Biðla til þeirra sem voru á Irishman Pub síðasta föstudagskvöld að skrá sig í sýnatöku Sunna Kristín Hilmarsdóttir skrifar 17. september 2020 17:57 Víðir Reynisson. Vísir/Vilhelm Víðir Reynisson, yfirlögregluþjónn hjá almannavarnadeild ríkislögreglustjóra, biðlar til þeirra sem voru á barnum Irishman Pub síðastliðið föstudagskvöld á milli klukkan 16 og 23, og hafa ekki farið í sýnatöku vegna kórónuveirunnar eða verið í samskiptum vegna sóttkvíar, að skrá sig í sýnatöku þegar það verður gert mögulegt inni á Heilsuveru á morgun. Tólf þeirra sem greinst hafa með kórónuveiruna síðustu daga eiga það sameiginlegt að hafa sótt Irishman Pub síðastliðið föstudagskvöld. Þessir tólf einstaklingar tengjast ekki allir innbyrðis en í nokkrum tilfellum eru tengsl á milli einstaklinga. „Við erum að fara að senda beiðni frá okkur til þeirra sem voru á Irishman Pub á föstudagskvöldið og gerum það í samvinnu við eigendurna. Á morgun verður hægt að skrá sig í gegnum Heilsuveru í sýnatöku og við erum að hvetja þá sem voru þar síðasta föstudag milli kl. 16 og 23 og hafa ekki verið í sýnatöku eða samskiptum við okkur vegna sóttkvíar eða annað slíkt að skrá sig í sýnatöku. Þetta verður valkostur sem verður í boði,“ sagði Víðir í Reykjavík síðdegis í dag. Tilkynningu frá Almannavörnum vegna málsins má sjá hér fyrir neðan: Sóttvarnalæknir og almannavarnadeild ríkislögreglustjóra hafa í samráði við eigendur The Irishman Pub, Klapparstíg 27 ákveðið að greina frá nafni veitingastaðarins þar sem talið er að fjöldi fólks hafi verið útsett fyrir COVID-19 smiti föstudagskvöldið 11. september síðastliðinn. Rétt er að taka fram að ekkert bendir til þess að sóttvörnum hafi verið áfátt á veitingastaðnum sem um ræðir. Hætta á smiti er ávallt til staðar þar sem fjöldi fólks kemur saman. Nauðsynlegt er að hafa uppi á þeim sem þar voru til þess að koma í veg fyrir frekar útbreiðslu veirunnar. Er þeim sem sóttu ofangreindan stað umræddan dag á milli klukkan 16:00 og 23:00 því boðið að mæta í sýnatöku. Á morgun, föstudaginn 18. september, geta þeir sem þar voru farið á heimasíðuna wwww.heilsuvera.is og skráð sig í sýnatöku. Sóttvarnalæknir og almannavarnir biðla til þeirra sem sóttu ofangreindan stað á umræddum degi að hafa hægt um sig þar til sýnataka hefur farið fram og neikvæð niðurstaða liggur fyrir. Helstu einkenni veirunnar eru: Hiti Hósti Bein- og vöðvaverkir og þreyta. Meltingareinkenni (kviðverkir,ógleði/uppköst, niðurgangur) eru ekki mjög áberandi með COVID-19 en eru þó þekkt. Breyting eða tap á bragð- og lyktarskyni er lýst hjá 20–30% sjúklinga. Arnar Þór Gíslason er eigandi Irishman Pub og nokkurra annarra skemmtistaða í miðbæ Reykjavíkur. Hann var einnig í viðtali í Reykjavík síðdegis í dag og setti þar stórt spurningamerki við að veitingastaðir séu nefndir reglulega í tengslum við kórónuveirusmit sem koma upp hér á landi. Ekki væri talað um það þegar smit kæmi mögulega upp í Smáralind, Kringlunni, Bónus, Hagkaup, bensínstöðvum eða annars staðar. „Mér finnst magnað af þríeykinu að segja veitingastaður þegar í raun einn maður, sem vinnur í risastórufyrirtæki úti í bæ, kemur inn og fær sér eina bjórkollu. Þeir segja, hann greindist inn á einum bar. Hann gerði það ekki. Hann