester 4-2 sigur á Burnley á King Power vellinum. Um síðustu helgi sigraði Leicester nýliða West Brom, 0-3, á The Hawthornes.

Tveir erfiðir leikir bíða Leicester. Refirnir mæta Arsenal í enska deildabikarnum á miðvikudaginn og Manchester City í ensku úrvalsdeildinni á sunnudaginn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.