smitaðist annars staðar. Annars væri fyrirtækið hans ekki í sóttkví,“ sagði Arnar Þór. Víðir var spurður að því í Reykjavík síðdegis hvort ósanngjarnt væri að bendla þetta við veitingastað þegar um væri að ræða vinnustað eða samstarfsmenn. „Ég átti gott samtal áðan við Arnar þar sem við fórum aðeins yfir þetta en þetta er bara þannig að þetta er í sjálfu sér óheppni að þessi smit séu líklega að fara fram þarna. Þetta er sem sagt ekki bara einn vinnustaður, þetta eru nokkrir ótengdir einstaklingar sem eiga það sameiginlegt að hafa komið inn á þennan stað. Það er ekkert að hjá staðnum; þeir eru með allt sitt á hreinu og uppfylla allar sóttvarnareglur og þetta er ekki smit frá starfsfólki til viðskiptavina eða neitt slíkt. Það er alveg rétt hjá honum en þetta er staðan, að það verður þarna smit á milli ótengdra einstaklinga inni á þessum stað og það er heiðarlegt af honum að koma fram og nefna þetta. Þeir hafa verið mjög hjálplegir í smitrakningunni og hafa staðið sig mjög vel í því og þeir eru bara óheppnir að lenda í þessu. En þetta hefur ekkert með þeirra rekstur að gera og þeir eru bara að standa sig vel við erfiðar aðstæður,“ sagði Víðir. Fréttin hefur verið uppfærð. Faraldur kórónuveiru (COVID-19) Næturlíf Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Samfélagið í áfalli vegna málsins Innlent Minnstu smáatriði úthugsuð og til þess gerð að skapa hughrif Innlent „Algjörlega forkastanlegt“ ef stjórnvöld svari ekki beiðninni Innlent Forsetavaktin 2024: Hver verður sjöundi forseti lýðveldisins? Innlent „Mig langaði bara að drepa þennan mann“ Innlent Aðskilnaðarsinnar að missa þingmeirihluta í Katalóníu Erlent Ragnar Freyr segist hreinsaður af sök Innlent „Hann hættir bara ekki” Innlent Vilja bæta íslenskukennslu fyrir innflytjendur Innlent Sauð upp úr milli bónda og dýraverndunarsinna Innlent Fleiri fréttir „Algjörlega forkastanlegt“ ef stjórnvöld svari ekki beiðninni Minnstu smáatriði úthugsuð og til þess gerð að skapa hughrif Samfélagið í áfalli vegna málsins Vilja bæta íslenskukennslu fyrir innflytjendur Ragnar Freyr segist hreinsaður af sök Læknir segir að brottvísun muni ógna lífi sjúklings „Er réttur þinn eða mannréttindi að einhver annar deyði þig?“ Kviknaði í bragga á Egilsstöðum Bíó og plokkfiskur á Patreksfirði um hvítasunnuhelgina Meint fjárkúgun, frelsissvipting og líkamsárás Rannsaka alvarlegt ofbeldisbrot í Árnessýslu Pólitíkin, dánaraðstoð, NATO og kosningar á Sprengisandi „Mig langaði bara að drepa þennan mann“ Grunaðir um rán í miðbænum Aðrir frambjóðendur en efstu tveir eigi töluvert langt í land Sauð upp úr milli bónda og dýraverndunarsinna Kappræðurnar höfðu talsverð áhrif á kjósendur Forréttindi að fá að fylgja fólki í gegnum erfiðasta tíma lífsins Vilja breyta fyrirkomulagi við úthlutun plássa „Maður getur varla ímyndað sér hvað þarf að koma til“ Handtaka hælisleitenda og brottrekstur Hollands úr Eurovision Hitaveitulögn sprakk í Breiðholti Leita enn að þeim sem réðu barnabarninu bana Rigning í kortunum í kvöld „Hann hættir bara ekki” Hótaði lögregluþjónum og fjölskyldum þeirra Vilja að plássum í sumarfrístund sé útdeilt með sanngjarnari hætti Mótmælendur gegn brottvísun hindruðu för lögreglubíls Gætu verið einhverjar vikur í næsta gos Forsetakosningar á Eyrarbakka – munu sakna buffsins frá Guðna Sjá meira
Víðir Reynisson, yfirlögregluþjónn hjá almannavarnadeild ríkislögreglustjóra, biðlar til þeirra sem voru á barnum Irishman Pub síðastliðið föstudagskvöld á milli klukkan 16 og 23, og hafa ekki farið í sýnatöku vegna kórónuveirunnar eða verið í samskiptum vegna sóttkvíar, að skrá sig í sýnatöku þegar það verður gert mögulegt inni á Heilsuveru á morgun. Tólf þeirra sem greinst hafa með kórónuveiruna síðustu daga eiga það sameiginlegt að hafa sótt Irishman Pub síðastliðið föstudagskvöld. Þessir tólf einstaklingar tengjast ekki allir innbyrðis en í nokkrum tilfellum eru tengsl á milli einstaklinga. „Við erum að fara að senda beiðni frá okkur til þeirra sem voru á Irishman Pub á föstudagskvöldið og gerum það í samvinnu við eigendurna. Á morgun verður hægt að skrá sig í gegnum Heilsuveru í sýnatöku og við erum að hvetja þá sem voru þar síðasta föstudag milli kl. 16 og 23 og hafa ekki verið í sýnatöku eða samskiptum við okkur vegna sóttkvíar eða annað slíkt að skrá sig í sýnatöku. Þetta verður valkostur sem verður í boði,“ sagði Víðir í Reykjavík síðdegis í dag. Tilkynningu frá Almannavörnum vegna málsins má sjá hér fyrir neðan: Sóttvarnalæknir og almannavarnadeild ríkislögreglustjóra hafa í samráði við eigendur The Irishman Pub, Klapparstíg 27 ákveðið að greina frá nafni veitingastaðarins þar sem talið er að fjöldi fólks hafi verið útsett fyrir COVID-19 smiti föstudagskvöldið 11. september síðastliðinn. Rétt er að taka fram að ekkert bendir til þess að sóttvörnum hafi verið áfátt á veitingastaðnum sem um ræðir. Hætta á smiti er ávallt til staðar þar sem fjöldi fólks kemur saman. Nauðsynlegt er að hafa uppi á þeim sem þar voru til þess að koma í veg fyrir frekar útbreiðslu veirunnar. Er þeim sem sóttu ofangreindan stað umræddan dag á milli klukkan 16:00 og 23:00 því boðið að mæta í sýnatöku. Á morgun, föstudaginn 18. september, geta þeir sem þar voru farið á heimasíðuna wwww.heilsuvera.is og skráð sig í sýnatöku. Sóttvarnalæknir og almannavarnir biðla til þeirra sem sóttu ofangreindan stað á umræddum degi að hafa hægt um sig þar til sýnataka hefur farið fram og neikvæð niðurstaða liggur fyrir. Helstu einkenni veirunnar eru: Hiti Hósti Bein- og vöðvaverkir og þreyta. Meltingareinkenni (kviðverkir,ógleði/uppköst, niðurgangur) eru ekki mjög áberandi með COVID-19 en eru þó þekkt. Breyting eða tap á bragð- og lyktarskyni er lýst hjá 20–30% sjúklinga. Arnar Þór Gíslason er eigandi Irishman Pub og nokkurra annarra skemmtistaða í miðbæ Reykjavíkur. Hann var einnig í viðtali í Reykjavík síðdegis í dag og setti þar stórt spurningamerki við að veitingastaðir séu nefndir reglulega í tengslum við kórónuveirusmit sem koma upp hér á landi. Ekki væri talað um það þegar smit kæmi mögulega upp í Smáralind, Kringlunni, Bónus, Hagkaup, bensínstöðvum eða annars staðar. „Mér finnst magnað af þríeykinu að segja veitingastaður þegar í raun einn maður, sem vinnur í risastórufyrirtæki úti í bæ, kemur inn og fær sér eina bjórkollu. Þeir segja, hann greindist inn á einum bar. Hann gerði það ekki. Hann smitaðist annars staðar. Annars væri fyrirtækið hans ekki í sóttkví,“ sagði Arnar Þór. Víðir var spurður að því í Reykjavík síðdegis hvort ósanngjarnt væri að bendla þetta við veitingastað þegar um væri að ræða vinnustað eða samstarfsmenn. „Ég átti gott samtal áðan við Arnar þar sem við fórum aðeins yfir þetta en þetta er bara þannig að þetta er í sjálfu sér óheppni að þessi smit séu líklega að fara fram þarna. Þetta er sem sagt ekki bara einn vinnustaður, þetta eru nokkrir ótengdir einstaklingar sem eiga það sameiginlegt að hafa komið inn á þennan stað. Það er ekkert að hjá staðnum; þeir eru með allt sitt á hreinu og uppfylla allar sóttvarnareglur og þetta er ekki smit frá starfsfólki til viðskiptavina eða neitt slíkt. Það er alveg rétt hjá honum en þetta er staðan, að það verður þarna smit á milli ótengdra einstaklinga inni á þessum stað og það er heiðarlegt af honum að koma fram og nefna þetta. Þeir hafa verið mjög hjálplegir í smitrakningunni og hafa staðið sig mjög vel í því og þeir eru bara óheppnir að lenda í þessu. En þetta hefur ekkert með þeirra rekstur að gera og þeir eru bara að standa sig vel við erfiðar aðstæður,“ sagði Víðir. Fréttin hefur verið uppfærð.
Faraldur kórónuveiru (COVID-19) Næturlíf Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Samfélagið í áfalli vegna málsins Innlent Minnstu smáatriði úthugsuð og til þess gerð að skapa hughrif Innlent „Algjörlega forkastanlegt“ ef stjórnvöld svari ekki beiðninni Innlent Forsetavaktin 2024: Hver verður sjöundi forseti lýðveldisins? Innlent „Mig langaði bara að drepa þennan mann“ Innlent Aðskilnaðarsinnar að missa þingmeirihluta í Katalóníu Erlent Ragnar Freyr segist hreinsaður af sök Innlent „Hann hættir bara ekki” Innlent Vilja bæta íslenskukennslu fyrir innflytjendur Innlent Sauð upp úr milli bónda og dýraverndunarsinna Innlent Fleiri fréttir „Algjörlega forkastanlegt“ ef stjórnvöld svari ekki beiðninni Minnstu smáatriði úthugsuð og til þess gerð að skapa hughrif Samfélagið í áfalli vegna málsins Vilja bæta íslenskukennslu fyrir innflytjendur Ragnar Freyr segist hreinsaður af sök Læknir segir að brottvísun muni ógna lífi sjúklings „Er réttur þinn eða mannréttindi að einhver annar deyði þig?“ Kviknaði í bragga á Egilsstöðum Bíó og plokkfiskur á Patreksfirði um hvítasunnuhelgina Meint fjárkúgun, frelsissvipting og líkamsárás Rannsaka alvarlegt ofbeldisbrot í Árnessýslu Pólitíkin, dánaraðstoð, NATO og kosningar á Sprengisandi „Mig langaði bara að drepa þennan mann“ Grunaðir um rán í miðbænum Aðrir frambjóðendur en efstu tveir eigi töluvert langt í land Sauð upp úr milli bónda og dýraverndunarsinna Kappræðurnar höfðu talsverð áhrif á kjósendur Forréttindi að fá að fylgja fólki í gegnum erfiðasta tíma lífsins Vilja breyta fyrirkomulagi við úthlutun plássa „Maður getur varla ímyndað sér hvað þarf að koma til“ Handtaka hælisleitenda og brottrekstur Hollands úr Eurovision Hitaveitulögn sprakk í Breiðholti Leita enn að þeim sem réðu barnabarninu bana Rigning í kortunum í kvöld „Hann hættir bara ekki” Hótaði lögregluþjónum og fjölskyldum þeirra Vilja að plássum í sumarfrístund sé útdeilt með sanngjarnari hætti Mótmælendur gegn brottvísun hindruðu för lögreglubíls Gætu verið einhverjar vikur í næsta gos Forsetakosningar á Eyrarbakka – munu sakna buffsins frá Guðna Sjá meira